Gangnam Style သီချင်းနဲ့ ကမ္ဘာကျော်ခဲ့တဲ့ တောင်ကိုရီးယားအဆိုတော် PSY ဟာ သူ့ရဲ့ 4x2=8 အမည်ရှိတဲ့ သီချင်း အယ်လ်ဘမ်သစ်ကို မေလ ၁၀ရက်နေ့က ဖြန့်ချီလိုက်ပါတယ်။
ဒီသီချင်းခွေဟာ PSY ရဲ့ ၈ခုမြောက် အယ်လ်ဘမ်ဖြစ်ပြီး သီချင်း ဆယ်ပုဒ်ပါဝင်ပါတယ်။I Luv It နဲ့ New Face အမည်ရှိ သီချင်းသစ် နှစ်ပုဒ်ကိုတော့ Music Video အနေနဲ့ရိုက်ကူးထားတာကို တွေ့ရပါတယ်။ I Luv It သီချင်းမှာတော့ PPAP သီချင်းနဲ့ နာမည်ကြီးခဲ့တဲ့ Pikotaro နဲ့ ကိုရီးယား ထိပ်တန်းသရုပ်ဆောင် လီဗြောင်ဟွန်းကပါ ကကွက်အချို့နဲ့ သရုပ်ဆာင်ထားပါတယ်။
New Face မှာတော့ မိန်းကလေးအဆိုတော်အဖွဲ့ဖြစ်တဲ့ Apink က Naeun က သရုပ်ဆောင်ထားပါတယ်။ သီချင်းတွေကိုလည်း PSY ရဲ့အေဂျင်စီ အောက်က အဖွဲ့တွေဖြစ်တဲ့ Bigbang က အဖွဲ့ဝင် နဲ့ အခြား အဖွဲ့ဝင်တွေက Featuring အဖြစ် ကူညီသီဆိုပေးထားကြပါသေးတယ်။
ဒီသီချင်းတွေမှာတော့ PSY ရဲ့ ပုံစံအတိုင်း ကကွက်အဆန်းတွေ၊ သရုပ်ဆောင်၊ ကပြဖျော်ဖြေသူ အများကြီးနဲ့ မြိုင်မြိုင်ဆိုင်ဆိုင် တင်ဆက်ထားပါတယ်။
မနေ့ကမှ Youtube ပေါ်မှာ တင်ထားတဲ့ I Luv It နဲ့ New Face သီချင်းဟာ ခုဆိုရင် ကြည့်တဲ့သူ ၄ သန်းကျော်နေပြီဖြစ်ပါတယ်။ ဒါဟာ သူ့ရဲ့ မှတ်တိုင်လို့ ဆိုရမယ့် ကမ္ဘာတစ်လွှားက ကြည့်ရှု့သူ ၂ဘီလံကျော်ရှိခဲ့တဲ့ Gangnam Style ကို စံချိန်ကျော်နိုင်မလားဆိုတာကိုတော့ စောင့်ကြည့်ရမှာပါ။
YoYarLay
No comments:
Post a Comment