ဘေးရေမြောင်းထဲ ထိုးကျတိမ်းမှောက်ရာမှ အမျိုးသမီး သုံးဦးသေဆုံး
ပဲခူးတိုင်းဒေသကြီး၊ ကျောက်တံခါးမြို့နယ် ရင်းတိုက်ကုန်း ကျေးရွာအနီး ရန်ကုန်-မန္တလေး လမ်းဟောင်းပေါ်၌ ဇွန် ၃၀ ရက် နံနက်ပိုင်းက ရန်ကုန်ဘက်မှ တောင်ကြီးဘက်သို့ လာသော နေကြာဖက်အိတ်တင် ကုန်တင်ယာဉ်တစ်စီးမှာလမ်းမဘေးသို့ ထိုးကျတိမ်းမှောက်မှု ဖြစ်ပွားရာမှ ယာဉ်ပေါ်လိုက်ပါသူ အမျိုးသမီး သုံးဦးသေဆုံးပြီး အမျိုးသား ၃ ဦးထိခိုက်ဒဏ်ရာ ရရှိသွားခဲ့ကြောင်း ကျောက်တံခါးမြို့မ ရဲစခန်းမှ သိရသည်။
“ဖြစ်စဉ်ကတော့ ရန်ကုန်ဘက်ကနေပြီးတော့ မန္တလေးဘက်ကိုသွားတဲ့ယာဉ် နေကြာဖက်အိတ်တွေ သယ်လာတာ နေကြာဖက်အိတ်တွေ သယ်လာတဲ့ကားက ဒီလမ်းအကွေ့ သံလမ်းကွေ့ ရင်းတိုက်ကုန်းနားမှာ ရထားသံလမ်းရှိတယ်။ အဲ့ဒီရထားသံလမ်းကို ရောက်တဲ့အချိန်မှာ အရှိန်မထိန်းနိုင်ပဲနဲ့ လမ်းဘေးချောက်ထဲကို ထိုးကျတာ၊ ရေမြောင်းထဲ ထိုးကျတာ၊ လောလောဆယ် သုံးယောက်သေပေါ့၊ သုံးယောက် ဒဏ်ရာရပေါ့၊ ဒဏ်ရာရတဲ့လူတွေ အခြေအနေက မစိုးရိမ်ရပါဘူး။ ကောင်းပါတယ်။ ပြင်ပလူနာပဲရှိတယ် ဆေးရုံတက်စရာ မလိုဘူး။ အမှုဖွင့်တာကတော့ ၃၀၄-က၊ ၃၃၇ နဲ့ဖွင့်မယ်ဗျ” ဟု အခင်းဖြစ်နေရာသို့ သွားရောက်ကူညီ ဆောင်ရွက်ပေးသည့် ကျောက်တံခါးမြို့မ ရဲစခန်းမှ တာဝန်မှူး ရဲအုပ်ကျော်သူထက်က ပြောကြားသည်။
ဖြစ်စဉ်မှာ ဇွန် ၃၀ ရက် နံနက် ၆ နာရီခန့်က ကျောက်တံခါး မြို့မရဲစခန်းအပိုင် စခန်းမှ တောင်ဘက် ၃ မိုင် ၄ ဖာလုံခန့်အကွာ ရင်းတိုက်ကုန်း ကျေးရွာအနီးတွင် ယာဉ်တိမ်းမှောက်မှု ဖြစ်ပွားကြောင်း သတင်းအရ ကျောက်တံခါး မြို့မရဲစခန်းမှ ရဲအုပ်ကျော်သူထက်နှင့် သက်ဆိုင်ရာ ကျေးရွာအုပ်ချုပ်ရေးမှူးများနှင့် အခင်းဖြစ်နေရာသို့ သွားရောက် စစ်ဆေးခဲ့ကြောင်း သိရသည်။
စစ်ဆေးချက်အရ ကျောက်တံခါးမြို့နယ် ရင်းတိုက်ကုန်းရွာအနီး ရန်ကုန်-မန္တလေး လမ်းဟောင်းပေါ်တွင် ရန်ကုန်ဘက်မှ မန္တလေးဘက်သို့ ယာဉ်ပေါ်၌ နေကြာဖက်အိတ် ၁၀၀ ခန့်နှင့် ယာဉ်၏ခေါင်းခန်း အတွင်း၌ လူ ၆ ဦးခန့် တင်ဆောင်လိုက်ပါ၍ ယာဉ်မောင်းမောင်ဖြိုး ၂၁ နှစ် (ဘ) ဦးကြည်ကို အေးသာယာမြို့၊ တောင်ကြီးမြို့နေသူ မောင်းနှင်လာသော ယာဉ်အမှတ် SHN--------NISSAN DIESEL CD45 အမျိုးအစား အပြာရောင် ၁၀ ဘီးယာဉ်မှာ အရှိန်ရင်းတိုက်ကုန်းရွာ သံလမ်းကွေ့အနီး မိုင်တိုင်အမှတ် ၁၁၇ မိုင် ၂ ဖာလုံနှင့် ၃ ဖာလုံအကြားသို့အရောက် အရှိန်မထိန်းနိုင်ပဲ ကားလမ်းမ၏ ၀ဲဘက်ခြမ်း လမ်းဘေးရေမြောင်းထဲသို့ ထိုးကျတိမ်းမှောက် သွားခဲ့ခြင်းဖြစ်သည်။
