ဘေဂျင်းမြို့မှာ ကျင်းပခဲ့တဲ့ ပိုးလမ်းမသစ်ညီလာခံကို တက်ရောက်ခဲ့တဲ့ ဖိလစ်ပိုင် သမ္မတ ဒူတာတေးက တူရကီနဲ့ မွန်ဂိုးလီယာနိုင်ငံတွေ အာဆီယံအဖွဲ့မှာ ပါဝင်နိုင်ရေးအတွက် သူဆက်လက် ကြိုးပမ်းမယ်လို့ မနေ့က ပြောပါတယ်။ အဲဒီနိုင်ငံ ၂ ခုရဲ့ ခေါင်းဆောင်တွေက အာဆီယံကို ဝင်ရောက်လိုတယ်လို့ သူ့ကို ပြောဆိုခဲ့ပြီး အာဆီယံအလှည့်ကျ ဥက္ကဌဖြစ်တဲ့ သူကလည်း ထောက်ခံတယ်လို့ ဆိုပါတယ်။
အခုလို တူရကီနဲ့ မွန်ဂိုးလီယာနိုင်ငံတွေကို အရှေ့တောင်အာရှနိုင်ငံများအသင်းမှာ ထည့်သွင်းရေးအတွက် ထောက်ခံတင်ပြရာမှာ ပထဝီအနေအထားကို ထည့်သွင်းစဉ်းစားခဲ့ပါသလား လို့ ဒေါ်အောင်ဆန်းစုကြည်က သူ့ကို မေးခွန်းထုတ်ခဲ့ကြောင်းလည်း ဒူတာတေးကပြောပါတယ်။
ပထဝီအနေအထားအရ တူရကီက အာရှနဲ့ ဥရောပတိုက်ကြားမှာ ရှိပြီး မွန်ဂိုးလီယာက တရုတ်နဲ့ ရုရှားနိုင်ငံတွေအကြားမှာ တည်ရှိတဲ့အတွက် အရှေ့တောင်အာရှဒေသမှာ ပါဝင်ခြင်းမရှိပါဖူး။ ဒါပေမယ့် ဒူတာတေးကတော့ အဲဒီနိုင်ငံ ၂ ခုလုံးဟာ မိမိတို့ဒေသမှာပဲ တည်ရှိတယ်လို့ တုံ့ပြန်ပြောဆိုခဲ့ကြောင်း သိရပါတယ်။
RFA
No comments:
Post a Comment