အမျိုးသားဒီမိုကရေစီအဖွဲ့ချုပ်အစိုးရ တက်လာခဲ့ပြီးသည့်နောက် တစ်နှစ်တာကာလ ကျော်လွန်လာခဲ့သည့်အခါ နယ်ပယ်အသီးသီးတွင် ဆောင်ရွက်ချက်များအပေါ် အားမလို အားမရဖြစ်သော ဝေဖန်ချက်များ ပေါ်ထွက်လာကြသည်။ အစိုးရအကြီးအကဲများ ကိုယ်တိုင်ကလည်း စီးပွားရေးရာ ကိစ္စရပ်များတွင် ထင်သလောက် ခရီးမရောက်သေးကြောင်း ၀န်ခံခဲ့သည့်တိုင်အောင် မိမိတို့သည် အဂတိလိုက်စားမှု အနည်းဆုံး အစိုးရဖြစ်ကြောင်း ဂုဏ်ယူပြောကြားခဲ့သည်။ သမ္မတ ဦးထင်ကျော်က မကြာမီကပြောကြားခဲ့သော နှစ်သစ်ကူး နှုတ်ခွန်းဆက် ဆုတောင်းစကားတွင် ပြည်သူများအတွက် ၀မ်းမြောက်ဖွယ်ရာ ရလဒ်ကောင်းများနှင့် ပြင်ဆင်ပြောင်းလဲထားသည့် စီးပွားရေးနယ်ပယ် အခင်းအကျင်းများအရ စီးပွားရေးတိုးတက်မှုများ ရရှိလာနိုင်မည်ဟု မျှော်လင့်သည်ဟု ပါရှိခဲ့သည်။
တစ်ပါတီစနစ်၊ အာဏာရှင်စနစ်များမှ ဒီမိုကရေစီနှင့် ဈေးကွက် စီးပွားရေးသို့ ကူးပြောင်းကြသည့် နိုင်ငံတိုင်းက အောင်မြင်မှု ရရှိရေးမှာ သေချာကြသည်တော့ မဟုတ်ပေ။ သေချာသည်ကတော့ အခက်အခဲ အကျပ်အတည်းများနှင့် ရင်ဆိုင်ကြရခြင်းသာဖြစ်သည်။ ယခင်စနစ်ဟောင်းက အလုပ်ဖြစ်နေကြပြီး ပြုပြင်ပြောင်းလဲရေးနှင့် ပွင့်လင်းမြင်သာမှုကို လက်မခံလိုသော အခိုင်အမာဖြစ်နေပြီး အင်အားစုများ၏ ဆန့်ကျင် ကန့်လန့်တိုက်မှုများနှင့်အတူ စနစ်ဟောင်းအမွေဖြစ်သည့် ဘတ်ဂျက်လိုငွေပြမှုများ၊ ငွေကြေးဖောင်းပွမှုများ၊ လာဘ်ပေးလာဘ်ယူမှုများ၊ အကျင့်ပျက်ခြစားမှုများ၊ အလုပ်လက်မဲ့ ပြဿနာများကိုသာမက မိမိတို့ကို ရွေးကောက်တင်မြှောက် ပေးလိုက်သည့် လူထု၏ ရလဒ်ကောင်းများ ချက်ချင်းမြင်တွေ့လိုသော အလိုဆန္ဒစောမှုကိုပါ ရင်ဆိုင်ကြရသည်။ ထိုခရီးကြမ်းချီတက်ပွဲမှာပင် အချို့သောနိုင်ငံများသည် အာဏာရှင်စနစ်သို့ ပြန်လည် လျှောကျသွားကြရသည်။ ကွန်မြူနစ်စနစ်မှ အသွင်ကူးပြောင်းခဲ့သော ချက်သမ္မတနိုင်ငံကဲ့သို့ စက်မှုဖွံ့ဖြိုးပြီးနိုင်ငံမျိုးတွင်ပင် ဘတ်ဂျက်လိုငွေ မြင့်မားခြင်းနှင့် အလုပ်လက်မဲ့ ပြဿနာတို့ကို ရင်ဆိုင်ခဲ့ရသည်။ ချက်သမ္မတနိုင်ငံသည် ဆိုဗီယက်အုပ်စုဝင် နိုင်ငံများအနက် စက်မှုအဖွံ့ဖြိုးဆုံး နိုင်ငံတစ်ခုဖြစ်နေစေကာမူ အခြေအနေမှန်တစ်ခုသို့ ရောက်ရန် ၁၅ နှစ်ခန့် ရုန်းကန်ခဲ့ရသည်။
