Latest News

Tuesday, June 13, 2017

သင့်ရဲ့ ကလေးကို မပြောသင့်တဲ့စကားတွေ

သင့်ရဲ့ ကလေးကို မပြောသင့်တဲ့စကားတွေ

မိဘတွေ ကလေးတွေကို ရင်နှစ်သဲခြာချစ်ကြတယ်ဆိုတာ လူတိုင်းသိပါတယ်။ တခါတလေမှာတော့ ကိုယ့်ရဲ့အချစ်တွေဟာ ကလေးကို စိတ်ထိခိုက်စေတတ်ပါတယ်။ ကလေးတွေနဲ့ စကားပြောဆိုဆက်သွယ်ရာမှာ မိဘတွေဟာ မကြာခဏဆိုသလို စကားလုံးအမှားတွေကို ရွေးချယ်သုံးစွဲမိကြပါတယ်။ တခါတလေသူတို့ လုံးဝမပြောသင့်တဲ့ စကားလုံးတွေပါပါတယ်။ ရောင်အားအကောင်းဆုံးစာအုပ်ဖြစ်ခဲ့တဲ့ Hero: Being the Strong Father Your Children Need စာအုပ်ကိုရေးသားသူ မိခင်တစ်ဦးလည်းဖြစ်တဲ့ Dr. Meg Meeker ရဲ့ အကြံပြုချက်တွေကို မျှဝေပေးလိုက်ပါတယ်။

နည်းတောင်နည်းသေးတယ်

ကလေးတွေကို ငေါ့တော့တော့နဲ့ ဟာသသဘောလှောင်ပြောင်တတ်ကြပါတယ်။ အဲဒီလိုလောင်တာဟာ သူငယ်ချင်းမိတ်ဆွေအချင်းချင်းသာ ပြုလုပ်တတ်ကြတာပါ။ ဥပမာ ကလေးက တစ်ခုခုမှားသွားရင် နည်းတောင်နည်းသေးတယ် ပြောစကားမှနားမထောင်တာ ဆိုတာမျိုး ပြောလေ့ရှိတတ်ပါတယ်။ သင်ပြောတဲ့စကားလုံးတွေအားလုံးကို သတိထားပါ။

မင်းငါ့ကို ရူးအောင်လုပ်နေတာပဲ

ကလေးတွေဟာ သင့်ကို စိတ်ရှုပ်အောင် အနှောင့်အယှက်ဖြစ်အောင် လုပ်ချင်ကြတဲ့သူတွေမဟုတ်ပါဘူး။ တခါတလေမှာတော့ သင်ပြောသမျှကိုနားမထောင်ပေးမယ့်လည်း သူတို့မှာ အဲဒီလိုစိတ်နေသဘောထားမရှိပါဘူး။ သူတို့ကိုသိအောင်ဘယ်လိုလုပ်မလဲ ဘယ်လိုပြောရမလဲဆိုတာကို သေချာစဉ်းစားသင့်ပါတယ်။

ငါ့ကိုရူးအောင်လုပ်နေတာပဲဆိုတာက ကလေးတွေဟာ သူတို့ကိုတကယ်မချစ်တော့ဘူးလို့ ခံစားရစေပါတယ်။ အဲဒီအစား သမီးကို မေမေအရမ်းချစ်တယ် ဒါပေမဲ့အခုလိုလုပ်တာကိုတော့ မေမေမကြိုက်ဘူးနော်။ ဆိုတာမျိုးပြောသင့်ပါတယ်။

သူတို့ရဲ့ကိုယ်အလေးချိန်အပေါ် ပြောဆိုခြင်း

ကလေးတွေကို ၀လိုက်တာဟယ် လို့မပြောသင့်ပါဘူး။ အဲဒါဟာ သူတို့ကိုရုပ်ဆိုးလိုက်တာလို့ ကြားချင်ကြမှာလဲ။ အသေးအမွှားဆိုပေမယ့် ကလေးတွေကိုစိတ်ထိခိုက်စေပြီး သူတို့ရဲ့ ကိုယ်အလေးချိန်အပေါ် မကောင်းတဲ့အမြင်ကနေ မြင်သွားတတ်ပါတယ်။ နောက်ဆုံး အစားအစာချိန်မမှန်တာမျိုး ဖြစ်စေတတ်ပါတယ်။

သူတို့ကို သိမ်ငယ်အာင်ပြောဆိုခြင်း

အထူးသဖြင့် သားယောင်္ကျားလေးတွေအပေါ်မှာ အရမ်းပိန်တာပဲဆိုတာမျိုး ပြောလေ့ရှိတတ်ပါတယ်။ အိမ်ကဟာလေးက ဘယ်လောက်စားစား ၀လာတယ်ကိုးမရှိဘူး။ ဒီလိုပြောဆိုတာဟာ သူတို့ကို အားနွဲ့လိုက်တာ၊ မသန်မာလိုက်တာ လို့ ထင်စေပါတယ်။ အဲဒီလိုပြောတာ သူတို့ရဲ့ ယောင်္ကျားဆန်တဲ့စိတ်ကို လျှော့စေပါတယ်။

