ပရိသတ်ရဲ့ အချစ်တော် ဇင်ကြီး ရုပ်ရှင်ရိုက်ပြီ

ပရိသတ်ရဲ့ အချစ်တော် ဇင်ကြီး ရုပ်ရှင်ရိုက်ပြီ

အက်ရှင်ဇာတ်ကားဖြစ်ပါတယ်။

Myanmar idol Season 2 မှာ ပရိသတ်အားပေးမှု ရရှိခဲ့တဲ့ ပြိုင်ပွဲဝင်ဇင်ကြီးကတော့ ရုပ်ရှင်ရိုက်တော့မှာပါ။

Myanmar idol လူကြီးတွေနဲ့ ဆက်စပ်ပြီးတော့ "မကြာမီမျှော်" အက်ရှင်ဇာတ်ကားကြီးမှာ ပါဝင်တော့မှာ ဖြစ်ပါတယ်။ သရုပ်ဆောင်ဖို့အတွက် ဇာတ်ကားတွေ ရုပ်ရှင်တွေကြည့်ပြီး လေ့လာဖြစ်ခဲ့တဲ့ ဇင်ကြီးကတော့ အဲ့ဒီဇာတ်ကားနဲ့ ပတ်သက်ပြီး ယခုလို ပြောပြခဲ့ပါတယ်။
"ဒီဇာတ်ကားရိုက်ဖြစ်ခဲ့တာက Myanmar idol က လူကြီးတွေနဲ့ ဆက်စပ်ပြီးတော့ ရိုက်ကူးဖို့ အခွင့်အရေး ရခဲ့တာပါ။ ဇာတ်ကားအတွက်ကတော့ ရုပ်ရှင်တွေ၊ ဗီဒီယိုဇာတ်ကားတွေ ကြည့်ပြီးတော့ လေ့လာဖြစ်ပါတယ်။ဇာတ်ကောင်ကာရိုက်တာက ကျွန်တော့်ရဲ့ စီနီယာ အစ်ကိုတွေနဲ့အတူတူ ဇာတ်ဆောင်နေရာကပဲ သရုပ်ဆောင်သွားရမှာပါ။" လို့ ဇင်ကြီးက ဆိုပါတယ်။

သရုပ်ဆောင်မှုနဲ့ ပတ်သက်ပြီး ပထမဆုံး ရိုက်ကူးရမယ့် ဇာတ်ကားဖြစ်တဲ့အတွက် သူ့အနေနဲ့ အကောင်ဆုံး ကြိုးစား သွားမှာ ဖြစ်ကာ ဇာတ်လမ်းနဲ့ ပတ်သက်ပြီးတော့လည်း အသေးစိတ်သေချာလေ့လာသွားမှာပါလို့ သူက ပြောပါတယ်။
အဲ့ဒီဇာတ်ကားမှာတော့ ဝေဠုကျော်၊ သူထူးစံတို့နဲ့အတူ အခြားသော အနုပညာရှင်တွေနဲ့ အတူ ပါဝင်သရုပ်ဆောင်ရမယ့် ဇင်ကြီးက သူရွေးချယ်ထားတဲ့ ဂီတပိုင်းကိုလည်း အများကြီး ဆက်လုပ်သွားမယ်လို့ ဆိုပါတယ်။

နောက်ထပ် သရုပ်ဆောင်ပိုင်းနဲ့ပတ်သက်ပြီး ယခုရိုက်ကူးမှု ဇာတ်ကားနဲ့ ပတ်သက်ပြီး ပရိသတ်တွေဆီက ပြန်လာမယ့် စကားသံတွေကို နားထောင်ပြီး ဆက်လုပ်သွားမှာပါတဲ့။ ဇင်ကြီးဟာ Myanmar Idol Season 2 မှာ ပရိသတ်ရဲ့ အားပေးမှုနဲ့ Pantene Wild Card ဆုကို ရရှိခဲ့သူ တစ်ယောက်လည်းဖြစ်ပါတယ်။

Sources:Duwun