စစ်တွေတွင် မြန်မာအမျိုးသား လေကြောင်းပိုင် XY AJK လေယာဉ်ငယ်တစ်စင်း အဆင်းပြေးလမ်း၌ ဘီးပေါက်ပြီး လမ်းလွဲချော်သွားသော်လည်း ခရီးသည်များ ထိခိုက်ဒဏ်ရာမရှိကြောင်း သိရသည်။
အဆိုပါလေယာဉ်သည် မေ ၁၇ ရက် မွန်းလွဲ ၁ နာရီ မိနစ် ၂၀ ခန့်က ရန်ကုန်မှ စစ်တွေသို့ ရောက်ရှိဆင်းသက်လာစဉ် ပြေးလမ်း ပေ ၁၇၀၀ ခန့်တွင် ထိုသို့ဖြစ်ပွားခဲ့ခြင်းဖြစ်သည်ဟု တာဝန်ကျ ရဲတပ်သားတစ်ဦးထံမှ သိရသည်။
“လေယာဉ်က စင်းလုံးငှားလို့သိရတယ်။ အရပ်သားခြောက်ဦး ငှားလာတာပေါ့။ ဘီးပေါက်ပြီး ပြေးလမ်းမှာရပ်သွားတယ်။ လေယာဉ်ပေါ်မှာတော့ လေယာဉ်မှူးပါ လေယာဉ်ဝန်ထမ်းသုံးဦးနဲ့ ခရီးသည်ခြောက်ဦးပါတယ်။ မီးသတ်ကားနဲ့ဆွဲပြီးတော့ လေယာဉ်ရပ်နားရာကို ၂ နာရီကျော်လောက်မှာ ရောက်သွားပါတယ်” ဟု လေဆိပ်တာဝန်ကျ ရဲတပ်သားတစ်ဦးက ပြောကြားသည်။
အဆိုပါလေယာဉ်မှာ စစ်တွေလေဆိပ်တွင် ရပ်နားထားပြီး ဘီးအား ပြန်လည်တပ်ဆင်လျက်ရှိကြောင်း သိရသည်။
Eleven Media Group
No comments:
Post a Comment