စက်သုံးဆီနှင့် သုံးစွဲသူနစ်နာမှု

စက်သုံးဆီနှင့် သုံးစွဲသူနစ်နာမှု

စက်သုံးဆီလောကတွင် ပြိုင်ဆိုင်မှုရှိသော်လည်း နည်းပါးနေသည့်အခြေအနေမျိုးနှင့် သုံးစွဲသူတွေအတွက် အပြိုင်အဆိုင်ဝန်ဆောင်မှုမပေးဘဲ ဈေးကွက်ထိန်းချုပ်လုပ်ကိုင်နေကြသည့် အနေအထားများကြောင့် အရည်အသွေးပြည့်ဝသော စက်သုံးဆီများကို ဈေးနှုန်းသက်သာစွာဖြင့်သုံးစွဲနိုင်ခြင်းမရှိကြောင်း သုံးစွဲသူများက ညည်းညူပြောဆိုကြသည်။ ယင်းသို့သော အခြေအနေများကြောင့်လည်း စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီးဦးကျော်ဝင်းက စက်သုံးဆီဈေးနှုန်းများ သက်သာရေးနှင့် အရည်အသွေးပြည့်မီသော ဆီများအား ပြည်သူများအသုံးပြုနိုင်ရေးအတွက် ပြည်တွင်း စက်သုံးဆီလုပ်ငန်းရှင် များနည်းတူ နိုင်ငံခြားသား များအား ရင်းနှီးမြှုပ်နှံခွင့်ပေးဖွင့်လှစ်ရောင်းချခွင့်ပြုနိုင်ရေး စီစဉ်ဆောင်ရွက်နေသည်ဟု ပြီးခဲ့သည့် မတ် ၁၈ ရက် က တရားဝင်ပြောကြားခဲ့သည်။

''ပြည်ပက ရေနံကုမ္ပဏီကြီးတွေ မြန်မြန်လာမှပဲဗျာ။ အခုက ဒေါ်လာဈေးကျလည်း ဆီဈေးကမကျဘူး။ ဆီအရည်အသွေးကလည်း ပြည့်၊ မပြည့် ကောင်း၊ မကောင်းဆိုတာ ကျွန်တော်တို့အနေနဲ့ သေချာလည်း မသိနိုင်ဘူးလေ။ မဖြစ်မနေ လိုအပ်ချက်ရှိတော့ ဒီဆိုင်တွေကိုပဲ သုံးနေ၀ယ်နေရတာပဲ။ တဆိုင်နဲ့တဆိုင်က ဈေးညှိထားကြတော့ ပြိုင်ဆိုင်မှုလည်း မရှိဘူး။ ဆီပြည့်တဲ့ဆိုင်ကို ပိုပြီးထည့်ဖြစ်တာလောက်ပဲရှိတယ်'' ဟု ရန်ကုန်မြို့ခံ အငှားယာဉ်မောင်းကိုအောင်မြင့်က ပြောသည်။

စီမံကိန်းနှင့် ဘဏ္ဍာရေးဝန်ကြီး၏ စက်သုံးဆီကဏ္ဍ ပြည်ပရင်းနှီးမြှုပ်မှု ဖိတ်ခေါ်မည်ဟု ထုတ်ဖော်ပြောကြားမှု အပေါ် စက်သုံးဆီသုံးစွဲသူ အများပြည်သူများက ကြိုဆိုကြပြီး မြန်မာနိုင်ငံစက်သုံးဆီလုပ်ငန်းရှင်များအသင်းက မူ ကန့်ကွက်ခဲ့ကြောင်း သိရသည်။ ပြည်ထောင်စုဝန်ကြီး၏ တရားဝင်ထုတ်ဖော် ပြောကြားမှုကြောင့် မြန်မာနိုင်ငံရင်းနှီးမြှုပ်နှံမှုကော်မရှင်ကလည်း ရင်းနှီးမြှုပ်နှံမှု အဆိုပြုလွှာ တင်သွင်းခွင့်ကို စတင်ခွင့်ပြုခဲ့ကြောင်း သိရသည်။ ပြည်ပလုပ်ငန်းရှင်များအနေဖြင့် စက်သုံးဆီကဏ္ဍသို့ ၀င်ရောက်လုပ်ကိုင်လိုပါက လျှပ်စစ်နှင့် စွမ်းအင်ဝန်ကြီးဌာနသို့ ကနဦးလျှောက်ထားပြီးမှသာ မြန်မာနိုင်ငံ ရင်းနှီးမြှုပ်နှံမှုကော်မရှင်သို့ အဆိုပြုလွှာ တင်သွင်းရမည်ဖြစ်ကြောင်း သိရသည်။

