Latest News

Monday, July 17, 2017

ပြည်ထဲရေးအဆင့်မြင့် အရာရှိတချို့ အဂတိလိုက်စားမှုနဲ့ ဖမ်းဆီး


ရန်ကုန်တိုင်း တရားရုံး
ကရင်ပြည်နယ်အစိုးရအဖွဲ့ဝင် အတွင်းရေးမှူးအပါအဝင် ပြည်ထဲရေးဝန်ကြီးဌာန၊ အဆင့်မြင့်အရာရှိကြီးတွေ ပါဝင်တဲ့လူခြောက်ဦးကို သိန်းထောင်ချီတန်တဲ့ ရန်ကုန်တိုင်းတွင်းက မြေကိစ္စ အဂတိလိုက်စားမှုနဲ့ ဖမ်းဆီး အရေးယူလိုက်ပါတယ်။အဂတိလိုက်စားမှု တိုက်ဖျက်ရေးကော်မရှင်ဘက်က လနဲ့ချီစစ်ဆေးပြီးတဲ့နောက် ပြစ်မှုကျူးလွန်ကြောင်း စုံစမ်းတွေ့ရှိမှုအပေါ် အခြေခံပြီး တရားစွဲလိုက်တာဖြစ်ပါတယ်။ ဆက်သွယ်စုံစမ်းထားတဲ့ မဆုမွန် ဆက်ပြောပြပါမယ်။

သိန်းထောင်ချီတန်တဲ့မြေကိစ္စ အဂတိလိုက်စားမှုမှာ ပြစ်မှုကျူးလွန်ကြောင်း စုံစမ်းတွေ့ရှိရတဲ့အတွက် ပြည်ထဲရေးဝန်ကြီးဌာနမှာ ဒုတိယအမြဲတန်း အတွင်းဝန်အဖြစ် တာဝန်ယူခဲ့ဖူးသူလည်းဖြစ် ကရင်ပြည်နယ်အစိုးရအဖွဲ့ဝင် အတွင်းရေးမှူးတဦး၊ ပြည်ထဲရေးဝန်ကြီးဌာနက ဒုတိယရဲမှူးကြီးတဦး၊ ဒုညွှန်ကြားရေးမှူးတဦး၊ ဦးစီးအရာရှိတဦးအပါအဝင် မြေပိုင်ရှင်က ကိုယ်စားလှယ်လွှဲအပ်ခြင်းခံထားရသူတဦးအပါအဝင် အဂတိလိုက်စားမှုမှာ ပူးပေါင်းပါဝင်သူ အားလုံးပေါင်းခြောက်ဦးကို ဖမ်းဆီးလိုက်ပြီဖြစ်ပါတယ်။

ကရင်ပြည်နယ်အစိုးရအဖွဲ့ အတွင်းရေးမှူး ဦးပြုံးချိုအပါအဝင် ပေါင်းခြောက်ဦးကို ဥပဒေကြောင်းအရ အရေးယူနိုင်ဖို့ အဂတိလိုက်စားမှုတိုက်ဖျက်ရေးကော်မရှင်က တရားလိုအဖြစ်နဲ့ တရားစွဲဆိုလိုက်ပြီလို့ နိုင်ငံတော်အတိုင်ပင်ခံရုံး ညွှန်ကြားရေးမှူးချုပ်လည်းဖြစ် နိုင်ငံတော်သမ္မတရုံးပြောခွင့်ရလည်းဖြစ်တဲ့ ဦးဇော်ဌေးက ဗွီအိုအေမြန်မာပိုင်းကိုပြောပါတယ်။

သိန်းထောင်ချီတန်တဲ့မြေကွက်ကိစ္စ အဂတိလိုက်စားတယ်ဆိုပြီး တိုင်တန်းမှုရှိခဲ့တဲ့အတွက် ကော်မရှင်ဘက်က လွန်ခဲ့တဲ့ ၈လက စတင်စုံစမ်းစစ်ဆေးခဲ့တဲ့ ဒီမြေယာကိစ္စမှာ ပြစ်မှုကျူးလွန်ကြောင်း ထင်ရှားတွေ့ရှိတဲ့အတွက် အခုလို တရားစွဲဆိုဖို့ဖြစ်လာတာလို့လည်း ဦးဇော်ဌေးကပြောပါတယ်။

