မိန်းမ နဲ့ အိမ်ထောင်ရေး

မိန်းမ နဲ့ အိမ်ထောင်ရေး

အိမ်ထောင်ရေးနဲ့ပတ်သက်လို့ ကျွန်မ လက်ခံလို့မရတဲ့
အယူအဆတွေ ရှိပါတယ်။

အိမ်ထောင်ရှင်မဆိုတာ အိမ်ရဲ့အရှင်သခင်မ၊ အိမ်ကို အုပ်စုိုးရတဲ့သူ လို့ဆိုကြတယ်။ဒါကြောင့်မိန်းမဘ၀ရဲ့ တန်ဖိုးဟာ သူ့ရဲ့အိမ်ထောင်ရေးပဲလို့လည်း လက်ခံထားကြသူတွေရှိတယ်။  ကျွန်မအနေနဲ့တော့ ဒါကို အပြည့်အ၀ လက်ခံဖို့ ခက်တယ်ဆိုတာလည်း ပြောချင်ပါသေးတယ်။

အမျိုးသမီးတွေဟာ အိမ်ကို စီမံခန့်ခွဲချင်တယ်၊ အိမ်ရဲ့သာယာမှုကို ဖန်တီးပေးချင်တယ်၊ ခင်ပွန်းရဲ့ပျော်ရွှင်မှုနဲ့သာယာမှုတွေကို ဖန်တီးပေးချင်တယ်၊ သားသမီးတွေကို အကောင်းဆုံးသူတွေ ဖြစ်လာအောင် ပျိုးထောင်ပေးချင်တယ် ဆိုတာ မှန်ပါတယ်။ အိမ်ရှင်မတိုင်းမှာ ဒီလို အတွေးစိတ်ကူးဟာ အနည်းအများလိုက်သာ ကွာချင်ကွာမယ်၊ ရှိကြတာချည်းပါပဲ။

အဲလို အိမ်ရှင်မတစ်ယောက်ရဲ့ လိုလားချက်တွေနဲ့ဆန္ဒတွေကို ဖန်တီးနို်င်တဲ့အခါ စိတ်ချမ်းသာရတယ်။ အိမ်ကို ကိုယ့်ခြေကိုယ့်လက်နဲ့ စီမံခန့်ခွဲရခြင်းမှာ ဘယ်လောက်ပဲပင်ပန်းပါစေ မိသားစုက နှစ်သက်သဘောကျတယ်ဆိုရင် ကျေနပ်ပီတိဖြစ်ကြတယ်။

ခင်ပွန်းနဲ့သားသမီးတွေကလည်း ဇနီးနဲ့မိခင်ရဲ့ တန်ဖိုးကို  သိနားလည်ပြီးတော့ အိမ်ရှင်မတစ်ယောက်ရဲ့ အခန်းကဏ္ဍကို တန်ဖိုးထားပေးတယ်၊ နားလည်ပေးတယ် ဆိုရင် သိပ်ကို စိတ်ကျေနပ်စရာကောင်းပါတယ်။  အိမ်ထောင်ရှင်မ ဘ၀ဆိုတာ ကြည်နှူးစရာကောင်းတယ်။မိသားစု ဘ၀ဆိုတာ ချမ်းမြေ့ရတယ်ပေါ့။ ဒီလိုဆိုရင်တော့အိမ်ကို အုပ်စိုးတဲ့သခင်မလို့တောင် ဆိုနိုင်ပါသေးတယ်။

ဒါပေမဲ့ ဘ၀ဆိုတာ တစ်သတ်မတ်တည်း ရှိနေတာမှ မဟုတ်တာ။ အိမ်မှုကိစ္စတွေနဲ့မိသားစုအရေးဟာ ကုိုယ့်အရေးဖြစ်နေပေမဲ့ အရင်တုန်းကလို ကျေးဇူးတင်မခံရတာမျိုး၊ သားသမီးတွေကလည်း နားလည်မပေးတော့တာမျိုး။ ခင်ပွန်းသည်ကလည်း ကိုယ့်ကို အရင်တုန်းကလို အရေးပြီး၊ အခွင့်အရေးပေးပြီး ဂုဏ်ပြုတာမျိုးတွေ မလုပ်တော့တဲ့အခါမျိုးတွေလည်း ကြုံလာတတ်တာပါပဲ။

