ဆက်သွယ်ရေးဥပဒေပုဒ်မ ၆၆ (ဃ) ကို ရုပ်သိမ်းပေးဖို့ မြန်မာနိုင်ငံနဲ့ နိုင်ငံတကာလူ့ အခွင့်အရေးအဖွဲ့အစည်း ၆၁ ဖွဲ့က ပူးတွဲကြေညာချက်ထုတ်ပြန်တောင်းဆိုလိုက်ပါတယ်။
မြန်မာအာဏာပိုင်တွေအနေနဲ့ ဆက်သွယ်ရေးဥပဒေအပေါ် ပြန်လည်သုံးသပ်မှုတရပ်လုပ်ချိန် အသရေဖျက်မှုမြောက်တဲ့ ပြဋ္ဌာန်းချက်ဖြစ်တဲ့ ပုဒ်မ ၆၆ (ဃ)ကို ဆက်လက်ကျင့်သုံးမယ်လို့ ကြားသိရတဲ့အတွက် စိုးရိမ်ပူပန်ကြောင်းလည်း ကြေညာချက်မှာ ဖော်ပြပါတယ်။
၂၀၁၃ ခု ဆက်သွယ်ရေးဥပဒေ ပုဒ်မ ၆၆ (ဃ)မှာ “ဆက်သွယ်ရေးကွန်ရက်တခုကို အသုံးပြုပြီး တစုံတဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရားတားဆီးဖမ်းချုပ်ခြင်း၊ အသရေဖျက်ခြင်း၊ အနှောင့်အယှက်ပေးခြင်း၊ မလျော်သြဇာသုံးခြင်း သို့မဟုတ် ခြိမ်းခြောက်ခြင်း တို့ကို ထောင်ဒဏ် ၃ နှစ်အထိ ကျခံစေရန် ပြန်ဋ္ဌာန်းထားပါတယ်။”
ဒီဥပဒေကြောင့် လွန်ခဲ့တဲ့ ၂ နှစ်ကာလအတွင်း လူမှုကွန်ရက် facebook ပေါ်မှာ ငြိမ်းချမ်းစွာပြောဆိုဆက်ဆံမှုတွေကြောင့် လူပုဂ္ဂိုလ်အား ပြစ်မှုကျူးလွန်မှုနဲ့ တရားစွဲဆိုမှုတွေ တဖွဲဖွဲ့ ဖြစ်ပေါ်လာစေဖို့ တံခါးဖွင့်ပေးထားပြီး အာဏာပိုင်အပေါ် ဝေဖန်မှုကို နှိမ်နင်းရန်အတွက် ဒီဥပဒေကို ပိုမိုတွင်ကျယ်စွာ အသုံးပြုနေတယ်လို့ ကြေညာချက်မှာ ဖော်ပြထားပါတယ်။
ဆက်သွယ်ရေးဥပဒေဆိုင်ရာ သုတေသနအဖွဲ့ရဲ့ အဆိုအရ ၂၀၁၃ ခုနှစ် ဆက်သွယ်ရေးဥပဒေနဲ့ အွန်လိုင်းပေါ်ကတဆင့် အသရေဖျက်မှု တရားစွဲဆိုခံထားတဲ့ အမှုပေါင်းအနည်းဆုံး ၇၁ မှု ရှိကြောင်းလည်း ဖော်ပြထားပါတယ်။
ပုဒ်မ ၆၆ (ဃ)မှာ မည်သည့်လုပ်အားကို ‘အနှောင့်အယှက်ပေးမှု သို့မဟုတ် မလျော်သြဇာသုံးမှု’ ဖြစ်ကြောင့် ပြည့်စုံလုံလောက်စွာ အဓိပ္ပာယ်ဖော်ပြထားခြင်းမရှိသလို အသုံးအနှုန်းတွေဟာ ယေဘုယျဆန်ပြီး အမျိုးမျိုး အနက်အဓိပ္ပာယ်ပြန်ဆိုစေနိုင်တယ်လို့ ထောက်ပြန်ထားပါတယ်။
အဓိပ္ပာယ်သဲကွဲမှုမရှိခြင်းကြောင့် နောက်ဆက်တွဲ ဆိုးကျိုးတွေကို ဖြစ်ပေါ်စေနိုင်သလို အရပ်သားအစိုးရနဲ့ စစ်တပ်နှစ်ရပ်စလုံးအားဝေဖန်မှုကို နှိမ်နင်းဖို့အတွက် ပုဒ်မ ၆၆ (ဃ) ကို အသုံးပြုလာ ခဲ့ကြတယ်လို့လည်း ထုတ်ပြန်ပါတယ်။
ပုဒ်မ ၆၆ (ဃ) ရှိနေသရွေ့ အထူးသဖြင့် အွန်လိုင်းပေါ်မှာ အကြီးအကဲအရာရှိတွေနဲ့ အစိုးရမူဝါဒတွေအပေါ် ဝေဖန်နေကြတဲ့ မြန်မာနိုင်ငံသားတွေဟာ မိမိတို့ရဲ လွတ်လပ်စွာ ထုတ်ဖော်ပြောဆိုပိုင်ခွင့်ကို ငြိမ်းချမ်းစွာကျင့်သုံးခြင်းကြောင့် အကျဉ်းထောင်ကျခံရမယ့်အန္တရာယ်ကို ဆက်လက်ရင်ဆိုင်နေရမှာဖြစ်တဲ့အတွက် ဒီပုဒ်ကို ဖျက်သိမ်းပေးဖို့ တောင်းဆိုထားပါတယ်။
DVB
No comments:
Post a Comment