Latest News

Sunday, July 30, 2017

တိုင်းနဲ့ ပြည်နယ် ၄ ခု ရေဖုံးလွှမ်းနိုင်


ဧရာဝတီမြစ်ရေတက်သဖြင့် မကွေးတိုင်းက ရွာတရွာမှာ ရေကြီးနေပုံ။ Photo: Prof Win Myat Aye/ FB
ရခိုင်ပြည်နယ်မြောက်ပိုင်း၊ ဧရာဝတီတိုင်းတောင်ပိုင်း၊ ပဲခူးတိုင်းတောင်ပိုင်းနဲ့ ရန်ကုန်တိုင်းတို့မှာ ရေဖုံးလွှမ်းနိုင်တဲ့အခြေအနေ ရှိနေတယ်လို့ မိုးလေ၀သပညာ ရှင် ဒေါက်တာထွန်းလွင် က ပြောပါတယ်။

မိုးရွာသွန်းမှုကြောင့် ရေဖုံးလွှမ်းနိုင်တဲ့ ဧရိယာတွေကို အမေရိကန်အမျိုးသား အာကာသနဲ့ လေကြောင်းဦးစီးဌာန NASA က ဒီကနေ့ ထုတ်ပြန်ပေးတာဖြစ်တယ် လို့ ဒေါက်တာထွန်းလွင် က ပြောပါတယ်။

"ဒီနေ့မနက် ၆ နာရီခွဲ၊ နာဆာဂြိုလ်တုပေါ့နော်။ အဲ့ဒီဂြိုလ်တုကနေ တိုင်းပေးထားတာ။ ရေကြီးတာတွေပြောတာမဟုတ်ဘူး။ အနိမ့်ပိုင်းတွေ ရေဖုံး တာကို ပြောတာ။ ရေဖုံးတဲ့ ဧရိယာက ရခိုင်ရှိတယ်။ မြောက်ပိုင်းမှာပေါ့။ ဧရာဝတီ၊ နောက် ရန်ကုန်၊ ပဲခူးတောင်ပိုင်း၊ တိုင်း ၃ ခု ပြည်နယ် ၁ ခုပေါ့။ရခိုင်ရယ်၊ ဧရာဝတီရယ်၊ ရန်ကုန်ရယ်၊ ပဲခူးတောင်ပိုင်းရယ်ပေါ့နော်။ မိုးရွာလို့ပါ"

စစ်တွေ၊ မအူပင်၊ မြိတ်၊ ပဲခူးနဲ့ မင်္ဂလာဒုံ စတဲ့ မြို့နယ်တွေမှာ ရေဖုံးလွှမ်းနိုင်တဲ့ အလားလာတွေ ပိုများနေတယ်လို့လည်း ပြောပါတယ်။

ရန်ကုန် ၊ ဧရာဝတီ ၊ တနင်္သာရီ ၊ ကရင်၊ မွန် စတဲ့တိုင်းနဲ့ပြည်နယ်တွေမှာ နေရာကွက်ပြီး မိုးကြီးနိုင်တယ်လို့ မိုးလေ၀သနဲ့ဇလဗေဒညွှန်ကြားမှု ဦးစီးဌာနက သတင်းထုတ်ပြန်ထားပါတယ်။

စစ်တောင်းမြစ်ရေဟာ မဒေါက်မြို့နယ်မှာ ၊ င၀န်မြစ်ရေဟာ ငါးသိုင်းချောင်းမြို့နယ်တွေမှာ စိုးရိမ်ရေမှတ်ကို ကျော်လွန်နေ တာကြောင့် မြေနိမ့်ပိုင်းမှာနေတဲ့ သူတွေအနေနဲ့ သတိထားကြဖို့လည်း ထုတ်ပြန်ချက်မှာ ပါရှိပါတယ်။

RFA Burmese
http://www.rfa.org/burmese

No comments:

Post a Comment