Latest News

Monday, July 3, 2017

သမ္မတယာဉ်တန်းကိုရပ်တန့်ကာ လူနာတင်ယာဉ်ကိုဦးစားပေးခဲ့တဲ့ယာဉ်ထိန်းရဲကြီး

သမ္မတယာဉ်တန်းကိုရပ်တန့်ကာ လူနာတင်ယာဉ်ကိုဦးစားပေးခဲ့တဲ့ယာဉ်ထိန်းရဲကြီး


အိန္ဒိယသမ္မတ ပရာနက်ဘ်မူခါဂျီဟာ ပြီးခဲ့တဲ့ စနေနေ့က Namma Metro’s Green Line ကုမ္မဏီဖွင့်လှစ်ပွဲကို တက်ရောက်ဖို့ Bengaluru မြို့ကို အစောင့်အရှောက်၊ ၀န်ကြီးဝန်ငယ် စုံလင်စွာနဲ့ ရောက်ရှိလာခဲ့ပါတယ်။ ဒေသခံရဲတပ်ဖွဲ့နဲ့ တပ်မတော်တပ်ရင်းတွေဟာ VVIPs အဆင့် လုံခြုံရေးမို့ အမှားမခံဘဲ ဂရုတစိုက် ဆောင်ရွက်ခဲ့ကြပါတယ်။

ဒီအထဲမှာ လမ်းကြောင်းရှင်းလင်းရေးကလည်း ယာဉ်ထိန်းတပ်ဖွဲ့ဝင်တွေအတွက်တော့ အလွန်အရေးကြီးတဲ့ အလုပ်ဖြစ်ပြီး၊ တာဝန်လည်း ကြီးမားပါတယ်။ ယာဉ်ထိန်းတပ်ဖွဲ့မှာ ကြယ်နှစ်ပွင့် ဗိုလ်ကြီးအဆင့်နဲ့ တာဝန်ထမ်းဆောင်နေတဲ့ Nijalingappa ကတော့ မြို့လယ်ခေါင်က အ၀ိုင်းပတ်မှာ တာဝန်ယူရပြီး၊ လမ်းကြောင်းရှင်းလင်းရေးကို ဆောင်ရွက် ရပါတယ်။

သူဟာ သူရဲ့ တပ်စိတ်နဲ့အတူ အ၀ိုင်းမှာ တာဝန်ထမ်းဆောင်နေစဉ် သမ္မတယာဉ်တန်းထက်၊ မိနစ်ပိုင်း လောက်စောပြီး လူနာတင်ကားတစ်စီး ရောက်လာခဲ့ပါတယ်။ သွားရောက်စစ်ဆေးစဉ်မှာ သွေးထွက်လွန်ဒဏ်ရာနဲ့ ကလေးလူနာတစ်ဦး တင်ဆောင်လာတာ ဖြစ်ပြီး အရေးပေါ်အခြေအနေပါဘဲ။ ဒီအချိန်မှာပဲ Nijalingappa ဟာ လူနာတင်ကား ဖြတ်သန်းခွင့်ကို ဦးစားပေးလိုက်ပြီး၊ သမ္မတယာဉ်တန်းကို တားဆီးလိုက်ပါတယ်။

လူနာတင်ကား ဖြတ်သန်းမောင်းနှင်သွားမှ သမ္မတယာဉ်တန်းကို သွားခွင့်ပေးခဲ့တာပါ။ ပထမတော့ လုပ်ဖော်ကိုင်ဘက်တွေက ဒီလုပ်ရပ်ကြောင့် Nijalingappa ကို ရာထူးတော့ အနည်းဆုံးပြုတ်လိမ့်မယ်လို့ တွေးနေခဲ့ကြပေမယ့်၊ သူကတော့  Bengaluru မြို့တော်ဝန်ရဲ့ ဆုချီးမြင့်ခြင်း ခံခဲ့ရသလို၊ ရဲမှူးကြီး Abhei Goyal ကလည်း ၎င်းရဲ့ တွစ်တာမှတစ်ဆင့် ချီးကျူးမှုတွေ ပြုလုပ်ခဲ့ပါတယ်။

လင်းဇော်ကို (Shwemom)
Shwemom

No comments:

Post a Comment

Blog Archive