 |
| YBS ယာဉ်တစ်စီးပေါ်မှာ ယာဉ်စီးခကို ပိုက်ဆံပုံးထဲထည့်နေသည်ကို တွေ့ရစဉ်။ Photo: Aung Thain Kha/ RFA |
ပိုက်ဆံပုံးတွေ တပ်ဆင်တဲ့ကိစ္စပြီးမှ ယာဉ်နောက်လိုက်တွေကိစ္စကို စီစဉ်မှာဖြစ်တယ်လို့ ဒေါက်တာမောင်အောင် က ပြောပါတယ်။
"ပထမအဆင့်က ကျနော်တို့က စပယ်ယာကို မပြောသေးဘူး။ ကားတိုင်းကို cash box (ပိုက်ဆံပုံး) တပ်ရမယ် ပြောထားတာ။ တစ်ပြိုင်နက်တည်း ကျနော်တို့ မလုပ်ဘူး။ အားလုံး မနက်ဖြန်အပြီး cash box တပ်ရမယ် ပြောတာနော်။ ဒါပြီးမှ ကျနော်တို့က ဘယ်လို ဒီ စပယ်ယာကို ဘယ်လို လုပ်မလဲဆိုတာ ပြန်ပြော ပါမယ်။"
YRTA ရဲ့ ညွှန်ကြားချက်ကို မလိုက်နာဘဲ ပိုက်ဆံပုံး မထားရှိတဲ့ ယာဉ်တွေကို ယာဉ်လိုင်းကနေ ထုတ်ပယ်တဲ့အထိ အရေးယူမှာဖြစ်တယ်လို့ သိရပါတယ်။
အချို့ YBS ယာဉ်လိုင်းတွေမှာ ကိုယ်ရကိုယ်ယူစနစ်ကို ဆက်ပြီးကျင့်သုံးနေသေးတဲ့အတွက် ယာဉ်နောက်လိုက်တွေ ကို ဖယ်ရှားလို့ မရသေးဘူးလို့ ပြောပါတယ်။
ပိုက်ဆံပုံးတွေ တပ်ပြီးရင် ခရီးသည်တွေ အနေနဲ့ ယာဉ်နောက်လိုက်တွေကို ယာဉ်စီးခ မပေးဘဲ ပိုက်ဆံပုံးတွေ ထဲကိုပဲ ထည့်ရမှာဖြစ်ပါတယ်။
ပြီးခဲ့တဲ့ ဇန်န၀ါရီလ ၁၆ ရက်နေ့က စတင်ပြီး အရင် မထသ စနစ်ကနေ YBS စနစ်ကို ပြောင်းလဲ ခဲ့တာဖြစ်ပါတယ်။ အဲဒီလို ပြောင်းလဲခဲ့ပေမယ့် ယာဉ်လုပ် သားတွေရဲ့ ခရီးသွားတွေအပေါ် ဆက်ဆံရေး မပြေပြစ်တာနဲ့ ယာဉ်စည်း ကမ်းဖောက်ဖျက်မှုတွေကြောင့် ဝေဖန်မှုတွေ ရှိနေပါတယ်။
RFA Burmese
http://www.rfa.org/burmese
No comments:
Post a Comment