မြန်မာနိုင်ငံ၏အစိုးရသစ်သည် ပြည်သူအများက တစ်ခဲနက်တင်မြှောက်လိုက်သည့် အစိုးရဖြစ်ခဲ့သည့် ကံကောင်းခြင်း လက်ဆောင်နှင့်အတူ ငတ်မွတ်နေသော မျှော်လင့်ချက်များ ကိုပါ တစ်ပါတည်းရင်ဆိုင်လိုက်ရသည်။ ယခင်ဦးသိန်းစိန် အစိုးရက သူတို့အာဏာရမည့် အစီအစဉ်များကို ကြိုတင်ချမှတ်ထားပြီးသည်နှင့်အညီ အုပ်ချုပ်ရေးနှင့် စီမံခန့်ခွဲရေးတွင် အတွေ့အကြုံရှိနှင့်ပြီး လက်ရွေးစင်များကိုပါ လွှတ်တော်နှင့် အစိုးရအဖွဲ့အတွင်း တစ်ပါတည်း ခေါ်ဆောင်လာနိုင်ခဲ့ကြသော်လည်း အစိုးရသစ်မှာ ထိုသို့အခွင့်အလမ်းမရှိခဲ့ပါ။ စစ်အစိုးရ အဆက်ဆက်သည် ပါတီစွမ်းဆောင်နိုင်သူ အများအပြားကို စနစ်တကျ သုတ်သင်ရှင်းလင်းခဲ့ပြီး အချိန်အခါပင်ဖြစ်သည်။ မြန်မာနိုင်ငံတွင် ၂၀၁၂ ခုနှစ်မှ ၂၀၁၆ ခုနှစ်ထိတိုင် အမေရိကန်သံအမတ်ကြီးအဖြစ် တာဝန်ထမ်းဆောင်ခဲ့ပြီး ယခုအခါ United State Instiute of Peace and the Albright Stonebridge Group တွင် အကြီးတန်းအကြံပေး အရာရှိအဖြစ် တာဝန်ယူနေသည့် မစ္စတာဒဲရစ်မစ်ချယ်က မြန်မာနိုင်ငံမှ သူတာဝန်ပြီးဆုံး၍ ပြန်လည် မထွက်ခွာမီကပင် အင်န်အယ်လ်ဒီ အစိုးရအနေဖြင့် အခက်အခဲ ကြီးကြီးမားမား ရင်ဆိုင်ရဖွယ်ရှိသည်ကို မြင်ခဲ့ရကြောင်း သူ၏ဆောင်းပါးတစ်ပုဒ်တွင် ရေးသားဖော်ပြခဲ့သည်။ ထို့ပြင် သူက စီးပွားရေးမူဝါဒများ အသေးစိတ် ချပြရေး၊ ခေတ်နောက်ပြန်ဆွဲဥပဒေများ ရုပ်သိမ်းရေး စသည်တို့ကို အဆိုပါဆောင်းပါးတွင် ထောက်ပြခဲ့သည်။ ထို့အပြင် ၂၀၁၇ ခုနှစ် နှစ်ဆန်းချိန်က မြန်မာနိုင်ငံသို့ ရောက်ရှိလာခဲ့သော ဂျပန်ဝန်ကြီးချုပ်၏ အထူးအကြံပေးပုဂ္ဂိုလ် မစ္စတာဟီရိုတိုအူဇူမိနှင့်အတူ လိုက်ပါလာခဲ့ကြသည့် ဂျပန်စက်မှုနှင့် ကုန်သည်ကြီးများအသင်းဥက္ကဋ္ဌ နှင့် အဖွဲ့ဝင်များကလည်း