အောင်လအန်ဆန်းဟာ မစ်ဒယ်ဝိတ်တန်း ကမ္ဘာ့ချန်ပီယံလုပွဲမှာ ရုရှားက ဗစ်တာလီ ဘစ်ဒက်ရှ် ကို ၅ချီအပြီးမှာဒိုင်အဆုံးအဖြတ်နဲ့ အနိုင်ရပြီးရွှေခါးပတ်ရရှိခဲ့ကာ မြန်မာနိုင်ငံအတွက် ပထမဆုံးကမ္ဘာ့ချန်ပီယံဘွဲ့ကိုဆွတ်ခူးပေးနိုင်ခဲ့ပါတယ်။
ပထမအကြိမ်ထိုးစဉ်ကရှုံးနိမ့်ထားခဲ့တဲ့အောင်လဟာ ဒီတစ်ကြိမ်မှာတော့ နည်းစနစ်ပြောင်းလဲပြီး ထိုးသတ်ခဲ့ပါတယ်။သူကျွမ်းကျင်တဲ့ အချုပ်အစား အထိုးနည်းစနစ်နဲ့ ပြိုင်ဘက်ကို ယှဉ်ပြိုင်လာခဲ့တာပါ။ဒီပွဲမှာတော့ ဘစ်ဒက်ရ်ှဟာ ချုပ်ဖို့ကိုသာဦးစားပေးခဲ့တဲ့အတွက် အောင်လရဲ့ ထိုးချက်တွေအောက်မှာ ရှုံးနိမ့်ခဲ့တာပါ။
အနိုင်ရခဲ့တဲ့အောင်လကတော့ ကမ္ဘာ့ချန်ပီယံဖြစ်ခဲ့တာဟာ သူ့ကြိုးစားမှုတွေအပြင် သူ့ရဲ့ အသင်းဖော်တွေ နဲ့ မြန်မာနိုင်ငံသားတွေကြောင့်ဖြစ်တယ်လို့ပြောကြားခဲ့ပါတယ်။နောက်ပြီးတော့ သူဟာချန်ပီယံဖြစ်ခဲ့တဲ့အတွက်လည်း တခြားသူတွေကိုပြန်လည်စိန်ခေါ်ခဲ့ပါတယ်။
DVB
No comments:
Post a Comment