ပုသိမ်မြို့၊အောင်သီရီဈေးတွင် အစားအသောက်နှင့်ဆေးဝါးကွပ်ကဲရေးအဖွဲ့မှ စစ်ဆေးရာ ပဲသွေးများတွင် ဖော်မလင်းပါဝင်နေကြောင်း တွေ့ရှိရသည့်ဟု အစားအသောက်နှင့် ဆေးဝါးကွပ်ကဲရေးဌာနက တာဝန်ရှိသူများက ပြောသည်။
"ဈေးကွက်နမူနာ ကောက်လိုက်တဲ့အခါမှာ ပဲသွေးနမူနာတစ်ခုမှာ ဖော်မလင်တွေ့တယ်။ ရောင်းတဲ့ ဆိုင်ရှင်ကိုမေးတော့ လိပ်စာတစ်ခုပေးတယ်။ ရောက်သွားတဲ့အခါမှာ မီးဖိုတစ်ခု တွေ့တယ်။ ပဲသွေးကို ဒီရက်ပိုင်းမှာ ထုတ်တယ်လို့ ယူဆတယ်။ မေးတဲ့အခါ ပဲသွေးကို ရန်ကုန်က ဝယ်တယ်လို့ ပြောတယ်။ ရန်ကုန်လိပ်စာတောင်းတော့ မပေးနိုင်ဘူး။ ဖော်မလင် ဆိုးကျိုးတွေပြောခဲ့တယ်။ ရှေရှည်လုပ်မယ်ဆို စားသုံးအတွက် အန္တရာယ်ဖြစ်နိုင်တာတွေ ။ တကယ်လို့ နောက်နေ့တွေမှာ ဈေးကွက်နမူနာကောက်လို ပဲသွေးမှာ ဖော်မလင်ပါမယ်ဆိုရင် ရောင်းတဲ့သူတွေက သူ့ဆီက ယူတာပါဆို ဖြစ်လာတဲ့ အကျိုးဆက်ကို သူတာဝန်ခံမယ်လို့ လုပ်ငန်းရှင်နဲ့ ပြောတယ်အချက်ပေါ့”ဟု လက်ထောက်ညွန်ကြားရေးမှူး ဒေါက်တာမျိုးထွန်းကျော်က ပြောသည်။
(ဖော်မလင်သည် တာရှည်ခံစေရန် အသုံးပြုသော ဓာတုပစ္စည်းဖြစ်ပြီး CH₂O မှ ထုတ်လုပ်ထားသည်။ ဖော်မလင်သည် ပစ္စည်းများကို ကြာရှည်လာပါက ပျက်စီးမှုကို တိုက်ဖျက်ပေးသော်လည်း လူများ စားသုံးမိပါက လူ့ခန္ဓာကိုယ်တွင်းကို ဒုက္ခပေးနိုင်သည်။ ဖော်မလင်သည် ကြည်လင်ပြီးအရောင်မရှိသောကြောင့် ခွဲခြားနိုင်ရန် ခက်ခဲပြီး အစားအသောက်၊ အသားငါး၊ သစ်သီး၊ နို့ထွက်ပစ္စည်းများတွင် အသုံးပြုမှု အများဆုံးတွေ့ရသည်။)
မဇ္ဈိမ
No comments:
Post a Comment