စီးပွားရေးနှင့်ပတ်သက်သည့် လိုအပ်ချက်များကို ထောက်ပြအကြံပြုခဲ့ကြသည်။ မြန်မာနိုင်ငံတွင် လျှပ်စစ်ဓာတ်အား လိုအပ်ချက်၊ လမ်းပန်းဆက်သွယ်ရေး အခက်အခဲ၊ ရင်းနှီးမြှုပ်နှံမှု ကန့်သတ်ချက်များ၊ ပွင့်လင်းမြင်သာသော အခွန်စနစ်မရှိခြင်း၊ ပြည်တွင်းနေထိုင်မှု ကန့်သတ်ချက် မူပိုင်ခွင့်ပြဿနာ၊ ကျွမ်းကျင်လုပ်သား ရှားပါးမှု အစရှိသည့် အချက်များကို ထောက်ပြခဲ့ကြသည်။ ဂျပန် နိုင်ငံသည် မြန်မာပြည် ဖွံ့ဖြိုးတိုးတက်ရေးအတွက် ဆက်လက် ပါဝင်ကူညီသွားမည့် အကြောင်းကိုလည်း ပြောဆိုခဲ့သည်။ အစိုးရသစ်သည် ယခင်ဦးသိန်းစိန်အစိုးရထက် သာလွန်ချက်မှာ နိုင်ငံတကာမှ ကူညီမည့်မိတ်ဆွေများ အားတက်သရော ရှိနေခြင်းပင်ဖြစ်သည်။
မြန်မာအစိုးရသည် ဂျပန်အစိုးရနှင့် နီးကပ်နွေးထွေးသော ဆက်ဆံရေးရှိနေပြီး အနာဂတ်အတွက် အလားအလာများ ကောင်းမွန်နေသည်။ ကျေးလက်ဒေသ စိုက်ပျိုးရေးနှင့် အခြေခံအဆောက်အအုံကဏ္ဍ ဖွံ့ဖြိုးရေး၊ ပညာရေးကဏ္ဍ အရည်အသွေးမြှင့်တင်ရေး နှင့် အလုပ်အကိုင် ဖန်တီးရေး၊ မြို့ပြစက်မှုလုပ်ငန်းများကဏ္ဍ ဖွံ့ဖြိုးရေး၊ ကျေးလက်နှင့် မြို့ပြ ဆက်သွယ်သည့် ပို့ဆောင်ရေးကဏ္ဍ တိုးတက်ရေး၊ စက်မှုကဏ္ဍဖွံ့ဖြိုးရေးအတွက် စွမ်းအင်ကဏ္ဍဆိုင်ရာ ပူးပေါင်းဆောင်ရွက်ရေး၊ မြို့ပြ အဆောက်အအုံများ ဖွံ့ဖြိုးတိုးတက်ရေး၊ အစိုးရနှင့် ပုဂ္ဂလိကငွေကြေးကဏ္ဍ တိုးတက်မှု ရှိစေရေး၊ စာတိုက်နှင့် ဆက်သွယ်ရေးကဏ္ဍ တိုးချဲ့ဆောင်ရွက်ရေး၊ ကျန်းမာရေးကဏ္ဍ အဆင့်မြှင့်တင်ရေးတို့ကို ပူးပေါင်းဆောင်ရွက် လျက်ရှိသည်။
လွန်ခဲ့သည့် မတ်လ ၁၈ ရက်နေ့က ပြုလုပ်ခဲ့သော မြန်မာနိုင်ငံ ရင်းနှီးမြှုပ်နှံမှု ကော်မရှင်၏ တွေ့ဆုံပွဲတစ်ခုတွင် မြန်မာအစိုးရ၏ ဘဏ္ဍာရေးဝန်ကြီးက မြန်မာနိုင်ငံသည် ဘတ် ဂျက်လိုငွေ ကုန်သွယ်မှု လိုငွေနှင့် ပြည်သူများ၏ လူနေမှုဘ၀ နိမ့်ကျမှုတို့က နိုင်ငံ၏တိုးတက်ရေးအတွက် ပကတိ အဟန့်အတားများ ဖြစ်နေကြောင်း ထုတ်ဖော် ၀န်ခံခဲ့သည်။ ထို့ပြင် ၀န်ကြီးက သီအိုရီများစွာ ရှိသော်လည်း ပကတိ လက်တွေ့ အခြေအနေအရ ဆောင်ရွက်နိုင်မည့် ကိစ္စများကို ယထာဘူတကျကျ ဆုံးဖြတ်ရာတွင် ဘတ်ဂျက်လိုငွေပြမှု၊ ကုန်သွယ်ရေး လိုငွေပြမှု၊ ပြည်သူများ၏ စားဝတ်နေရေး နိမ့်ကျမှုများသည် အဟန့်အတားဖြစ်နေကြောင်း၊ လုပ်ဆောင်ရမည့် ကိစ္စများစွာရှိနေကြောင်း ပြောကြားခဲ့သည်။ စီးပွားရေးနှင့် ကူးသန်းရောင်းဝယ်ရေး ၀န်ကြီးကလည်း မြန်မာနိုင်ငံသည် ဒေသတွင်းနိုင်ငံများနှင့်ယှဉ်လျှင် လယ်ယာကဏ္ဍ တစ်ဧက အထွက်နှုန်း နိမ့်ကျနေကြောင်းနှင့် တစ်ယူနစ် ကုန်ကျစရိတ်မှာလည်း မြင့်တက်နေကြောင်း ပြောကြားခဲ့ပြီး ကုန်စည် ကူးသန်းရောင်းဝယ်ရေး စရိတ်မှာလည်း ကမ္ဘာပေါ်တွင် အကြီးဆုံးဖြစ်နေသည်ဟု ရန်ကုန်မြို့ရှိ ကုန်သည်နှင့် စက်မှုလက်မှုလုပ်ငန်းရှင်များကို ပြောကြားခဲ့သည်။ အစိုးရသစ်လက်ထက်တွင် ဌာနဆိုင်ရာ ထိပ်တန်းတာဝန်ရှိသူ အသီးသီးက အားနည်းချက်ကို လက်ရှိ အခြေအနေမှန်အတိုင်း ထုတ်ဖော်ပြောဆိုလာကြခြင်းက အလားအလာကောင်းများဖြစ်သည်။
တစ်ဆက်တည်းမှာပင် မြန်မာအစိုးရသည် စီးပွားရေးဖွံ့ဖြိုးတိုးတက်မှုအတွက် နိုင်ငံတကာ အဖွဲ့အစည်းများနှင့် စေတနာရှင် နိုင်ငံများ၏ အကြံပေးချက်များအတိုင်း ဆောင်ရွက်လာသည်ဟု ယူဆနိုင်သည့် လုပ်ဆောင်မှုအချို့ကို ဆောင်ရွက်လာသည်။ မြန်မာနိုင်ငံ ငွေချေးသက်သေခံ လက်မှတ်လုပ်ငန်းနှင့် ကမ္ဘာ့ဘဏ်အုပ်စု အဖွဲ့ဝင်ဖြစ်သည့် အပြည်ပြည်ဆိုင်ရာ စီးပွားရေးကော်ပိုရေးရှင်းတို့အကြား မြန်မာနိုင်ငံအတွင်း စီးပွားရေးလုပ်ငန်းများ၏ စီမံအုပ်ချုပ်မှု စည်းမျဉ်းစည်းကမ်းများ နှင့် ဘဏ္ဍာရေး ၀န်ကြီးဌာနသည် ငွေကြေးတည်ငြိမ်ရေးအတွက် ကော်မတီတစ်ရပ်ဖွဲ့စည်းပြီး ကာလတိုလုပ်ငန်း ၁၈ ချက် ကာလရှည်လုပ်ငန်း ၁၀ ချက်ဖြင့် ဆောင်ရွက်နေကြောင်း စီမံကိန်းနှင့် ဘဏ္ဍာရေးဒုဝန်ကြီးဖြစ်သူက ပြောဆိုထားသည်။