ယင်းနှင့်ပတ်သက်၍လည်း ပြည်တွင်းလုပ်ငန်းရှင်များနှင့် ဖွဲ့စည်းထားသည့် မြန်မာနိုင်ငံစက်သုံးဆီ လုပ်ငန်းရှင်များအသင်းက ပြည်တွင်းစက်သုံးဆီကဏ္ဍသို့ ပြည်ပရင်းနှီးမြှုပ်နှံမှု ဖိတ်ခေါ်ခြင်းကို ကန့်ကွက် လွှာတင်သွင်းခဲ့သည်ဟု သိရသည်။ သို့ရာတွင် ၀န်ကြီး ဌာနမှ လက်ခံခြင်းမရှိခဲ့သည့်အတွက် စက်သုံးဆီကဏ္ဍ တွင် ပြည်ပလုပ်ငန်းရှင်များ ၀င်ရောက်လာပါက ၎င်းတို့နှင့် ရင်ပေါင်တန်းလုပ်ကိုင်နိုင်ရန် ကြိုးစားသွား မည်ဖြစ်ကြောင်း မြန်မာနိုင်ငံစက်သုံးဆီလုပ်ငန်းရှင်များအသင်းက ပြန်လည်ပြောကြားထားသည်။

ပြည်တွင်းသို့ စက်သုံးဆီတင်သွင်းနေမှုတွင် နိုင်ငံခြားငွေကြေးဈေးနှုန်းပေါ်တွင်လည်း မူတည်နေပြီး ဒေါ်လာဈေးမြင့်တက်ချိန်တွင် စက်သုံးဆီဈေးနှုန်းများ မြင့်တက်သွားသကဲ့သို့ ဒေါ်လာဈေးတည်ငြိမ် ကျဆင်းချိန်တွင် ဈေးနှုန်းများ ပြန်လည်မကျခြင်းအပေါ် သုံးစွဲသူတို့က ဝေဖန်ကြခြင်းဖြစ်သည်။

မြန်မာနိုင်ငံတွင် စက်တပ်ယာဉ်အသုံးပြုမှု နှစ်စဉ်များပြားလာသည်နှင့်အမျှ ပြည်ပမှစက်သုံးဆီ တင်သွင်းမှုပမဏသည်လည်း တိုးတက်မြင့်မားလာခဲ့သည်။ ထို့အတူ တရားမ၀င် တင်သွင်းနေမှုများကလည်း ရှိနေပြီး အရည်အသွေးပိုင်းတွင်လည်း အငြင်းပွားစရာများရှိနေကြောင်း သိရသည်။ စက်သုံးဆီ တရားမ၀င် တင်သွင်းမှုတွင် ရေလမ်းမှ အဓိကတင်သွင်းမှုများရှိသည်ဟုသိရပြီး နယ်စပ်ဝင်ပေါက်များမှ တင်သွင်းမှုရှိသော် လည်း ယင်းမှာ ရန်ကုန်၊ မန္တလေး ဈေးကွက်ကို ဦးတည်ချက်မထားရှိဘဲ နယ်မြို့များကိုသာ အဓိကဦးတည် ကြောင်း သိရသည်။

''နယ်စပ်ကတဆင့် ၀င်တာက ရှမ်း၊ ကရင်၊ မွန်ကို ၀င်တယ်။ မြန်မာနိုင်ငံ အလယ်ပိုင်းကိုတော့ ရေလမ်း ကနေသွားတဲ့သဘောရှိတယ်။ စက်သုံးဆီက ကားတခုတည်း မဟုတ်ဘူး။ တည်ဆောက်ရေးလုပ်ငန်းတွေ ရှိတော့ ယန္တရားကြီးတွေ၊ ဆောက်လုပ်ရေးလုပ်ငန်းခွင်က ယာဉ်ကြီးတွေလည်း လိုအပ်မှုရှိလာတော့ စက်သုံးဆီလိုအပ်ချက် မြင့်တက်လာတယ်။ တရားမ၀င်သွင်းတာတွေက နိုင်ငံအတွက် နစ်နာမှုတွေ အများကြီးရှိနေတယ်။ အရည်အသွေး မပြည့်တာတွေကတော့ သုံးစွဲသူတွေအနေနဲ့ နစ်နာမှုတွေထပ်ကြုံ ရတာပေါ့။ ပြီးတော့ ဈေးနှုန်းပေါ့''ဟု စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ အငြိမ်းစား ၀န်ထမ်းတဦးက ပြောသည်။