လုပ်လည်းဘာမှထူးမှာမဟုတ်ဘူး

ကလေးတွေဟာ တစ်ခုခုကိုရဖို့ ကြိုးစားအားထုတ်နေချိန်မှာ အခက်အခက်တွေ အများကြီးကြုံတွေ့ရလေ့ရှိပြီး စိတ်ဓါတ်ကျနေတတ်ပါတယ်။ အဲဒီအခါ သားရေ ဆက်မလုပ်နဲ့တော့၊ ဘာလို့ဆက်လုပ်နေမှာလဲဆိုတဲ့ စကားမျိုးကို လုံးဝလုံးဝ ရှောင်ကျဉ်သင့်ပါတယ်။

ကလေးက စာညံ့တယ်ဆိုပါတော့။ သူက ၁၀ တန်းအောင်ဖို့ ကြိုးစားနေတယ်ဆိုရင်။ လုပ်မနေနဲ့ ဘာမှထူးလာမှာမဟုတ်ဘူး။ အလုပ်ပဲလုပ်တော့ဆိုတာမျိုးတွေ မကြာခဏကြားရလေ့ရှိပါတယ်။

ကလေးတွေဟာ မိဘဆီက အားပေးစကားကို လိုချင်ကြပါတယ်။ ကိုယ့်ရဲ့အားပေးစကားက သူ့အတွက်အားဖြစ်စေပြီး ကြိုးစားချင်စိတ်ပိုဖြစ်စေတာပါ။

တပါးသူနဲ့ နှိုင်းယှဉ်ခြင်း

တွေ့လား သူများသားသမီးတွေများတော်လိုက်တာ ညည်းလိုမဟုတ်ဘူးလို့ မိဘတွေ ကလေးတွေကို ပြောမိတတ်ကြပါတယ်။ ဒါဟာ ကလေးတွေရဲ့ စိတ်ခံစားချက်ကို ညှစ်ညမ်းစေပါတယ်။ ကလေးတွေရဲ့စိတ်ဟာ အဖြူထည်ပါ။ အဲလိုနှိုင်းယှဉ်တာများရင် မနာလိုစိတ်တွေ ပြင်းထန်သွားစေပါတယ်။

သူကို စိတ်မထိခိုက်ပါစေနဲ့

လူတိုင်းတော့ ခံစားချက်ရှိကြပါတယ်။ ကလေးတွေမှာလည်း ခံစားချက်ရှိစမြဲပါပဲ။ ကလေးတွေကနေ လူငယ်ဖြစ်လာတယ်။ လူငယ်ဖြစ်လာတဲ့အခါမှာ ချစ်သူရည်းစားပေးထားလာကြတယ်။ အဲဒီအချိန်မှာလည်း သူ့ရဲ့အချစ်ရေးအချစ်ရာနဲ့ပတ်သတ်လို့ ကိုယ့်ကိုပွင့်ပွင့်လင်းလင်းတိုင်ပင် ပြောပြနိုင်အောင် လမ်းဖွင့်ပေးထားသင့်ပါတယ်။ သူတို့ရဲ့ခံစားချက်ကို မထိခိုက်ပါစေနဲ့။

အဲလိုမခံစားသင့်ဘူး

ကလေးတွေမှမဟုတ်ဘူး အရွယ်ရောက်လာတဲ့သူတွေကိုလည်း အဲလိုမခံစားသင့်ဘူးလို့ ပြောတတ်ကြပါတယ်။ ဒါဟာ သူတို့ရဲ့ စိတ်ခံစားချက်ကို သက်သာစေတယ်လို့ ထင်ကောင်းထင်ရစေမှာပါ။ ကလေးတွေရဲ့ စိတ်ခံစားချက်ဟာ မှားယွင်းတယ်လို့ ပြောလိုက်တာဟာ သူတို့ကို စိတ်ဖိစီးမှုတွေ ဖြစ်စေပါတယ်။ အရွယ်ရောက်ပြီးသားသူတွေဆိုရင် ချစ်ရေးချစ်ရာနဲ့ပတ်သတ်လို့ ပြဿနာဖြစ်စေပါတယ်။

ကလေးတွေကို ဘာတွေပြောမလဲ

ကလေးတွေကို ဆူတာ၊ အော်တာမျိုးမပြောဘဲ အမြဲတမ်း အားပေးသင့်ပါတယ်။ ကလေးတွေ တစ်နှစ်တစ်တန်းအောင်ဖို့ စာဘယ်လောက်ကြိုးစားရတယ် ဘယ်လောက်အခက်ခဲရှိတယ်ဆိုတာ မိဘတွေသိပြီးသာဖြစ်မှာပါ။ အဲဒီအတွက် သူတို့ကို ဘာလုပ်ပေးရမလဲ။ သမီးဘာလိုသေးလဲ။ သားဘာလိုသေးလဲဆိုတာမျိုးနဲ့ အမြဲအားပေးသင့်ပါတယ်။ အပြုသဘောဆောင်တဲ့ စကားတွေပြောဆိုပြီး ကလေးတွေကို ကိုယ့်ကိုကိုယ်ယုံကြည်မှုအပြည့်ရှိဖို့ တွန်းအားပေးလိုက်ပါ။

MyStyle Myanmar

No comments:

Post a Comment