ဒရုန်းထုတ်လုပ်တဲ့အေရိုဗာရိုးမန့်လုပ်ငန်းဟာ လက်ဝါးပြင်ကနေလွှတ်တင်နိုင်ပြီး အသေးစား အိတ်ကလေးတစ်လုံး သယ်ဆောင်နိုင်တဲ့ ဒလက်လေးခုပါ ထောက်လှမ်းရေးရဟတ်ယာဉ်တစ်စင်းကို အင်္ဂါနေ့က ပွဲထုတ်ပြသခဲ့ပါတယ်။ အရွယ်စားပိုသေးပြီးတော့ အသုံးပြုရ ရိုးရှင်းတာကြောင့် သာမန်စစ်သားတွေအသုံးပြုနိုင်တဲ့ သည်ဒရုန်းဟာ ဟိုအရင်က စစ်တပ်ဌာနခွဲကြီးတွေသာ အသုံးပြုနိုင်တဲ့ထောက်လှမ်းရေးစွမ်းရည်တွေကို အခြားတပ်ဖွဲ့ငယ်တွေနဲ့ စစ်တပ်ဌာနခွဲလေးတွေ လုပ်ဆောင်လာနိုင်မှာဖြစ်ပါတယ်။
အေရိုဗာရိုးမန့်က ၁၄၀ ဂရမ်လေးတဲ့ မောင်းသူမဲ့ဒရုန်း Snipe ကို ဧပြီလမှာပဲ ပထမဆုံးဖောက်သည်ဖြစ်တဲ့ အမေရိကန်အစိုးရကို ပေးပို့ခဲ့တယ်လို့ ပြောပါတယ်။ ဒါပေမဲ့ သည်ဒရုန်းကိုဝယ်ယူတဲ့ အစိုးရအေဂျင်စီနာမည် ကိုတော့ ကုမ္ပဏီကမပြောပြပါဘူး။ လေကြောင်းအပတ်စဉ်ဂျာနယ်က အေရိုဗာရိုးမန့်ဟာ အမေရိကန်စစ်တပ် အတွက် ရှေ့ပြေးပုံစံတွေထုတ်လုပ်ပေးနေတယ်ဆိုပြီး ပြီးခဲ့တဲ့နှစ်ကဖော်ပြခဲ့ပါတယ်။ သည်ဒရုန်းကို စစ်တပ်ကအသုံးပြုနေတဲ့ နည်းပညာရပ်တွေနဲ့ သိပ္ပံပညာရပ်တွေအတွက် တာဝန်ယူဆောင်ရွက် ပေးနေတဲ့ DARPA အေဂျင်စီအတွက် နာနိုဟူးမင်းဘာ့ဒ်ဒရုန်းတီထွင်ရာမှာအောင်မြင်ခဲ့တဲ့ အဆင့်မြင့်နည်းပညာနဲ့ အသုံးပြုထုတ်လုပ်ထားတယ်လို့ အေရိုဗာရိုးမန့်ကပြောပါတယ်။
မောင်းသူမဲ့လေယာဉ်စနစ်ကိုကြီးကြပ်တဲ့ ဒုတိယဥက္ကဌ ကာ့ဖလစ်တီက သည်စနိုက်ဒရုန်းကို မောင်းနှင်မယ့်သူ အသုံးပြုရလွယ်အောင်တီထွင်ထားတာကြောင့် တစ်မိနစ်မပြည့်ခင်မှာပဲ သည်ဒရုန်းကိုစေလွှတ်လို့ရနိုင်တယ်လို့ ကြေညာချက်တစ်ရပ်ထဲမှာ ပြောပါတယ်။ ထောက်လှမ်းရေးနဲ့စောင့်ကြည့်ရေးတာဝန်တွေအတွက်ရည်မှန်းထားတဲ့ သည်လေယာဉ်ဟာ နေ့ဘက်ရော ညဘက်မှာပါ ကြည်လင်တဲ့ပုံရိပ်တွေနဲ့ဗီဒီယိုမှတ်တမ်းတင်မှုတွေကို လုပ်ဆောင်ပေးနိုင်မှာပါ။ သည်လေယာဉ်ဟာ တစ်နာရီကို မိုင်၂၀နှုန်းနဲ့ပျံသန်းနိုင်ပြီး တစ်ကီလိုမီတာကျော်(မိုင်ဝက်)အထိရောက်ရှိနိုင်ပါတယ်။ ဒါ့အပြင် ဘထ္ထရီ သက်တမ်းကလည်း ၁၅ မိနစ်ခန့်ပျံသန်းနိုင်တယ်လို့ ပြောပါတယ်။
ချိုလေးငယ် (Kumudra)
No comments:
Post a Comment