ပြည်မြို့တွင် ရေ၀င်အိမ်ခြေ နှင့် ဒုက္ခသည်ဦးရေ ထပ်တိုးလာ
ဧရာဝတီ မြစ်ရေကြီးသည့်အတွက် ပဲခူးတိုင်း ပြည်ခရိုင် ပြည်မြို့တွင် လူနေအိမ်များအတွင်းသို့ ရေ၀င်ရောက်မှုများ ဖြစ်ပေါ်ခဲ့ပြီး ဇူလိုင်လ ၁၉ ရက်တွင် ရေ၀င်အိမ်ခြေ ၁၅၀၀ ကျော်အထိ ရှိလာခဲ့ပြီး ဒုက္ခသည် ၂၀၀၀ ခန့် ကယ်ဆယ်ရေး စခန်းများတွင် ခိုလှုံနေရကြောင်း သိရသည်။
“ရွှေပလ္လင်မှော် ၊ ၀ါဆို နဲ့ တံတားထိပ် တိုးတယ်။ အေးမြသာယာလည်း ရေ၀ိုင်းနေပြီ”ဟု န၀င်းရပ်ကွက်အုပ်ချုပ်ရေးမှူးရုံး ရုံးစာရေး ဦးမျိုးဇော်ဝင်းက ဆိုသည်။
ဇူလိုင်လ ၁၉ ရက်တွင် ပြည်မြို့န၀င်းနယ်မြေ ဖိုးခေါင်ရပ်ကွက်မှ အိမ်ခြေ ၆၇၁ လုံး ၊ မာလကာကုန်းရပ်ကွက်မှ အိမ်ခြေ ၁၂၆ လုံး ၊ ဘောဂရပ်ကွက်မှ အိမ်ခြေ ၉၁ လုံး ၊ န၀င်းမြောက် မှ အိမ်ခြေ ၂၂၁ လုံး ၊ န၀င်းလယ်မှ အိမ်ခြေ ၄၆ လုံး ၊ ရွှေပလ္လင်မှော်အောက်ချိုင့် မှ အိမ်ခြေ ၁၂၄ လုံး ၊ ၀ါရုံတာရိုးမှ အိမ်ခြေ ၂၃၇ လုံး စုစုပေါင်း အိမ်ခြေ ၁၅၁၆ လုံးရေ၀င်မှုရှိခဲ့သည်ဟု န၀င်းနယ်မြေအုပ်ချုပ်ရေးမှူးရုံးမှ သိရသည်။
ဇူလိုင် ၁၉ ရက်အထိ ၀ါဆိုဘုန်းတော်ကြီးကျောင်းနှင့် န၀င်းချောင်းကူးတံတားချဉ်းကပ်လမ်းတွင် အိမ်ထောင်စု ၂၁၀ ခု လူဦးရေ ၇၃၇ ဦး ၊ န၀င်းတာရိုးပေါ်တွင် အိမ်ထောင်စု ၂၆၇ ခု လူဦးရေ ၁၀၄၀ဦး ၊ ရွှေပလ္လင်မှော် ဘုရားပေါ်တွင် အိမ်ထောင်စု ၄၆ ခု လူဦးရေ ၂၀၅ ဦး စုစုပေါင်း အိမ်ထောင်စု ၅၂၃ ခု လူဦးရေ ၁၉၈၂ ခိုလှုံနေကြသည်။ ဒုက္ခသည်အများစုမှာ နေစရာ မရသေးဘဲ သောက်သုံးရေအခက်အခဲ နှင့်ပါကြုံတွေ့နေရသည်။
“အိမ်က လုံးလုံးမြှုပ်နေတာ ။ တဲမထိုးနိုင်တော့ ဒီလိုပဲ အစ်မတွေနဲ့ပဲ ကျပ်ကျပ်တည်းတည်း နေရတယ်။ တဲထိုးဖို့ အနည်းဆုံး ခုနှစ်သောင်းရှစ်သောင်းကုန်တယ်”ဟု ဖိုးခေါင် ရပ်ကွက်နေ ရေဘေးဒုက္ခသည် အမျိုးသမီးတစ်ဦးက ဆိုသည်။
ဇူလိုင်လ ၁၉ ရက် ညနေ ၆ နာရီ တိုင်းတာရရှိချက်အရ ဧရာဝတီမြစ်ရေသည် ပြည်မြို့တွင် ၂၈၆၂ စင်တီမီတာ ရှိပြီး စိုးရိမ်ရေအမှတ် ၂၉၀၀ စင်တီမီတာသို့ရောက်ရန် ၃၈ စင်တီမီတာ သာ လိုတော့ကြောင်း ပြည်ခရိုင် မိုးလေ၀သနှင့် ဇလဗေဒ ဦးစီးဌာနရုံးမှ သိရသည်။
Mizzima
Subscribe to:
Post Comments (Atom)
No comments:
Post a Comment