အစိုးရအနေဖြင့် စတင်တာဝန်ယူစဉ်ကပင် မလိုအပ်သော ၀န်ထုပ်ဝန်ပိုးများနှင့် အသုံးစရိတ်များကို လျှော့ချနိုင်ရေးအတွက် ရည်ရွယ်ကာ ယခင်က ရှိနှင့်ပြီးဖြစ်သည့် များပြားလှသော ၀န်ကြီးဌာနများကို လျှော့ချခြင်း၊ တာဝန်ရှိသူများ၏ ခရီးစဉ်များတွင် သွားလာစရိတ်၊ ဧည့်ခံစရိတ်များ အပိုဖြုန်းတီးခြင်း မပြုရန် လမ်းညွှန်ခြင်း၊ နိုင်ငံတော်အဆင့် ဧည့်သည်များကိုပင် ရိုးရာအစားအသောက်များဖြင့် ဧည့်ခံခြင်း အစရှိသည့် ပြည်ထောင်စုလွှတ်တော်သည် စီးပွားရေး တွက်ခြေမကိုက်တော့သည့် စီမံကိန်းအများအပြားကို ရပ်ဆိုင်းပစ်ရန် အတည်ပြုပေးခဲ့သည်။ အရေးကြီးသည့် လုပ်ငန်းများမှလွဲ၍ နိုင်ငံတော်ပိုင် စက်ရုံအလုပ်ရုံများကို ပြည်တွင်းပြည်ပ လုပ်ငန်းရှင်များသို့ သုံးလနှင့် ခြောက်လအတွင်း လွှဲပြောင်းပေးရန် ဆောင်ရွက်နေသည်ဟု သတင်းများက ဆိုကြသည်။ ဘဏ္ဍာရေးဝန်ကြီးက အစိုးရသည် နိုင်ငံတော်တိုးတက်ရေးအတွက် လိုအပ်သော လုပ်ထုံးလုပ်နည်း စည်းမျဉ်းဥပဒေများကိုပြဋ္ဌာန်းရန်နှင့် ပြဋ္ဌာန်းထားသော ဥပဒေများကို တရားဥပဒေနှင့်အညီ လိုအပ်သလို ပံ့ပိုးဆောင်ရွက်ပေးရန်သာ လိုကြောင်း အစိုးရက စီးပွားရေး တကယ်လုပ်တတ်သော လုပ်ငန်းရှင်များကို လွှဲပြောင်းပေးမည်ဟု ဆိုသည်။ ထို့အပြင် ၀န်ကြီးက မြန်မာနိုင်ငံ ရင်းနှီးမြှုပ်နှံမှုဥပဒေနှင့်အတူ နည်းဥပဒေ လုပ်ထုံးလုပ်နည်းများ မကြာမီပေါ်ထွက်လာမည်ဖြစ်ပြီး မျှတမှန်ကန်စွာ လုပ်ကိုင်ခွင့် ပေးထားမည်ဟု ဆိုသည်။
သူက လာမည့် ၂၀၁၈-၂၀၁၉ ဘဏ္ဍာနှစ်သည် မြန်မာနိုင်ငံ၏ စီးပွားရေး ဖွံ့ဖြိုးတိုးတက်ရန် အဓိက တာထွက်ရမည့် နှစ်ဖြစ်သည်ဟုလည်း ဆိုလိုက်သည်။ ရင်းနှီးမြှုပ်နှံမှုကော်မရှင် အတွင်းရေးမှူးကလည်း မြန်မာနိုင်ငံကုမ္ပဏီများ ဥပဒေကို ပြင်ဆင်ရေးဆွဲနေပြီး ပြဋ္ဌာန်းပြီးသည့်အခါ ကုမ္ပဏီများ တည်ထောင်ရာတွင် ပိုမိုလွယ်ကူလာပြီး ကုန်ကျစရိတ်များ သက်သာလာမည်ဟုပင် ဆိုသည်။ အင်န်အယ်လ်ဒီ အစိုးရသည်
ယခင်အစိုးရက လျာထားခဲ့သော ဘတ်ဂျက်အသုံးစရိတ်နှင့်အတူ လုပ်ရကိုင်ရခက်လှသော ဥပဒေများ အမွေခံခဲ့ရသဖြင့် ပြုပြင်ပြောင်းလဲရေး လုပ်ငန်းစဉ်များ နှောင့်နှေးနေရကြောင်း ပြောဆိုထားရာ လိုအပ်သည့်ပြင်ဆင်မှုများ ပြုလုပ်ပြီးဖြစ်သည့် လာမည့်ဘဏ္ဍာနှစ်တွင် အပြောနှင့်အလုပ် ညီ မညီကို စောင့်ကြည့်ရမည်ဖြစ်သည်။
