ဖားကန့်မြို့နယ် လုံးခင်းကျေးရွာအုပ်စု ဝါကျဲမှော်တွင် တောက်ပကြယ် ကုမ္မဏီ ၊ ငွေဆင်ကျောက်စိမ်းတူးဖော်ရေးကုမ္မဏီ၏ လုပ်ကွက်အမှတ်(၂) တွင် ( ၈.၇ တန် ရှိသော ကျောက်စိမ်းတုံးကြီး တွေ့ရှိသောနေရာ) အမြင့်ပေ ငါးဆယ်ခန့်ရှိသော ကျောက်တောင်နံရံ ပြိုကျမှုတခု ယခုလ ၃ ရက်နေ့ ညပိုင်းက ဖြစ်ပွားခဲ့သည်။
ထိုပြိုကျမှုကြောင့် လုပ်ကွက်အတွင်း တရားမဝင် ကျောက်စိမ်းတူးဖော်နေသော ရေမဆေးကျောက်ရှာဖွေသူတဦး ထိခိုက်ဒဏ်ရာရရှိခဲ့သည်။ ထိုသို့ပြိုကျရာတွင် ရေမဆေးကျောက်ရှာဖွေသူများမှ ပြိုကျသော မြေစာများကို ဘက်ဟိုးဖြင့်ချက်ချင်း ကော်ထုတ်ပေးရန် ကုမ္မဏီမှ လုပ်ငန်းကြီးကြပ် ဦးသန်းစိုးအား တောင်းဆိုခဲ့သည်။ ဦးသန်းစိုးမှ သက်ဆိုင်ရာ အုပ်ချုပ်ရေးအဖွဲများလာရောက်မှ လုပ်ပေးနိုင်မည်ဟု ပြောဆိုခဲ့သဖြင့် ရေမဆေးသမားများက ဝိုင်းရိုက်ခဲ့သည်ဟု ဆိုသည်။
ရေမဆေးသမားများ၏ ရိုက်နှက်မှုကြောင့် ကုမ္မဏီ၏ လုပ်ငန်းကြီးကြပ် ဦးသန်းစိုးမှာ ဦးခေါင်းတွင် ပေါက်ပြဲဒက်ရာရရှိ၍ ခြောက်ချက်ချုပ်ခဲ့ရသည်။ ယခုအခါ ဦးသန်စိုးမှာ ဖားကန့်မြို့နယ် လုံးခင်းကျေးရွာ ပြည်သူ့ဆေးရုံတွင် ဆေးကုသမှု ခံယူနေသည်ဟု သိရပါသည်။
အဆိုပါ လုပ်ကွက်မှာ ဧပြီ ၂၆ ရက်တွင် ရေမဆေးကျောက်ရှာဖွေသူများ တရားမဝင် ဝင်ရောက်တူးဖော်ရာမှ (၈.၇) တန်ခန့်ရှိသော ကျောက်စိမ်းအရိုင်းတုံးကြီးရရှိခဲ့ပြီး ကုမ္ဗဏီမှရေမဆေးသမားများအား သိန်း(၁၅၀၀)ပေးပြီး ပြန်လည်သိမ်းယူခဲ့ကြောင်း သိရသည်။
ဇော်မိုးထက်(ဖားကန့်)
NewsWatch
No comments:
Post a Comment