Latest News

Tuesday, July 18, 2017

ဖေ့စ်ဘုတ်ခ်မှာ ပိပိရိရိလိမ်တဲ့လိမ်လည်မှုအကြီးစားတွေသတိထားပါ

ဖေ့စ်ဘုတ်ခ်မှာ ပိပိရိရိလိမ်တဲ့လိမ်လည်မှုအကြီးစားတွေသတိထားပါ

လတ်တလောမှာ လူမှုကွန်ရက်ဖေ့စ်ဘုတ်ခ်စာမျက်နှာကနေ လိမ်လည်မှုနည်းအသစ်နဲ့ အကြီးစားလိမ်လည်မှုတွေ ဖြစ်ပွားနေတယ်လို့ကိုယ်တိုင်အလိမ်ခံရသူတချို့ရဲ့ပြောပြချက်အရ သိရပါတယ်။

ပျဉ်းမနားမြို့ စွမ်းရည်ထက် အင်္ဂလိပ်စာသင်တန်းကျောင်းမှ ဆရာဦးသန်းထိုက်လင်းက အခု ဆရာ့ကိုလိမ်တဲ့သူက အရမ်းပိရိတယ်၊ သူက အင်္ဂလိပ်လိုပဲ ပြောတာ၊ သူက UK က၊ သူဟာကင်ဆာဝေဒနာ နောက်ဆုံးခံစားနေရတဲ့ ဝဒနာရှင်တစ်ယောက်ဖြစ်တယ်၊ ဒါကြောင့်သူ့မှာရှိတဲ့ ပိုက်ဆံတွေကို မြန်မာပြည်ကမရှိ ဆင်းရဲတဲ့ကလေးတွေနဲ့ သူ့လို မုဆိုးမတွေကို လှူပေးဖို့ပြောရင်း ကိုယ့်ဆီကငွေကိုညှစ်တောင်းတဲ့ နည်း အသစ်နဲ့လိမ်တာပါလို့ ပြောပါတယ်။

လိမ်လည်မှုပုံစံမှာ ပထမအဆင့်အနေနဲ့ ဖေ့စ်ဘုတ်ခ်မှာသူငယ်ချင်းအဖြစ်လာရောက်အပ်ပြီး သူငယ်ချင်းဖြစ်သွားရင်ချက်ဘောက်စ်မှာ စကားလာပြောတာ ဖြစ်ပါတယ်။အခု သူဟာကင်ဆာရောဂါခံစားနေရသူတစ်ယောက်ပါ။ အချိန်အားဖြင့်သိပ်မနေရတော့လို့ သူ့မှာရှိတဲ့ အမေရိကန်ဒေါ် လာနှစ်သန်းကို မြန်မာနိုင်ငံအတွင်းက ကင်ဆာဝေဒနာရှင်တွေနဲ့ မိဘမဲ့ကလေးတွေကိုလှူပေးပါ။ သည်ငွေရဲ့ ၃၀ ရာခိုင်နှုန်းကိုတော့ ငွေလက်ခံသူက လိုတာကို အသုံးပြုနိုင်ပါတယ်ဆိုပြီး မက်လုံးပေးပြီး စတင်စည်းရုံးမှုတွေပြုလုပ်တာ ဖြစ်ပါတယ်။

အဲသည် ပိုက်ဆံငွေပမာဏများပြားနေတာကြောင့် မြန်မာနိုင်ငံကိုလွှဲပေးရာတွင်အင်္ဂလန်နိုင်ငံအနေနဲ့ ခွင့်ပြုမှာမဟုတ်ဘူး။ ဒါကြောင့် အေးဂျင့်နဲ့ပို့ပေးမယ်။ အဲသည် ပိုက်ဆံသေတ္တာကို သေချာပက်ကင်ထုပ်ပေးတယ်။ သူ့ရဲ့သေတ္တာသော့က ပက်စ်ဝပ်နံပါတ်နဲ့ဖွင့်ရမှာ၊ အဲသည်နံ ပါတ်ကို ဘယ်သူ့မှမပေးဘူး။ ငွေလက်ခံသူ တစ်ယောက်တည်းကိုပေးတာဖြစ်ပါတယ်။

