Latest News

Tuesday, July 18, 2017

စီးတီးဘတ်​စ်​အသစ်​များဖြင့်​ စတင်​​ပြေးဆွဲမည့်​​နေ့ကို ဝန်​ကြီးချုပ်​ထံတင်​ပြထား

စီးတီးဘတ်​စ်​အသစ်​များဖြင့်​ စတင်​​ပြေးဆွဲမည့်​​နေ့ကို ဝန်​ကြီးချုပ်​ထံတင်​ပြထား

ရန်​ကုန်​ ၊ဇူလိုင်​၁၈ ။          ။ အလုံးစုံအာမခံ ပါဝင်သော စီးတီးဘတ်​စ်​သစ်များဖြင့်​ YUPT ကုမ္ပဏီ၏ ယာဉ်​လိုင်းများတွင်​ အစားထိုး​ပြေးဆွဲနိုင်​ရန်​အတွက်​ ဝန်​ကြီးချုပ်​ထံ တင်​ပြထား​ကြောင်း ရန်​ကုန်မြို့ပြအများပိုင်​သယ်​ယူပို့​ဆောင်​​ရေးကုမ္ပဏီ(YUPT)၏ ဒုဥက္ကဋ္ဌ ဦးကိုကိုနိုင်​က ဆိုသည်​။

"​နောက်​ဆုံး Proposal ဝန်​ကြီးချုပ်​ကိုတင်​ပြထားတယ်​​လေ။ ဘယ်​​နေ့ဆွဲပါ့မယ်​ဆိုပြီး​တော့တင်​ပြထားတယ်​ "ဟု YUPTကုမ္ပဏီမှ ဒုဥက္ကဋ္ဌ ဦးကိုကိုနိုင်က ​ပြောသည်​။

စီးတီးဘတ်​စ်​အသစ်​များဖြစ်​​သော တရုတ်​နိုင်​ငံထုတ်​ ၂၀၁၇​မော်​ဒယ်​လ်​ Yutong နှင့်​ Ankai အမျိုးအစား အစီး​ရေ ၅၀၀ကို YUPT ပိုင်​ယာဉ်​လိုင်းများဖြစ်​သည့်​ ၅၈ ယာဉ်​လိုင်း၊ ၆၅ ယာဉ်​လိုင်း၊ ၂ ယာဉ်​လိုင်းများတွင်​ အစားထိုးသွားမည်​ဖြစ်​သည်​။

အဆိုပါယာဉ်​လိုင်းများထဲမှ YUPTရှိ စီးတီးဘတ်​စ်​အစီး ၅၀၀၏ အလုံးစုံအာမခံအတွက်​ ယ​နေ့ဇူလိုင်​၁၈ရက်​​နေ့တွင်​ လုပ်​ဆောင်​​နေပြီဖြစ်​​သည်​။

YUPTတွင်​ ၎င်းကားအသစ်​များဖြင့်​ စတင်​​ပြေးဆွဲဖြစ်​ပါက မြို့တွင်းပတ်​ယာဉ်​လိုင်း၅၈တွင်​ ပထမဆုံးအစားထိုးမည်​ဖြစ်​သည်​ဟု သိရသည်​။

ဘတ်​စ်​ကားအသစ်​များဖြင့်​ ​ပြေးဆွဲလျှင် ခရီးသည်​နှင့်​ ယာဉ်​​မောင်းများ ပိုမိုဆင်​​ပြေနိုင်​​ကြောင်း ဟု YUPTကုမ္ပဏီ၏ မြို့တွင်းပတ်​ယာဉ်​လိုင်းဖြစ်​သည့်​ ၅၈ယာဉ်​လိုင်းမှ ဦးကြည်​မျိုး​ဇော်​က ​ပြောသည်​။

"အခုကြတော့ လူအများကြီးဆံ့တယ်​။ ဟိုတုန်းကမတ်​တပ်​ကိုထိုင်​ခုံနဲ့ထိုင်​ရတယ်​ ။ ထိုင်​ခုံသိပ်​မပါတဲ့အခါကြတော့ ကားသမားက လူအများကြီး တင်​ချင်​ရင်​​တောင်​ တင်​လို့မရ​တော့ဘူး ။ မရတဲ့အခါ ခရီး​သည်​​တွေက​ ချောင်​​ချောင်​ကြပ်​ကြပ်​စီးရတယ်​ ။ အဲ့ဒီအတွက်​လည်း ခရီးသည်​​တွေအများကြီး အဆင်​​ပြေသွားပြီ" ဟု ယာဉ်​​မောင်းများအ​နေဖြင့်​ ထိုင်​ခုံအပြည့်​ကားအသစ်​များကို ​မောင်းနှင်​ရမည်​ဖြစ်​​သောကြောင့်​ ခရီးသည်​​တွေ ပြည့်​ကြပ်​၍ တံခါးပိတ်​မရသည့်​အခက်​အခဲများ မကြုံ​တွေ့နိုင်​​တော့​ကြောင်း သူက ဆက်​​ပြောသည်​။

ရန်​ကုန်မြို့ပြအများပိုင်​သယ်​ယူပို့​ဆောင်​​ရေးကုမ္ပဏီ(YUPT)​သည်​ ယခင်​မ.ထ.သ ယာဉ်​လိုင်းဖြစ်​ခဲ့ပြီး ၂၀၁၇၊ ဇန်​နဝါရီ ၁၆ ရက်​​နေ့တွင်​ YUPTအဖြစ်​​ ပြောင်းလဲခဲ့ကာ ယာဉ်​လိုင်း၂၁လိုင်းဖြင့်​ ရန်​ကုန်​မြို့၌ ​ပြေးဆွဲ​နေသည်​။

ယခုအခါ ရန်​ကုန်​တိုင်း​ဒေသကြီးအစိုးရမှ အစိုးရချင်းချိတ်​ဆက်​သည့်​စနစ်​(G to G)ဖြင့်​ တရုတ်​နိုင်​ငံမှ မှာယူတင်​သွင်းထား​သော ၂၀၁၇ ထုတ်​ Yutong ​နှင့်​ Ankai အစီး​ရေတစ်​​ထောင်​ထဲမှ အစီး​ရေငါးရာကို YUPT ကုမ္ပဏီမှ ရရှိထားသည်​။

အဆိုပါစီးတီးဘတ်​စ်​အစီး​ရေအသစ်​များအား YUPTမှ စတင်​ထည့်​သွင်း​ပြေးဆွဲနိုင်​ရန်​ Global World ကုမ္ပဏီနှင့်​ အာမခံပြုလုပ်​လျက်​ရှိသည်​။
Mizzima

No comments:

Post a Comment