မေ ၇ရက် ၂၀၁၇
မောင်တောမြို့နယ် ဒုံးကုလား(တောင်)ကျေးရွာ၌ သစ်ကိုင်းများစုပုံထားပြီး မြေမြှုပ်ထားသည့် အမျိုးသားအလောင်းတစ်လောင်းအားတွေ့ရှိခဲ့သည်။
အမျိုးသားအလောင်းတစ်လောင်းမြေမြှုပ်ထားကြောင်းသတင်းအရ မေ ၆ရက် ညနေ ၃နာရီခွဲတွင် ကြိမ်ချောင်းရဲစခန်းမှ လုံခြုံရေးတပ်ဖွဲ့ဝင်များသည် ဒုံးကုလား(တောင်)ကျေးရွာသို့ သွားရောက်စစ်ဆေးရာ သစ်ကိုင်းများစုပုံထားပြီး အနက်၎ပေ ၅လက်မခန့် ကျင်းတူးမြှုပ်ထားသော ပိတ်ဖြူဖြင့်ပတ်ထားသည့် အသက် ၃၅ နှစ်ခန့်ရှိ အမျိုးသားအလောင်းတစ်လောင်းအား တွေ့ရှိခဲ့သည်။
အဆိုပါအလောင်းတွင် ရင်ညွှန့်ဖောက်ဝင်ဒဏ်ရာ ၃ချက် (စိစစ်ဆဲ)၊ ဝဲလက်ဖျံစုတ်ပြဲဒဏ်ရာများတွေ့ရှိသဖြင့် ညနေ ၆နာရီ၄၅မိနစ်တွင် မောင်တော ပြည်သူ့ဆေးရုံသို့ပို့အပ်ခဲ့ပြီး သေဆုံးသူအား သိရှိနိုင်ရေး စုံစမ်းလျက်ရှိကြောင်း သိရသည်။
(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom
No comments:
Post a Comment