ရခိုင်ပြည်နယ်မှ အကြမ်းဖက်သမားများ ပင်လယ်လမ်းကြောင်းကို အသုံးပြု၍ ဧရာဝတီတိုင်းအတွင်း ဝင်ရောက် တိုက်ခိုက် လာခြင်းများမှ ကာကွယ်ရန်အတွက် ပုသိမ်ခရိုင်အတွင်းရှိ ကမ်းခြေဒေသများမှ ရဲစခန်းများအား လုံခြုံရေးသတိရှိရန် တပ် လှန့်ထားကြောင်း သတင်းရရှိသည်။
ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ ပြောရေးဆိုခွင့်ရှိသူ ဒုရဲမှူးကြီး ခင်မောင်လတ်က “ရခိုင်ပြည်နယ်နဲ့ ဆက်စပ်နေတဲ့ ပင်လယ်ပြင်ကနေပြီးတော့ ဧရာဝတီတိုင်းအတွင်းကို အကြမ်းဖက်သမားတွေ ခိုးဝင် ဘင်္ဂါလီတွေ ဝင်ရောက်လာမယ့် အန္တရာယ်ကို အထူးသတိထား စောင့်ကြည့်သွားဖို့နဲ့ လုံခြုံရေးသတိရှိဖို့အတွက် ငပုတောမြို့နယ် ဟိုင်းကြီး၊ ချောင်းသာ၊ ငွေဆောင်၊ ရွှေသောင်ယံနဲ့ ရခိုင်ပြည်နယ် ဂွမြို့နယ်နဲ့ ထိစပ်နေတဲ့ သာပေါင်းမြို့နယ် မကျီးဇင်ဒေသက ရဲစခန်းတွေ အကုန်လုံးကို တပ်လှန့်ထားပါတယ်” ဟု ဧရာဝတီကို ပြောသည်။
ထိုသို့ တပ်လှန့်ထားမှုကို ရခိုင်ပြည်နယ်တွင် အကြမ်းဖက်မှုများ စတင်ဖြစ်ပွားခဲ့ပြီး နောက်တရက်ဖြစ်သည့် သြဂုတ် လ၂၆ရက်နေ့က စတင်ခဲ့ခြင်း ဖြစ်ပြီး ရခိုင်ပြည်နယ်၏အကြမ်းဖက်ဖြစ်ရပ်များ ပြီးဆုံးချိန်အထိ ထားရှိမည်ဖြစ်ကြောင်း ၎င်းက ဆိုသည်။
လတ်တလောတွင် ငပုတောမြို့နယ် ငရုတ်ကောင်းဒေသသို့ ရခိုင်ပြည်နယ် မောင်တောမှ အကြမ်းဖက်သမားများ စက်လှေဖြင့် ဝင်ရောက်လာသည်ဟု ကောလာဟလသတင်းများ ထွက်ပေါ်နေသည့်အပေါ် ဧရာဝတီတိုင်းရဲတပ်ဖွဲ့က ငြင်းဆိုခဲ့သည်။
“ငရုတ်ကောင်းဘက်ကို ဘင်္ဂါလီတွေ ဝင်တယ်ဆိုတာ မဟုတ်ပါဘူး။ အဲဒီသတင်းတွေ ထွက်လာလို့ တိုင်းရဲတပ်ဖွဲ့မှူး ကိုယ်တိုင် ဆင်းကြည့်ပြီးပါပြီ။ ပြည်သူလူထုအနေနဲ့ ကောလာဟလ သတင်းတွေအပေါ် မယုံကြည်ကြဖို့ လိုပါတယ်။ တကယ်လို့ ဘင်္ဂါလီတွေ ဝင်တယ်ဆိုတာ တွေ့ခဲ့ရင်လည်း သက်ဆိုင်ရာအုပ်ချုပ်ရေးနဲ့ ရဲတပ်ဖွဲ့ကိုအကြောင်းကြားပေးကြဖို့ မေတ္တာရပ်ခံလိုပါတယ်” ဟု ဒုရဲမှူးကြီးခင်မောင်လတ်က ပြောသည်။
အကြမ်းဖက်သမားများသည် မောင်တောဒေသအတွင်းရှိ ကျေးရွာများ၊ ကင်းစခန်းများ၊ ဘုန်းတော်ကြီးကျောင်းများ ၊ အပြစ်မဲ့ ပြည်သူများအား မီးရှို့ခြင်း၊ မိုင်းထောင်ခြင်း၊ အကြမ်းဖက် သတ်ဖြတ်ခြင်းများကို သြဂုတ် ၂၆ ရက် နေ့ စနေနေ့ တနေ့လုံး နီးပါး ပြုလုပ်ခဲ့ခြင်းကြောင့် လုံခြုံရေးတပ်ဖွဲ့ဝင်များက နုယ်မြေစိုးမိုးရေးလုပ်ငန်းများ ဆောင်ရွက်ခဲ့ရာ လက်လုပ်မိုင်းများဖြင့် တိုက်ခိုက်ကြကြောင်း နိုင်ငံတော် အတိုင်ပင်ခံပုဂ္ဂိုလ်ရုံး ပြန်ကြားရေးကော်မတီက ထုတ်ပြန် ထားသည်။
ဩဂုတ်လ ၂၇ ရက် နေ့လယ် ၁ နာရီခွဲ ထုတ်ပြန်ကြေညာချက်တွင်လည်း ဟိန္ဒူဘာသာဝင် မိသားစု ခြောက်ဦးအား အကြမ်းဖက်သမားများက သတ်ဖြတ်ခဲ့ကြောင်း ဆိုသည်။
ရခိုင်ပြည်နယ်ရှိ ဘင်္ဂါလီများသည် စက်လှေများဖြင့် ပင်လယ်လမ်းကြောင်းအတိုင်း စုန်ဆင်းလာပြီး ဧရာဝတီတိုင်း ဒေသ ကြီး ငပုတောမြို့နယ်၊ ပုသိမ်မြို့နယ်နှင့် သာပေါင်းမြို့နယ်များမှတဆင့် မြန်မာပြည်အတွင်းပိုင်းသို့ ဝင်ရောက်ရန် ကြိုးစား မှုများ ပြီးခဲ့သည့် ၂၀၁၅ ခုနှစ်က ဖြစ်ပွားခဲ့ကြောင်း သိရသည်။
Irrawaddy
No comments:
Post a Comment