ယင်းအပြင် မြန်မာနိုင်ငံတွင် အသုံးပြုနေသည့် မော်တော်ယာဉ်အများစုမှာလည်း အသစ်စက်စက် ယာဉ်အရေ အတွက် နည်းပါးပြီး တပတ်ရစ်ယာဉ်များသာ များပြားနေသည့်အတွက် မော်တော်ယာဉ်များ၏ စက်ပိုင်းဆိုင်ရာ အရည်အသွေးပြည့်ဝမှုမှာလည်း စိန်ခေါ်မှုတရပ်ပင်ဖြစ်ကြောင်း မော်တော်ယာဉ်ဆိုင်ရာ ကျွမ်းကျင်သူများက ဝေဖန်ကြသည်။ တပတ်ရစ်နှင့် အသုံးပြုပြီးသောမော်တော်ယာဉ်များအတွက် အရေးပါသည့် စက်သုံးဆီသည် အရည်အသွေး အမှန်တကယ်ပြည့်ဝရမည်ဖြစ်ပြီး ယင်းအာမခံချက်ကိုလည်း စက်သုံးဆီအသင်းနှင့် အရောင်းဆိုင်များက အာမခံချက်ပေးနိုင်ရမည်ဟု သုံးစွဲသူများက ဆိုသည်။

မြန်မာနိုင်ငံတွင်း ရောင်းချနေသော စက်သုံးဆီ အရည်အသွေးနှင့် အခြင်အတွယ် ပြည့်မီမှု ရှိ၊ မရှိ အပေါ် ထိရောက်စွာကိုင်တွယ်ဆောင်ရွက်သင့်သည်ဟု ဝေဖန်မှုများရှိနေပြီး ဈေးနှုန်းနှင့် ၀န်ဆောင်မှုပိုင်းတွင်လည်း ဝေဖန်မှုများရှိနေကြောင်း သိရသည်။ မြန်မာနိုင်ငံ၏ စက်သုံးဆီကဏ္ဍကို စစ်အစိုးရလက်ထက်တွင် အစိုးရက ထိန်းချုပ်ဆောင်ရွက်ခဲ့ပြီး အစိုးရဆီဆိုင်များတွင် အချိန်ကြာ တန်းစီစောင့်ဆိုင်းကာ ခွဲတမ်းဖြင့် ၀ယ်ယူရခြင်းနှင့် မှောင်ခိုဈေးကွက်တို့ကို ရင်ဆိုင်ခဲ့ရသည်။ ၂၀၁၀ ပြည့်နှစ်နောက်ပိုင်းတွင် ပုဂ္ဂလိကပိုင် ပြုလုပ်ရေးအနေဖြင့် စက်သုံးဆီဆိုင်များကို ပုဂ္ဂလိက လုပ်ငန်းရှင်ကြီးများကို လုပ်ကိုင်ခွင့်ပြုခဲ့ပြီး လုပ်ကိုင်ခွင့်ရရှိခဲ့သူများမှာလည်း အစိုးရနှင့် နီးစပ်ခဲ့သည့် လုပ်ငန်းရှင်ကြီးများသာဖြစ်သည်ဟု ဝေဖန်မှုများရှိခဲ့သည်။ မြန်မာနိုင်ငံ၏ စက်သုံးဆီကဏ္ဍတွင် ပုဂလိကပိုင် ပြုလုပ်လိုက်သော်လည်း ပြိုင်ဆိုင်မှုဈေးကွက်ဖြစ်ပေါ် မလာဘဲ ဈေးကွက်ထိန်းညှိလုပ်ဆောင်မှုများကြောင့် သုံးစွဲသူများ နစ်နာနေရသည်ဟု စီးပွားရေးပညာရှင်များက သုံးသပ်သည်။ စက်သုံးဆီဈေးနှုန်းနှင့် အရည်အသွေး အာမခံချက်ရှိရမည်ဖြစ်ပြီး စက်သုံးဆီကဏ္ဍ ဈေးနှုန်းမှန်ကန်စွာ အသုံးပြုနိုင်ပါက သယ်ယူပို့ဆောင် ရေးစရိတ်များ ကျဆင်းနိုင်သည့်အပြင် အခြေခံကုန် ဈေးနှုန်းများလည်း ကျဆင်းနိုင်မည်ဖြစ်သည်။ ယင်းကြောင့် ဈေးကွက်ချုပ်ကိုင်မှုများရှိနေသည့် ပြိုင်ဆိုင်မှု နည်းပါးသော စက်သုံးဆီကဏ္ဍတွင် ပြည်ပရင်းနှီးမြှုပ်နှံမှုများ ဖိတ်ခေါ် မည်ဆိုခြင်းကို အများပြည်သူများက ကြိုဆိုကြခြင်း ဖြစ်သည်ဟု သိရသည်။

