မြို့တော်စည်ပင်သာ၏ ညွှန်ကြားချက်ဖြင့် ပိတ်သိမ်းခိုင်းထားသော မင်္ဂလာဈေးအတွင်းရှိ ကေတီဗီနှင့် ဖျော် ဖြေရေး လုပ်ငန်းများအား မိမိသဘောဖြင့် ပြန်ဖွင့်ခဲ့သည့် Lucky ကေတီဗီမှ မန်နေဂျာနှင့် ၀န်ထမ်းတစ်ဦး ဖမ်းဆီးခံရကြောင်း ကေတီဗီပိုင်ရှင် ဦးမောင်မောင်အေးက ပြောသည်။
ပိတ်သိမ်းထားသည့် ကေတီဗီနှင့်ဖျော်ဖြေရေး လုပ်ငန်းများထဲမှ လိုင်စင်သက်တမ်း ကျန်ရှိနေသေးသည့် မ င်္ဂလာဈေး (၇) လွှာရှိ Lucky ကေတီဗီနှင့် (၉) လွှာရှိ 9 Floor ကေတီဗီ၊ မင်္ဂလာမွန်ဈေးရှိ NASA ဖျော်ဖြေ ရေးလုပ်ငန်းများကို မေလ (၂၆) ရက်နေ့တွင် ပြန်လည်ဖွင့်လှစ်ခဲ့ခြင်း ဖြစ်ပြီး မေလ (၂၇) ရက်နေ့တွင် မန် နေဂျာနှင့် ၀န်ထမ်းတစ်ဦး ဖမ်းဆီးခဲ့ခြင်းဖြစ်ကြောင်း သိရသည်။
“ ကျွန်တော့ ဆိုင်က မန်နေဂျာ နှစ်ယောက်ကို မင်္ဂလာတောင်ညွန့် ရဲစခန်းက (၂၇) ရက်နေ့မှာ စစ်ဆေး စ ရာရှိ လို့ဆိုပြီး ခေါ်သွားတယ်။ ပြီးတော့ အဲဒီနေ့ပဲ သူတို့နှစ်ယောက်ကို အချုပ်ထဲ ထည့်ထားလိုက်တယ်။ နောက်တော့ ရမာန်ယူပြီး အင်းစိန် ထောင်အချုပ်ထဲ ရောက်သွားတယ်။ ဖမ်းထားတဲ့ အမှုက ကျွန်တော်တို့ ဆိုင်တွေကို ဧပြီလ (၁၃) ရက်နေ့ ညဘက်မှာ စည်ပင်က အင်အားနဲ့ ဆိုင်တွေ ပိတ်ခိုင်းတယ်။ မင်္ဂလာဈေး ၀င်း တံခါးကိုပိတ်ပြီး သော့ခတ်သွားတယ်။ ဆိုင်ကိုလာတဲ့ ဧည့်သည်တွေလည်း ထွက်လို့ မရတော့ဘူး။ နောက်ရောက်လာတဲ့ ဧည်သည်တွေလည်း ၀င်လို့ မရတော့ဘူး။ ဒါနဲ့ ကျွန်တော့်ဆိုင်က ၀န်ထမ်းကောင် လေး တစ်ယောက်က သော့ကိုရိုက်ပြီး ဖျက်လိုက်တယ်။ အဲဒီကိစ္စကို စစ်ဆေးစရာရှိ တယ်ဆိုပြီး ကျွန် တော့ဆိုင်က မန်နေဂျာနဲ့ ၀န်ထမ်းကိုခေါ်ပြီး ၀တ္တရားနှောက်ယှက်မှုနဲ့ ပြည်သူပိုင် ပစ္စည်းဖျက်ဆီး တယ်ဆို ပြီး ဖမ်းထားလိုက်တယ်။ သော့ကိုရိုက်ချိုးလိုက်တဲ့ ၀န်ထမ်းက မရှိတော့ဘူး။ အလုပ်ထွက်သွားတာ တစ်လ လောက်ရှိပြီ” ဟု ဦးမောင်မောင်အေးက ပြောသည်။
ဆိုင်များပြန်လည်ဖွင့်လှစ်နိုင်ရန် နိုင်ငံတော်အတိုင်ပင်ခံရုံး အပါအ၀င် သက်ဆိုင်ရာဌာန (၂၆) ခုကို အသ နားခံစာများ ပေးပို့ထားသော်လည်း မေလ (၃၀) ရက်နေ့တွင် ဆိုင်လိုင်စင် သက်တမ်းတိုးခွင့်ကို ဖျက်သိမ်း ကြောင်း အကြောင်းကြားစာကို စည်ပင်သာယာ ဈေးများဌာနက လာကပ်သွားပြီး မင်္ဂလာဈေး (၄) လွှာမှ စ၍ အတက်အဆင်း မပြုလုပ်ရန် ပိတ်ထားကြောင်း သိရသည်။
အောင်သူရိန်/ Akonthi
No comments:
Post a Comment