မြိတ်မြို့၊ အလယ်ကျွန်းနယ်မြေ၊ ကန်ဘောင်ရိုးမီးသတ်လမ်းရှိ ဒေါ်သန်းဌေးရဲ့နေအိမ်မှာ မွေးမြူထားတဲ့ မိကျောင်း တစ်ကောင်ကို နိုင်ငံတော်ကို ပေးအပ်လှူဒါန်းမယ်လို့ သိရပါတယ်။
ကန်ဘောင်ရိုးလမ်းရှိ ဒေါ်သန်းဌေးရဲ့နေအိမ်မှာမွေးမြူထားတဲ့ သက်တန်း ၁၃ နှစ် ရှိမိကျောင်းကို ကျွေးမွေးစရိတ်ကြီးလာလို့ နိုင်ငံတော်ကို အပ်နှံတော့မယ်လို့ သိရပါတယ်။
“လွန်ခဲ့တဲ့ ၁၃ နှစ်လောက်က သစ်တောဗိုလ်ကြီးတစ်ယောက်က လက်ဆောင်ပေးခဲ့တယ်။ စမွေးတုန်းကတော့ မိကျောင်းအရွယ်အစားက တထွာလောက်ပဲရှိတယ်။ အခု ၁၃ နှစ်သားအရွယ်မှာ ၆ ပေ ခန့်ရှိလာတယ်။ ကျမတို့က ကြောက်လည်းကြောက်လာတယ်။ ကျွေးမွေးစရိတ်တွေလည်း လိုအပ်လာတယ်။ အရင်က ကျွေးမွေးစရိတ်က ၁ ထောင်နဲ့ လုံလောက်ပါတယ်။ ခုတော့ သူက ၁ ထောင်နဲ့ ဗိုက်မပြည့်ချင်တော့ဘူး။ ဒါကြောင့် အိမ်မှာဆက်မွေးထားလို့ အဆင်မပြေတော့ဘူး။ နိုင်ငံတော်ကို အပ်နှံတော့မယ်လို့ ဆုံးဖြတ်ခဲ့တယ်” လို့ မိကျောင်းမွေးမြူထားသည့် အသက် ၅၅ နှစ်အရွယ်ရှိ ဒေါ်သန်းဌေးက ပြောပါတယ်။
အဆိုပါမိကျောင်းကို သစ်တောဦးစီးဌာနနှင့် တာဝန်ရှိသူများက လာရောက်ကြည့်ရှုပြီး အထက်ကို တင်ပြ၍ ခွင့်ပြုချက်ရလျှင် လက်ခံပေးပါမယ်လို့သိရပါတယ်။
“လက်ရှိမှာ တိုင်းဒေသကြီးကို သတင်းပို့ထားပါတယ်။ မိချောင်းရဲ့ အရှည်က ၆ ပေ လောက်ရှိပြီ။ အခုလိုလာအပ်တာကိုပဲ ကျေးဇူးတင်နေရတယ်။ တာမြစ်ထားတဲ့ သားရဲတိရစ္ဆာန် စာရင်းထဲမှာပါတယ်။ တာဝန်သိပြည်သူအနေနဲ့ လာအပ်တာ ကောင်းပါတယ်။ သူတို့ကလာမအပ်ဘဲ ဒီတိုင်းမွေးထားလို့ ကျနော်တို့သိပြီးတဲ့အချိန်ဆိုရင် သစ်တောဥပဒေအရ အရေးယူခံရမှာဖြစ်တယ်” လို့ သစ်တောဦးစီးဌာနက ဦးစီးအရာရှိ ဦးသိန်းထွန်းကပြောပါတယ်။
အဆိုပါမိကျောင်းအား လက်ရှိတွင် ဒေါ်သန်းဌေးရဲ့ နေအိမ်မှာ ဆက်လက် ထိန်းသိမ်းပေးထားတယ်လို့ သိရပါတယ်။
DVB
No comments:
Post a Comment