Latest News

Wednesday, June 28, 2017

၅ နှစ်သမီးလေးကို ၁၉ နှစ်အမျိုးသမီးတဦးက သတ်မှုဖြစ်ပွား

၅ နှစ်သမီးလေးကို ၁၉ နှစ်အမျိုးသမီးတဦးက သတ်မှုဖြစ်ပွား
 

ဧရာဝတီတိုင်းဒေသကြီး အင်္ဂပူမြို့နယ်၊ ကွင်းကောက်နယ်မြေရဲတပ်ဖွဲ့စခန်းအပိုင်း ကညွှတ်ကွင်း ကျေးရွာအုပ်စု ဝါဘိုကျေးရွာမှာ အသက် ၅ နှစ်အရွယ် မိန်ကလေးငယ်ကို ၁၉ နှစ်အရွယ် အမျိုးသမီးတဦးက သတ်မှု ဇွန်လ ၂၈ ရက်နေ့ ညနေ ၃ နာရီက ဖြစ်ပွားခဲ့ပါတယ်။

“ဟုတ်ပါတယ်။ မနေ့က ညနေပိုင်းက ဖြစ်တာပါ။ သေဆုံးသွားတာက ၅ နှစ်အရွယ် မနှင်းနှင်းဝေ ဖြစ်ပါတယ်။ သတ်တာက ၁၉ နှစ်ပါ။ မသဇင် ဖြစ်ပါတယ်။ သတ်တဲ့ ကောင်မလေးက ကျေးရွာအုပ်ချုပ်ရေးမှူး ပြောပြချက်အရကတော့ သူက လွန်ခဲ့တဲ့ သုံးလ လောက်ကတည်းက စိတ်ဖောက်ပြန်နေတယ်လိုတော့ ပြောထားပါတယ်။ ခု သူက သူကိုယ်သူ ခဲချွန်ဓားနဲ့ လှီးထားတဲ့အတွက် ဒဏ်ရာပေါင်းကတော့ မရေတွက်နိုင်ပါဘူး။ ခု ကွင်းကောက် တိုက်နယ်ပြည်သူ့ဆေးရုံတင်ပြီး ကုသနေတယ်။ တစုံတရာ ဘာမှတော့ မေးလိုမရ။ ဆရာဝန်ရဲ့ ညွှန်ကြားချက်အပေါ် မူတည်ပြီး ဆက်ပြီးလုပ်ရမှာပါပဲ။ ရန်ကုန် စိတ်ရောဂါကုဆေးရုံတော့ ပို့ရလိမ့်မယ် ထင်ပါတယ်” လို့ ကွင်းကောက်နယ်မြေ ရဲတပ်ဖွဲ့စခန်းစခန်းမှူး ရဲအုပ် ဇော်မင်းထွန်းက ဒီဗွီဘီကို ပြောပါတယ်။

ခုဖြစ်စဉ်ကို ကွင်းကောက်စခန်းမှူး ရဲအုပ်ဇော်မင်းထွန်းက တရားလိုပြုလုပ်ပြီး အမှုဖြစ်စဉ်အမှတ် (ပ)၈၅ ရာဇာသတ်ကြီးဥပဒေ ပုဒ်မ ၃၀၂ လူသတ်မှုနဲ့ အမှုဖွင့် ဆောင်ရွက်နေတယ်လို့ သိရပါတယ်။

သတင်း – သန်းထိုက်မြင့်
DVB

No comments:

Post a Comment