" ဖြစ်တာကတော့ သူတို့လွန်ခဲ့တဲ့ ၈လကပေါ့။ အခုနောက်ပိုင်းမှာ ၂၀၁၇ နောက်ပိုင်းမှာမှ ကျနော်တို့ အဂတိလိုက်စားမှုကော်မရှင်က ကိုင်တွယ်တာဖြစ်တာပေါ့။ အဓိကကတော့ဗျာ မြေမှုပေါ့ ရန်ကုန်မှာရှိတဲ့ မြေကွက်တကွက်ကိစ္စပေါ့။ အဲ့ေ့မြကွက်ကိစ္စနဲ့ပတ်သက်ပြီး ကျနော်တို့ အဂတိလိုက်စားမှု မြေကွက်ပိုင်ဆိုင် ရယူရေးနဲ့ပတ်သက်ပြီးတော့ သိန်းထောင်နဲ့ချီတယ် သိန်းထောင်နဲ့ချီတဲ့အတွက် ဒီဟာတွေအပေါ်မှာ စစ်ဆေးပေါ်ပေါက်တဲ့အတွက် ကနဦးအရ ပေါ်ပေါက်တဲ့အတွက် ကျနော်တို့ ဒါကို စုံစမ်းစစ်ဆေးမှု လုပ်တာဖြစ်ပါတယ်။ အကြမ်းဖျင်းပြောရရင်တော့ မြေကိစ္စပေါ့ဗျာ မြေကိစ္စနဲ့ပတ်သက်ပြီး စုံစမ်းစစ်ဆေးမှုလုပ်တယ် စုံစမ်းတဲ့အခါမှာ ပေါ်ပေါက်တယ် ပေါ်ပေါက်တဲ့အတွက် ပေါ်ပေါက်တဲ့အခါ ထင်ရှားတယ် ထင်ရှားတဲ့အတွက် သက်ဆိုင်ရာက အဂတိလိုက်စားမှု တိုက်ဖျက်ရေးဥပဒေနဲ့အရေးယူဖို့ ဖြစ်ပါတယ် ဖြစ်နေတာတော့ကြာပြီ။"

NLD ဦးဆောင်တဲ့အရပ်သားအစိုးရလက်ထက်မှာ လာဘ်ပေးလာဘ်ယူနဲ့ အဂတိလိုက်စားမှု ပပျောက်အောင် ဦးစားပေး ဆောင်ရွက်နေတာဖြစ်တဲ့အတွက် အခုလို ပြည်နယ်အစိုးရတာဝန်ရှိသူတဦးအပါအဝင် ပြည်ထဲရေးက အဆင့်မြင့်အရာရှိကြီးတွေပါဝင်တဲ့ အဂတိလိုက်စားမှုကို ကော်မရှင်ဘက်က ဖော်ထုတ်အရေးယူခဲ့တာဖြစ်တယ်လို့လည်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ်က ပြောပါတယ်။

NLD အစိုးရသစ်တက်ခါစတုန်းကလည်း သင်္ကြန်ကာလအတွင်း မီဒီယာကုမ္ပဏီကြီးတစ်ခုက အစိုးရပိုင်း အဆင့်မြင့်အရာရှိ တဦးကို ကျပ်ငွေ သိန်း ၅၀ လက်ဆောင်ပေးခဲ့တဲ့အတွက် ဒေါ်အောင်ဆန်းစုကြည်ရဲ့ ညွှန်ကြားချက်အရဆိုပြီး အဂတိလိုက်စားမှုနဲ့ပတ်သက်ပြီး ပြင်းပြင်းထန်ထန်အသိပေးတဲ့ အကြောင်းကြားစာတစောင်ကို အစိုးရအဖွဲ့ရုံးက ဧပြီလ ၂၀ ရက်နေ့စွဲနဲ့ အစိုးရအဖွဲ့တွေနဲ့ အစိုးရဌာနတွေကို ပေးပို့ခဲ့တာပါ။

အဂတိလိုက်စားမှု အခြေအနေတွေကို စောင့်ကြည့်နေတဲ့ Transparency International အဖွဲ့ရဲ့ ၂၀၁၆ ခုနှစ် အစီရင်ခံစာအရတော့ ကမ္ဘာ့နိုင်ငံပေါင်း ၁၇၆နိုင်ငံထဲမှာ မြန်မာနိုင်ငံရဲ့ အဂတိလိုက်စားမှု အခြေအနေက အဆင့် ၁၃၆ ရှိခဲ့ပြီး ရမှတ် ၂၈မှတ်နဲ့ အခြေအနေ အနည်းငယ်တိုးတက်ခဲ့တာဖြစ်ပါတယ်။

မဆုမွန်  / ဗွီအိုအေ (မြန်မာပိုင်း)
https://burmese.voanews.com

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post