သို့သော်လည်း အစိုးရ၏ စီးပွားရေးပြု ပြင်ပြောင်းလဲမှု လုပ်ငန်းများမှာ အများမျှော်လင့်တကြီး ဖြစ်နေကြသည့် ရလဒ်ကောင်းများ လတ်တလောအခြေအနေတွင် ဖြုန်းခနဲပေါ်ထွက်လာစရာ အခြေအနေများ ရှိမနေသေးစေကာမူ နိုင်ငံတကာက အကောင်းမြင်သုံးသပ်နေကြသည်။
မြန်မာနိုင်ငံ၏ အောင်မြင်သည့် သံတမန် ဆက်ဆံရေးသည် အာဆီယံအတွက် အလွန်ပင်အရေးကြီးကြောင်း အာဆီယံအတွင်းရေးမှူးချုပ်ဟောင်း မစ္စတာဆူရင်ပစ်ဆူဝမ်က ဝေဖန်လိုက်ပြီး မြန်မာနိုင်ငံအနေဖြင့် မိမိကုန်သွယ်ရေးစနစ်၏ တံခါးဖွင့်ဝါဒကို ဆက်လက်ကျင့်သုံးပြီး အခြားဆာဆီယံ နိုင်ငံများကိုလည်း သြဇာလွှမ်းမိုးသင့်ကြောင်း တိုက်တွန်းလိုက်သည်။ ထို့ပြင် နိုင်ငံပေါင်း ၁၅၅ နိုင်ငံပါဝင်သော ကမ္ဘာ့ပျော်ရွှင်ဖွယ်ရာ အကောင်းဆုံးနိုင်ငံများညွှန်းကိန်းတွင် ယခင်ကထက်မြင့်သော အဆင့် ၁၄၄ ၌ ရှိလာသည်။ ထိုသို့သတ်မှတ်ရာတွင် စီးပွားရေး အခြေအနေကိုလည်း ထည့်သွင်း တွက်ချက်ထားခြင်း ဖြစ်သည်။ ကမ္ဘာ့ဘဏ်ကလည်း စီးပွားရေး အမြန်ဆုံးတိုးတက်လာမည့် နိုင်ငံ ၁၃ နိုင်ငံ တွင် မြန်မာနိုင်ငံကိုပါ ထည့်သွင်းထားသည်ို တွေ့လာရသည်။
တိုင်းပြည်တစ်ပြည်၏ တိုးတက်မှုမှာ ဒီမိုကရေစီသို့ ကူးပြောင်းလိုက်ပြီး ဈေးကွက်စီးပွားရေးကို အကောင်အထည်ဖော်ရုံမျှဖြင့် ပြီးမြောက်အောင်မြင်နိုင်သည် မဟုတ်ဘဲ နိုင်ငံတကာမှ အကြံဥာဏ်များနှင့် သုံးသပ် ဖော်ပြချက်များက ပစ်ပယ်မရသည့်တိုင် လုံးလုံးမျက်စိမှိတ် ယုံကြည်ရသည်ဟုတော့ မဆိုနိုင်ပေ။ အဓိကမှာ အစိုးရ၏ အမြော်အမြင် တကြီးနှင့် ပညာပါပါ ဆောင်ရွက်နိုင်မှုနှင့်အတူ ပြည်သူလူထု၏ စိတ်ပါလက်ပါ လိုက်လံ ဆောင်ရွက်နိုင်မှု အရည်အသွေးများကလည်း လိုအပ်နေသည်ဖြစ်ရာ မြန်မာပြည်အတွက် မူကား ပြည်တွင်းငြိမ်းချမ်းရေးနှင့် လိုလိုလားလား ပူးပေါင်းပါဝင်မှု အစရှိသည်တို့ကိုပါ ထည့်သွင်း စဉ်းစားရဦးမည်ဖြစ်သည်။
Eleven Media Group
No comments:
Post a Comment