အခု သူ့ငွေတွေကို အေးဂျင့်နဲ့ပို့တာကို ငွေပမာဏများတဲ့အတွက် ဘယ်သူ့ကိုမှမပြောဘူး။ ငွေလက်ခံသူကိုယ်တိုင်လည်း ဘယ်သူ့မှ မပြောဖို့နဲ့ နောက်ဆုံး မိသားစုဝင်တွေကိုပါမပြောဖို့ ငွေတွေလက်ထဲရောက်ပြီဆိုမှ သူ့ဆီကိုဆက်သွယ်ပါ။ သူစိတ်ချပါ့မယ်။ သူဟာအခု အခြေအနေကဆေးရုံမှာပဲ နေနေရတာမို့ သူနဲ့တိုက်ရိုက်ဖုန်းပြောလို့မရပါဘူး။ အေးဂျင့်က ဆရာ့ကိုဆက်သွယ်ပါလိမ့်မယ်ဆိုပြီး လိမ်လည် မှုတွေပြုလုပ်နေတာဖြစ် တယ်လို့လည်း သိရပါတယ်။

ဆရာ့ကိုအေးဂျင့်ကဆက်တယ်၊ ဆရာ့နာမည်နဲ့ပါဆယ်တစ်ခု သူတို့ဆီရောက်နေပါတယ်၊ လေဆိပ်ကိုလာယူမလား၊ ဒါမှမဟုတ် အိမ်ကို လာပို့ပေးရမလား၊ ဒါပေမဲ့ ဒီပစ္စည်းထုတ်ယူဖို့အတွက် ကျွန်မတို့အကောင့်ထဲကို ငွေ ၁,၃၆၀,ဝ၀ဝ ထည့်ပေးရပါမယ်၊ ပြီးရင်အိမ်အထိ ပို့ပေး ပါမယ်လို့ ငွေလိမ်လည်တောင်းခံရသူ ဆရာ ဦးသန်းထိုက်လင်းက ပြောပြပါတယ်။ တစ်ဖက်က ယုံကြည်ပြီးငွေလွှဲလာအောင် ပိုက်ဆံပါသေတ္တာကိုလည်း ဓာတ်ပုံရိုက်ပြီးချက်ဘောက်စ်က ပို့ပေးတာဖြစ်သလို သူတက်ရောက်နေ ရတဲ့ ဆေးရုံရဲ့လိပ်စာတွေကိုပါအတိအကျရေးသားဖော်ပြထားတာ ဖြစ်ပါတယ်။

နေပြည်တော်ကောင်စီနယ်မြေအတွင်းမှာပဲ လုပ်ငန်းရှင်အချို့နဲ့ ပိုက်ဆံပေါပေါသုံးနိုင်တဲ့ သူတချို့ရဲ့အကောင့်တွေကိုလိုက်အပ်ပြီး အခုလို နည်းမျိုးစုံသုံးကာငွေလိမ်လည်မှုတွေပြုလုပ်နေတာ ဖြစ်ပါတယ်။
ဆရာနဲ့ အခုဖြစ်တဲ့အမျိုးသမီးကဖေ့စ်ဘုတ်ခ်မှာ သူကလာအပ်တာ၊ သုံးပတ်လောက်ပဲရှိသေးတာ၊ အစကတော့အဟုတ်ထင်ပြီးမက်လုံးပေးတော့ ဆရာလဲပြန်ပြောနေတာပေါ့၊ နောက်ပိုင်းကျတော့ စကားပြောပုံက ကိုယ့်ဆီကငွေလွှဲပြီးလားပဲမေးနေတော့မဟုတ်တော့ဘူးဆိုတာသိလို့၊ မဟုတ်ရင်လွှဲမိတော့မှာလို့ ပြောပါတယ်။

Author – မိုးမိုး

Kumudra

No comments:

Post a Comment

Blog Archive