WannaCry Ransomware နှင့် ပတ်သက်၍ သတိပေး အကြံပြုချက်အား မြန်မာနိုင်ငံ ကွန်ပျူတာ ပညာရှင် အသင်းမှ ထုတ်ပြန်ခဲ့ပြီး ကွန်ပျူတာ သုံးစွဲသူများ အမြဲလိုက်နာသင့်သည့် အချက်များအား အကြံပြုချက်များ ထုတ်ပြန်ခဲ့သည်။
Microsoft Windows OS များဖြစ်သည့် Windows XP မှစ၍ Windows 10 အထိ SMB Service များ run ထားသည့် files and folders sharing များ အတွက် အဓိကထား တိုက်ခိုက်မှု ဖြစ်ကြောင်း ၊ WannaCry သည် အခြား ကွန်ပျူတာများထံသို့ ကွန်ရက်အတွင်းမှ ဖြစ်စေ၊ email attachment များမှ ဖြစ်စေ ပျံ့နှံ့နိုင်ကြောင်း ထုတ်ပြန်ထားသည်။
ကွန်ပျူတာ သုံးစွဲသူများ အနေဖြင့် လုံခြုံရေးဆိုင်ရာ Security Patch များနှင့် ကွန်ပျူတာ OS များကို အစဉ်အမြဲ update ပြုလုပ်ခြင်း ၊ မိမိတို့ ကွန်ပျူတာ ဖိုင်များကို အခြား လုံခြုံစိတ်ချရသော တစ်နေရာတွင် အရန်အဖြစ် သိမ်းဆည်းခြင်း ၊ မိမိတို့ AV ဆော့ဖ်ဝဲများကို အမြဲ update လုပ်နေခြင်း ၊ မည်သူမှန်း မသိပါက သို့မဟုတ် သိကျွမ်းသူ ဖြစ်သော်လည်း ပုံမှန် မဟုတ်သည့် ဖိုင်များ ပေးပို့လာပါက နှိပ်ဖွင့်ခြင်းမှ ရှောင်ကြဉ်ခြင်း တို့ ကို အမြဲလိုက်နာ သင့်ကြောင်း ထုတ်ပြန်ချက်တွင် ဖော်ပြထားသည်။
WannaCry သို့မဟုတ် WannaCrypt အမည်ရ ransomware တစ်ခု သည် ယခုအခါ တစ်ကမ္ဘာလုံးအနှံ့ ပျံ့နှံ့လျက် ရှိကြောင်း ၊ WannaCry သည် ဖောက်ထွင်းခံရသော Windows သုံး ကွန်ပျူတာများထဲမှ ဖိုင်များကို သာမန် ကြည့်ရှု သုံးစွဲခွင့် မပြုနိုင်တော့ရန် encrypt လုပ်ကာ သိမ်းဆည်းလိုက်ပြီး ဖိုင်များကို ပြန်ရလိုပါက သတ်မှတ်ထားသည့် လိပ်စာတစ်ခုသို့ bitcoin များသုံးပြီး ငွေပေးသွင်း၍ ပြန်လည် ရွေးယူရမည်ဟု အကျပ်ကိုင် တောင်းဆိုသည့် စာကို တွေ့မြင်ရမည် ဖြစ်ကြောင်း သိရသည်။
ဇော်မင်းထွန်း
The Ladies News
No comments:
Post a Comment