၁၅ နှစ်အတွင်း အဆိုးရွားဆုံး မိုးခေါင်မှုနှင့် ရင်ဆိုင်နေရသည့် မြောက်ကိုရီးယားတွင် စားနပ်ရိက္ခာ ပြတ်လပ်မှုမှာ စိုးရိမ်စရာ ဖြစ်နေ

၁၅ နှစ်အတွင်း အဆိုးရွားဆုံး မိုးခေါင်မှုနှင့် ရင်ဆိုင်နေရသည့်
မြောက်ကိုရီးယားတွင် စားနပ်ရိက္ခာ ပြတ်လပ်မှုမှာ စိုးရိမ်စရာ ဖြစ်နေ

မြောက်ကိုရီးယားသည် ၁၅ နှစ်ကျော် ကာလအတွင်း အပြင်းထန်ဆုံး မိုးခေါင်မှုနှင့် ကြုံတွေ့နေရစဉ် ဆိုးဆိုးရွားရွားစားနပ် ရိက္ခာပြတ်လပ်မှုနှင့်လည်း ရင်ဆိုင်နေရကြောင်း ကုလသမဂ္ဂက ထုတ်ပြန်ခဲ့သည်။ မြောက်ကိုရီးယားကလေးများ ငတ်မွတ်မည့်ဘေးမှ ရှောင်လွှဲနိုင်ရန်အတွက် ပြည်ပမှ အစားအစာများအရေးပေါ် ပေးပို့ကြရန်လည်း ကုလသမဂ္ဂက ဆော်သြခဲ့သည်။

ယခင်ကတည်းက အာဟာရချို့တဲ့မှုများ ကျယ်ပြန့်စွာ ဖြစ်ပေါ်နေသည့် မြောက်ကိုရီးယားတွင် ယခုနှစ်၏ ပထမ ခြောက်လအတွင်း မိုးရွာသွန်းမှုမှာ လွန်စွာနည်းပါးခဲ့သဖြင့် နိုင်ငံ၏ အသက်သွေးကြောဖြစ်သော စိုက်ပျိုးရေးသီးနှံ ရိတ်သိမ်းနိုင်မှုအပေါ် ဆိုးဆိုးရွားရွား ထိခိုက်မှု ရှိခဲ့သည်ဟု ကုလသမဂ္ဂ၏ စားနပ်ရိက္ခာနှင့် စိုက်ပျိုးရေး အဖွဲ့အစည်း (FAO) ၏ အစီရင်ခံစာထဲတွင် ဖော်ပြထားသည်။ ယခုနှစ် ဧပြီလမှ ဇွန်လအတွင်း စိုက်ပျိုးရေး အဓိက လုပ်ကိုင်သည့် ဒေသအချို့တွင် မိုးရွာသွန်းမှုသည် ပျမ်းမျှနှုန်းထားထက် ရာခိုင်နှုန်း ၅၀ ကျော် ကျဆင်းခဲ့သည်။

ထိုသို့ ရာသီအလိုက် မိုးရွာသွန်းမှုများ ကျဆင်းနေသဖြင့် မြောက်ကိုရီးယား လူဦးရေ အများစု၏ စားနပ်ရိက္ခာ လုံခြုံမှု အခြေအနေကို လျင်မြန်စွာ ဆိုးရွားလာစေနိုင်သည်ဟု FAO ၏ တရုတ်နှင့် မြောက်ကိုရီးယားဆိုင်ရာ ကိုယ်စားလှယ်ဖြစ်သူ ဗင်းဆင့်မာတင်က ပြောကြားခဲ့သည်။

“ဒုက္ခရောက်နေတဲ့ လယ်သမားတွေကို ပံ့ပိုးဖို့၊ နေ့စဉ် စားသုံးမှု ပမာဏ လျှော့ချခိုင်းတာမျိုး အစရှိတဲ့ အစိုးရရဲ့ မလိုလားအပ်တဲ့ ဖြေရှင်းမှုတွေ မထွက်လာစေဖို့အတွက် အရေးပေါ် ကြားဝင်ဖြေရှင်းပေးမှု လိုအပ်နေပါတယ်” ဟု မာတင်က ပြောကြားခဲ့သည်။

