ရန်ကုန် ၊ ဇွန် ၂၃ ။ ။ သတင်း မီဒီယာများ အပေါ် ဆက်သွယ်ရေး ဥပဒေ ပုဒ်မ ၆၆ (ဃ) ဖြင့် တရားစွဲဆိုမှုများ များပြားလာချိန်တွင် အဆိုပါ ဥပဒေအား ပြင်ဆင်ရန် အစိုးရဘက်မှ ဆောင်ရွက်နေကြောင်း သိရသည်။
ယနေ့ ဇွန်လ ၂၃ ရက်နေ့တွင် ပြန်ကြားရေး ၀န်ကြီး ဒေါက်တာ ဖေမြင့် နှင့် စာနယ်ဇင်း ကောင်စီတို့ တွေ့ဆုံစဉ် ဒေါက်တာ ဖေမြင့်က ပြောဆိုခဲ့ခြင်း ဖြစ်ကြောင်း ယင်း တွေ့ဆုံပွဲသို့ တက်ရောက်ခဲ့သည့် စာနယ်ဇင်း ကောင်စီ အတွင်းရေးမှူး ဦးသီဟစော က မဇ္ဈိမသို့ ပြောသည်။
"၆၆ (ဃ) နဲ့ ပတ်သက်ပြီး ယေဘုယျ အားဖြင့် ပြောဖြစ် ပါတယ်။ ဒီကေစ့်နဲ့ ပတ်သက်ပြီး သူ့ ထင်မြင်ချက်တွေ ပြောတယ်။ အဓိကကတော့ သူတို့ဘက်က ပြင်လို့ မရဘူး၊ လွှတ်တော်ဘက်က ပြင်မှရမယ်၊ အဲ့ဒါကို ပြင်ဖို့ လုပ်နေပြီး ဆိုတာကို ပြောတယ်" ဟု ဦးသီဟစောက ဆိုသည်။
ယခု လတ်တလောတွင် သတင်း မီဒီယာများ အပေါ် ဆက်သွယ်ရေး ဥပဒေ ပုဒ်မဖြင့် တရားစွဲဆိုခြင်း ခံထားရသည့် အမှုပေါင်း ၁၀ မှုအထိ ရှိနေပြီး တရား ရင်ဆိုင်နေရသည့် သတင်း မီဒီယာသမား ၁၇ ဦးအထိ ရှိနေကြောင်း ဆက်သွယ်ရေး ဥပဒေဆိုင်ရာ သုတေသန အဖွဲ့ထံမှ သိရသည်။
ယနေ့ ဇွန်လ ၂၃ ရက်နေ့ အထိ ဆက်သွယ်ရေး ဥပဒေ ဆိုင်ရာ သုတေသန အဖွဲ့မှ ကောက်ခံရရှိသော စာရင်းများ အရ ယင်းအမှုဖြင့် တရားရုံး တင်ပြီး တရားစွဲဆိုမှု စုစုပေါင်း (၇၀) မှု ရှိသည်ဟု ယင်းအဖွဲ့မှ ထုတ်ပြန်ထားသည်။
ဆက်သွယ်ရေး ဥပဒေ ပုဒ်မ ၆၆ (ဃ) ဖြင့် တရားစွဲဆိုခြင်း ခံထားရသည့် မီဒီယာများအနက် တပ်မတော်မှ တရားစွဲဆို ထားသည့် The Voice သတင်းစာ အယ်ဒီတာချုပ် ဦးကျော်မင်းဆွေ နှင့် ရန်ကုန်တိုင်း ဒေသကြီး အစိုးရ အဖွဲ့က တရားစွဲဆို ထားသည့် Eleven မီဒီယာ CEO ဒေါက်တာ သန်းထွဋ်အောင် တို့လည်း အပါအ၀င် ဖြစ်သည်။
Mizzima
No comments:
Post a Comment