သို့ရာတွင် ပြည်ထောင်စုဝန်ကြီး၏ ဖိတ်ခေါ်မှုအပြီး တလကျော်ကြာသည်အထိ စက်သုံးဆီကဏ္ဍတွင် ပြည်ပရင်းနှီးမြှုပ်နှံမှု အဆိုပြုလွှာတင်သွင်းလာမှုမရှိသေးကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ သိရသည်။ လက်ရှိတွင် စက်သုံးဆီဈေးနှုန်းများမှာ ဒေါ်လာဈေးတက်ခဲ့သည့်ကာလက ဈေးနှုန်းများ အတိုင်းပင်ဖြစ်ပြီး ကျဆင်းခြင်းမရှိကြောင်း စက်သုံးဆီ ၀ယ်ယူသုံးစွဲနေသူများက ဆိုသည်။

မေလ ၈ ရက် ဈေးနှုန်းများအရ ရန်ကုန်မြို့ရှိ စက်သုံးဆီ လက်လီဈေးနှုန်းမှာ ဒီဇယ် တလီတာလျှင် ၆၉၀/၇၀၅ ကျပ်၊ အောက်တိန်း ၉၅ တလီတာ ၇၄၀/၇၅၅ ကျပ်၊ အောက်တိန်း ၉၂ တလီတာ ၆၉၀/၇၂၀ ကျပ်၊ အဆင့်မြင့်ဒီဇယ် တလီတာ ၇၁၀/၇၂၅ ကျပ် ဖြစ်ပြီး မန္တလေးမြို့ဈေးကွက်တွင် ဒီဇယ် တလီတာလျှင် ၇၁၅/၇၄၀ ကျပ်၊ အောက်တိန်း ၉၅ တလီတာ ၈၃၅/၈၆၅ ကျပ်၊ အောက်တိန်း ၉၂ တလီတာ ၇၅၀/၇၇၅ ကျပ်၊ အဆင့်မြင့်ဒီဇယ် တလီ တာ ၇၂၅/၇၆၀ ကျပ် ဖြစ်သည်။ ရန်ကုန် လက်ကား ဈေးကွက်တွင် ဒီဇယ်တလီတာ ၆၂၀/၆၃၂ ကျပ်နှင့် အဆင့်မြင့်ဒီဇယ် တလီတာ ၆၃၅/၆၂၉ ကျပ်ဖြစ်ကြောင်း သိရသည်။

မော်တော်ယာဉ် အစီးရေတိုးတက်များပြားလာမှု သာမက မော်တော်ဆိုင်ကယ်အပါအ၀င် စက်တပ်ယာဉ်များ တိုးတက်များပြားလာမှု၊ လျှပ်စစ်ကဏ္ဍ လိုအပ်ချက်ရှိနေခြင်းကြောင့် စက်သုံးဆီကို အားထား အသုံးပြုနေရမှုတို့ကြောင့် စက်သုံးဆီတင်သွင်းမှု ကဏ္ဍသည် အရေးပါလျက်ရှိပြီး အခြေခံကုန်ဈေးနှုန်း၊ အခြေခံသယ်ယူပို့ဆောင်စရိတ်၊ ကုန်ထုတ်လုပ်မှုလုပ်ငန်းများ၊ စက်မှုလုပ်ငန်းများတွင် အဓိကကျ အရေးပါ လျက်ရှိသောကြောင့် နိုင်ငံတော်နှင့် သုံးစွဲသူများ နစ်နာမှုမရှိစေရေး၊ စက်သုံးဆီလုပ်ငန်းရှင်များလည်း အဆင် ပြေလုပ်နိုင်ကိုင်နိုင်သည့် အနေအထားမျိုးဖော်ဆောင်သင့်ကြောင်း စီးပွားရေးပညာရှင်များက အကြံပြုတိုက် တွန်းကြသည်။

ရှင်းသန့်လွင်(News Watch)