ကချင်ပြည်နယ် တနိုင်းဒေသမှာ ကေအိုင်အေနဲ့ ထိစပ်နေတဲ့ နယ်မြေတွေမှာ တရားမဝင် တူးဖော်နေတဲ့ ရွှေ နဲ့ ပယင်းမှော် တွေကို တပ်မတော် က နယ်မြေရှင်းလင်းရေး ဆောင်ရွက်မှာ ဖြစ်တာကြောင့် မနေ့ကညနေပိုင်းအထိ အဲဒီဒေသဘက်ကနေ တနိုင်းမြို့ဘက် ထွက်ပြေးလာသူ ၄၀၀ ကျော်ရှိနေတယ်လို့ သိရပါတယ်။
ဒီကနေ့ ထပ်မံရောက်ရှိလာတဲ့ အရေအတွက်ကိုတော့ မသိရှိရသေးပါဘူး။ နောက်ဆုံးအခြေအနေတွေနဲ့ ပတ်သက်လို့ တနိုင်းမြို့နယ် အုပ်ချုပ်ရေးရုံကို RFA က အကြိမ်ကြိမ် ဆက်သွယ်မေးမြန်းခဲ့ပေမယ့် တာဝန်ရှိသူ ကွင်းဆင်းနေတယ်လို့သာ ပြန်လည်ဖြေကြားခဲ့ပါတယ်။
အဲဒီလိုထွက်ပြေးလာကြသူတွေဟာ နိုင်ငံအနှံ့က ရွှေ့ပြောင်းလုပ်သားတွေနဲ့ စိုက်ပျိုးရေးလုပ်ကိုင် နေကြ တဲ့ ဒေသခံရွာသားတွေ ဖြစ်ပြီး တနိုင်းမြို့ပေါ်က ဗုဒ္ဓဘာသာ ဘုန်းတော်ကြီးကျောင်း နဲ့ ခရစ်ယာန်ဘုရား ရှိခိုးကျောင်းတွေမှာ ခိုလှုံနေသူတွေရှိသလို မူလမြို့ရွာတွေဘက် ပြန်နေကြသူ တွေလည်းရှိပါတယ်။
တနိုင်းဘက်ထွက်ပြေးလာသူတွေကို မော်တော်ကားတွေနဲ့ သွားရောက် သယ်ဆောင်ပေးတာ တွေရှိသလို မနေ့က စက်လှေ ၁၂ စီး ဒီကနေ့မှာ စက်လှေ ၄ စီး စုစုပေါင်း စက်လှေ ၁၆ စီး နဲ့ သွားရောက်ခေါ်ဆောင်နေတယ်လို့ သိရပါတယ်။
အစိုးရတပ်မတော်က ပြီးခဲ့တဲ့ ဇွန်လ ၅ ရက်နေ့က ကေအိုင်အေတပ်မဟာ ၂ နဲ့ ထိစပ်နေတဲ့ နယ်မြေအတွင်း နမ်ဗြူ၊ ထန်းပလား၊ အောင်လွတ်၊ နမ့်ကွမ်းစတဲ့ တရားမဝင် ရွှေ နဲ့ ပယင်းမှော် တွေဘက်မှာ နယ်မြေရှင်းလင်းရေးဆောင် ရွက်မယ့်အကြောင်း ရဟတ်ယာဉ်ပေါ်ကနေ အသိပေးစာတွေ ဖြန့်ချခဲ့တာဖြစ်ပါတယ်။
အဲဒီစာထဲမှာ တရားမဝင် ရွှေနဲ့ပယင်းတွေတူး ဖော်လုပ်ကိုင်တာကြောင့် တနိုင်းဒေသ သဘာဝပတ်ဝန်းကျင် ပျက်စီးနေရကြောင်း၊ နိုင်ငံတော်ဝင်ငွေ ဆုံးရှုံးပြီး ကေအိုင်အေ ကလုပ်ငန်းရှင် တွေထံကနေ ငွေတွေ ရရှိနေကြောင်း ပါရှိပါတယ်။
ဒါ့အပြင် နယ်မြေရှင်းလင်းရေးဆောင်ရွက်ချိန်မှာ ပြည်သူတွေထိခိုက်သေဆုံးမှာကို မလိုလားတာကြောင့် ဇွန် ၁၅ ရက်နေ့ နောက်ဆုံးထားထွက်ခွာကြဖို့ နဲ့ မထွက်ခွာသူတွေကို ကေအိုင်အေ အကြမ်းဖက် သောင်းကျန်းသူအဖွဲ့ နဲ့ ပူးပေါင်းသူတွေအဖြစ် သတ်မှတ်မှာဖြစ်ကြောင်း လည်းဖော်ပြထားပါတယ်။
ရွှေ့ပြောင်းထွက်ပြေးလာသူတွေကို တပ်မတော်၊ ရဲတပ်ဖွဲ့၊ ဋ္ဌာနဆိုင်ရာတွေ၊ လူမှုရေး နဲ့ ဘာသာရေးအသင်းအဖွဲ့တွေ၊ လွှတ်တော်ကိုယ်စားလှယ် နဲ့ ဒေသခံပြည်သူတွေပူးပေါင်းပြီး ကူညီပေးနေပါတယ်။
Photo: Doi Bu/ Facebook
RFA
No comments:
Post a Comment