ယာဉ်မတော်တဆမှု ဖြစ်ပွားရာမှ ယာဉ်မောင်း မောင်ဖြိုးတွင် ထိခိုက်ဒဏ်ရာ ရရှိခြင်း မရှိသော်လည်း ယာဉ်ခေါင်းခန်းတွင် အတူလိုက်ပါသူ မအေးသီတာထွန်း ၂၅ နှစ်(ဘ) (စုံစမ်းဆဲ) ရပ်ဆောက်မြို့၊ တောင်ကြီးမြို့နယ် နေသူတွင် နှာခေါင်းသွေးထွက် ၀ဲဘက်ခြေခုံ ပြတ်ရှဒဏ်ရာဖြင့် အခင်းဖြစ်နေရာတွင် သေဆုံး၊ မချောချော ၂၅ နှစ်(ဘ)(စုံစမ်းဆဲ) ရပ်ဆောက်မြို့၊ တောင်ကြီးမြို့နယ်နေသူတွင် ၀ဲဘက်မျက်ခုံး ပေါက်ပြဲ၊ နှာခေါင်းသွေးထွက်၊ ၀ဲဘက်ခြေခုံပြတ်ရှ ဒဏ်ရာရရှိကာ အခင်းဖြစ်နေရာတွင် သေဆုံးနှင့် ဒေါ်ခင်မြင့်ကြည် (အသက်/အမည်/လိပ်စာစုံစမ်းဆဲ)မှာ နေကြာဖက် အိတ်များကြားတွင်ပိ၍ အခင်းဖြစ်နေရာတွင် သေဆုံးခဲ့သဖြင့် အမျိုးသမီးသုံးဦး သေဆုံး၍ ကျန်အမျိုးသား သုံးဦးမှာ ထိခိုက်ဒဏ်ရာ အနည်းငယ်နှင့် မစိုးရိမ်ရ အခြေအနေများ ရရှိသွားခဲ့ကြောင်း သိရသည်။
"ဘယ်လိုဖြစ်ပြီး မှောက်လည်းတော့ မသိဘူး ကားကတော့ ရထားလမ်းနဲ့ ကားလမ်းကြားက ရေအိုင်ထဲကို ထိုးကျသွားတာ၊ ကားပေါ်ပါတဲ့လူတွေက တောင်ကြီးဘက်က လူတွေများတယ်၊ တောင်ကြီးကို ခရီးကြုံ လိုက်လာတာလို့ ပြောတယ်၊ အမျိုးသမီးအလောင်း နှစ်လောင်းက အလွယ်တကူတွေ့တယ်၊ ကျန်တဲ့အမျိုးသမီး အလောင်းကိုကတော့ ကျောက်တံခါးက ရဲတပ်ဖွဲ့တွေဝိုင်းပြီး ရှာတော့မှ မနက်ကိုးနာရီ ကျော်လောက်မှ တွေ့တာ၊ အဲနေရာက ယာဉ်မတော်တဆမှုတွေ မကြာခဏ ဖြစ်တတ်တယ်” ဟု အခင်းဖြစ်နေရာသို့ သွားရောက်ခဲ့သူ ကျောက်တံခါးမြို့ ဒေသခံတစ်ဦးက ပြောကြားသည်။
ယာဉ်မတော်တဆမှုကြောင့် သေဆုံးသူနှင့် ထိခိုက်ဒဏ်ရာ ရရှိသူများအား ကျောက်တံခါးမြို့နယ် ပြည်သူ့ဆေးရုံသို့ ရဲဆေးစာဖြင့် ပို့ဆောင်ထားခဲ့ပြီး ဖြစ်စဉ်နှင့် ပတ်သက်၍ ယာဉ်အား မဆင်မခြင် ပေါ့ဆစွာ မောင်းနှင်သည့် ယာဉ်မောင်း မောင်ဖြိုးအပေါ် ဥပဒေအရ အရေးယူပေးရန် ရဲအုပ်ကျော်သူထက်မှ တရားလိုလုပ် တိုင်တန်းခဲ့သောကြောင့် ကျောက်တံခါး မြို့မရဲစခန်းမှ ယာဉ်(ပ) ၃၀/၂၀၁၇၊ ပြစ်မှုပုဒ်မ ၃၀၃-က/၃၃၇ ဖြင့် အမှုဖွင့် အရေးယူထားကြောင်း သိရသည်။
Eleven Media Group
No comments:
Post a Comment