ပြီးခဲ့သည့် ဆယ်စုနှစ်များ အတွင်းက မြောက်ကိုရီးယားသည် အငတ်ဘေးဆိုက်မှုနှင့် မကြာခဏ ကြုံတွေ့ခဲ့ရသည်။ မြောက်ကိုရီးယားတွင် ‘ခက်ခဲကြမ်းတမ်းတဲ့ မတ်လ’ ဟု ခေါ်ဆိုကြသော ၁၉၉၀ ပြည့်လွန် အလယ်ပိုင်းမှ နှောင်းပိုင်းကာလအတွင်း လူပေါင်းထောင်နှင့်ချီပြီး အငတ်ဘေးဆိုက်မှုကြောင့် သေကျေခဲ့ရသည်။ မြောက်ကိုရီးယားသည် အခြေအနေကောင်းမွန်သည် နှစ်များတွင်မူ လူဦးရေ၏ ၄၀ ရာခိုင်နှုန်းသည် ကုလသမဂ္ဂ၏ အာဟာရ မပြည့်ဝဟု သတ်မှတ်ခံရသည့် စာရင်းထဲတွင် ပါဝင်နေသေးသည်။

ယင်းကဲ့သို့ မြောက်ကိုရီးယား၏ စားနပ်ရိက္ခာ ပြတ်လပ်ရခြင်းသည် စီမံခန့်ခွဲမှု ညံ့ဖျင်းခြင်းကြောင့်လည်း ပါဝင်သည်ဟု ကျယ်ကျယ်ပြန့်ပြန့် အပြစ်တင်ခံနေရသည်။ ဝေဖန်သူများကလည်း အစိုးရသည် တိုင်းပြည်ဘဏ္ဍာများကို နျူကလီးယားနှင့် ဒုံးကျည်စီမံကိန်းများအတွက်သာ အသုံးပြုနေသဖြင့် စိုက်ပျိုးရေးကဏ္ဍ ရင်းနှီးမြှုပ်နှံမှုများကို ထိခိုက်နစ်နာစေကြောင်း ထောက်ပြလျက် ရှိသည်။

မြောက်ကိုရီးယားသို့ ပံ့ပိုးနေသည့် နိုင်ငံတကာ အကူအညီများအနက် အများစုမှာ တောင်ကိုရီးယားနှင့် အမေရိကန်တို့မှ ဖြစ်သည်။ သို့သော် မြောက်ကိုရီးယား၏ ဒုံးကျည်အစီအစဉ်များကြောင့် တင်းမာမှုများ မြင့်တက်လာခြင်းနှင့်အတူ ထိုပြည်ပ အကူအညီများမှာလည်း ပြီးခဲ့သည့် ဆယ်စုနှစ် အတွင်းက စိုးရိမ်ဖွယ် လျော့ကျလာခဲ့သည်။

မြောက်ကိုရီးယားတွင် မကြာခဏ ဖြစ်ပေါ်နေသည့် ရေကြီးမှု၊ မိုးခေါင်မှုတို့အပြင် မြေဆီလွှာ၊ မျိုးစေ့၊ မြေသြဇာနှင့် စိုက်ပျိုးရေးသုံး ကိရိယာများ၏ အရည်အသွေး ညံ့ဖျင်းခြင်းတို့မှာလည်း အပြစ်တင်ရမည့် အကြောင်းရင်းများထဲတွင် ပါဝင်နေသည်။

အမျိုးသမီးများ၊ ကလေးများ၊ သက်ကြီးရွယ်အိုများသည် စားနပ်ရိက္ခာ ရှားပါးမှုအတွက် ခုခံအား အနည်းဆုံးသူများ ဖြစ်ကြသည်။ အာဟာရဓာတ် မပြည့်ဝခြင်းသည် မိခင်နှင့်ကလေး သေဆုံးမှုများ၏ အဓိက အကြောင်းရင်း ဖြစ်နေသည်။ အသက် ငါးနှစ်အောက် မြောက်ကိုရီးယား ကလေးငယ် ၂၈ ရာခိုင်နှုန်းသည် ကြီးထွားမှု ရပ်တန့်နေကြသည်ဟု သိရသည်။

Eleven Media Group