Latest News

Monday, July 17, 2017

ပြည်ထဲရေးဝန်ကြီးဌာန ယခင် ဒုတိယအမြဲတမ်းအတွင်းဝန်(ယခု ကရင်ပြည်နယ် အထွေထွေအုပ်ချုပ်ရေး အတွင်းရေးမှူး) အဂတိလိုက်စားမှု အရေးယူသည့်ကိစ္စ ရှင်းလင်းချက်


ပြည်ထဲရေးဝန်ကြီးဌာန ယခင် ဒုတိယအမြဲတမ်းအတွင်းဝန်(ယခု ကရင်ပြည်နယ် အထွေထွေအုပ်ချုပ်ရေး အတွင်းရေးမှူး) အဂတိလိုက်စားမှု အရေးယူသည့်ကိစ္စ ရှင်းလင်းချက်
--------------------------------------------------------------------

၁။ ဒီကိစ္စက ဒုတိယအမြဲတမ်းအတွင်းဝန်အနေနဲ့ တာဝန်ထမ်းဆောင်ခဲ့တဲ့ ၂၀၁၅ ခုနှစ် ဧပြီလကတည်းက စတင်ဖြစ်ပွားခဲ့တဲ့ ကိစ္စ ဖြစ်ပါတယ်။

၂။ အဓိက ဖြစ်စဉ်က ရန်ကုန်မှာရှိတဲ့ မြေကွက်တစ်ကွက်နဲ့ ပတ်သက်ပြီး သိန်းထောင်နဲ့ချီပြီး အဂတိလိုက်စားမှု ဖြစ်ပါတယ်။ ဒီထဲမှာ Alphard ယာဉ် ပေးတာ၊ Mark II ယာဉ်ပေးတာ စတဲ့ အချက်တွေပါပါတယ်။

၃။ မူလက ပြည်ထဲရေးဝန်ကြီးဌာနကို တိုင်ကြားခဲ့တဲ့ Case ဖြစ်ပါတယ်။ ပြည်ထဲရေးဝန်ကြီးဌာနက အရာရှိတွေ ပါဝင်ပတ်သက်နေတာ ဖြစ်တဲ့အတွက် အဂတိလိုက်စားမှုတိုက်ဖျက်ရေးကော်မရှင်ကို လွှဲပြောင်းပေးပြီး ကိုင်တွယ်စေခဲ့တာ ဖြစ်ပါတယ်။

၎။ အဂတိလိုက်စားမှုတိုက်ဖျက်ရေးကော်မရှင်က စုံစမ်းစစ်ဆေးမှုတွေ
ပြုလုပ်ခဲ့ပြီး အခုအချိန်မှာ အထင်အရှားပေါ်ပေါက်တဲ့
(၁) ဦးပြုံးချို (ယခု ကရင်ပြည်နယ် အထွေထွေအုပ်ချုပ်ရေး အတွင်းရေးမှူး)
(၂) ပြည်ထဲရေးဝန်ကြီးဌာန ဝန်ကြီးရုံးက ဒုတိယရဲမှူးကြီး တစ်ဦး
(၃) ပြည်ထဲရေးဝန်ကြီးဌာနက ဒုတိယညွှန်ကြားရေးမှူး တစ်ဦး
(၄) ပြည်ထဲရေး ဝန်ကြီးဌာနက ဦးစီးအရာရှိတစ်ဦး
(၅) မြေပိုင်ရှင် ကိုယ်စားလှယ်လွှဲအပ်ခြင်း ခံထားရသူ နှစ်ဦး
စုစုပေါင်း (၆)ဦးကို အဂတိလိုက်စားမှုတိုက်ဖျက်ရေးဥပဒေနဲ့ အရေးယူနိုင်ဖို့ တရားစွဲဆိုလိုက်တာ ဖြစ်ပါတယ်။

၅။ အဂတိလိုက်စားမှုတိုက်ဖျက်ရေးကို အလေးထားဆောင်ရွက်နေတာ ဖြစ်ပေမယ့်လည်း အချို့သော ကိစ္စတွေက စစ်ဆေးတဲ့အခါ ကျော်စောမှု သဘောမျိုး ဖြစ်နေပြီး၊ တိကျတဲ့ ခိုင်မာတဲ့ သက်သေအထောက်အထားတွေ လိုအပ်ပါတယ်။ သံသယဖြစ်ခြင်းခံရသူတွေအနေနဲ့လည်း ဥပဒေနဲ့ အညီ ပြန်လည် ရှင်းလင်း ချေပခွင့် ရှိရမှာ ဖြစ်ပါတယ်။ ဒီအတိုင်းပဲ ဆောင်ရွက်နေတာ ဖြစ်တဲ့အတွက် တချို့ကိစ္စတွေမှာလည်း ဝန်ကြီးဌာနတွေရဲ့ စည်းမျဉ်းစည်းကမ်းနဲ့ ဝန်ထမ်းဥပဒေနဲ့ အရေးယူတာတွေလည်း အများကြီး ရှိနေပြီ လို့ ပြောနိုင်ပါတယ်။
Zaw Htay

No comments:

Post a Comment