ရခိုင်ပြည်နယ် ပေါက်တောမြို့မှာ ဒီနေ့ မနက်ပိုင်းက မီးလောင်မှုဖြစ်ပွားခဲ့ပြီး လူ ၁၅ ဦးအထိ ထိခိုက်ဒဏ်ရာရရှိခဲ့တယ်လို့ ပေါက်တောမြို့နယ် မီးသတ်ဦးစီးဌာနကတာဝန်ရှိသူက ပြောပါတယ်။
မီးလောင်မှုကြောင့် ထိခိုက်ဒဏ်ရာရရှိသူတွေကို ပေါက်တောနဲ့ စစ်တွေဆေးရုံတွေပို ပို့ဆောင် ထားတယ်လို့ ပေါက်တောမြို့နယ် မီးသတ်ဦးစီးဌာနမှူး ဦးမျိုးမင်းထွန်းကပြောပါတယ်။
ဒီနေ့မနက် ၈ နာရီခွဲအချိန်မှာ ထမင်းချက်ဖို့ မီးမွှေးရာကနေ လောင်စာဆီပုံးတွေကို မီးကူးစက် လောင်ကျွမ်းခဲ့တာဖြစ်ပြီး မီးသတ် တပ်ဖွဲ့ဝင်အင်အား ၂၁ ဦးနဲ့ မီးငြှိမ်းသတ်ခဲ့ရပါတယ်။
မီးစတင်လောင်ကျွမ်းတဲ့အိမ်ဟာ ဆီဆိုင်ဖွင့်ထားတဲ့အိမ်ဖြစ်ပြီး အိမ်ရှင်ကို မီးပေါ့ဆမှုနဲ့ အမှုဖွင့်ထားတယ်လို့ သိရပါတယ်။
မီးလောင်ကျွမ်းမှုကြောင့် ဈေးဆိုင်ခန်းနဲ့ တွဲလျက်ရှိနေတဲ့ နေအိမ် ၁၅ လုံး လောင်ကျွမ်းခဲ့ပြီး ခန့်မှန်းဆုံးရှုံးမှုတန်ဖိုးကတော့ ငွေကျပ် သိန်း ၁၅၀ လောက်ရှိတယ်လို့လည်း ပေါက်တောမြို့နယ် မီးသတ်ဦးစီးဌာနမှူးကပြောပါတယ်။
Photo: Ko Gyi Kyaw
RFA
No comments:
Post a Comment