အဲလို အခြေအနေတစ်ခုကနေ အခြားအခြေအနေတစ်ခုကို ပြောင်းလဲလိုက်ခံလိုက်ရချိန်တိုင်းမှာ ကျွန်မတို့မိန်းမတွေရဲ့ စိတ်ပိုင်းဆိုင်ရာနဲ့ရုပ်ပိုင်းဆိုင်ရာ ပြောင်းလဲမှုဟာ ပြောင်းလဲတော့တာပါပဲ။

အမျိုးသားတွေနဲ့အမျိုးသမီးတွေရဲ့ကွာခြားချက်က အခြေအနေပြောင်းလဲခြင်းအပေါ်မှာလည်း လိုက်ပါ ပြောင်းလဲလေ့ရှိတာပါပဲ။ အမျိုးသားတစ်ယောက်ရဲ့ ဘ၀ရည်းမှန်းချက် ပန်းတိုင်ဟာ အိမ်ထောင်ရေး၊ သို့မဟုတ် အိမ်တွင်းသာယာချမ်းမြေ့မှုမဟုတ်ပါဘူး။

အမျိုးသားဟာ အိမ်ထောင်ပြုလုပ်တယ်ဆိုပေမဲ့ သူ့ရဲ့မျှော်လင့်ချက်နဲ့ပန်းတိုင်ဟာ ရပ်တန့်မသွားပါဘူး။ အခြေအနေနဲ့ အသက်အရွယ်အလိုက် အမြဲတမ်းပြောင်းလဲနေတုန်းပါပဲ။
အမျိုးသမီးတွေကတော့သူတို့ရဲ့မွေးကာလကတည်းက ပတ်ဝန်းကျင်က စေ့ဆော်ပေးတဲ့ ပန်းတိုင်ကတော့လင်ကောင်းသားကောင်း ရရှိရေးပါပဲ။

“နင့်သမီးအတွက် ဘာမျှော်လင့်ချင်တာလဲ  လင်ကောင်းကောင်းသာ ရှာပေးစားလိုက်၊ သူ့ဘ၀ ကောင်းစားသွားလိမ့်မယ်“ ဆိုတဲ့ စကားမျိုးတွေဟာ သမီးမိန်းကလေးရှိတဲ့သူတွေထံမှာ ပျဲံ့ဝဲနေတာပဲ။

ထက်မြက်ပြီး ပညာတတ်ရင် ယောင်္ကျားကောင်းကောင်း မရတတ်ဘူး ဆိုတဲ့အယူအဆ အမှားကိုတောင် လက်ခံနေတဲ့လူ့ အသို်ငးအ၀ိုင်းရှိနေဆဲပါ။

ဒါကြောင့် လင်ကို မှီခိုဖို့ယူတဲ မိန်းမပဲဖြစ်ဖြစ်၊ လင်ကို ချစ်လို့လက်ထပ်တဲ့မိန်းမပဲဖြစ်ဖြစ် အိမ်ထောင်ကျပြီဆိုတာနဲ့ဒုတိယ ပန်းတိုင်ကတော့သားသမီးကောင်း ရရှိရေးနဲ့သားသမီးကောင်း မွေးမြူပြုစုရေး ဖြစ်ပါပြီ။ အဲဒီထဲမှာ အိမ်ထောင်သာယာချမ်းမြေ့ရေးဆိုတာကလည်း ရေရှည်မျှော်မှန်းချက် ပန်းတိုင်အနေနဲ့ ပါဝင်တော့တာပါပဲ။

ဒီနေရာမှာ အိမ်ထောင်ရှင်မ စစ်စစ်တွေကတော့အိမ်ထောင်သာယာချမ်းမြေ့ရေးက တကယ့်ပန်းတိုင်အနေနဲ့တည်ရှိနေပါလိမ့်မယ်။

အိမ်မှုကိစ္စတွေနဲ့ပဲ အချိန်ကုန်နေရတဲက အိမ်ရှင်မတွေမှာတော့ကိုယ်ပိုင်ဘ၀နဲ့ လွတ်လပ်ခွင့်မရှိဘဲ ဖြစ်လာတတ်တယ်။ နေ့စဉ် စားရေးသောက်ရေး ကစ အိမ်သာယာရေးအဆုံးထဲ ပျော်ဝင်သွားပြီး အိမ်ရှင်မဟာ သာယာချမ်းမြေ့တဲ့ကမ္ဘာတစ်ခုကို တည်ဆောက်တော့တယ်။

 အမျိုးသားတွေအတွက်ကတော့ အိမ်တွင်းမှာ အိမ်ရှင်မ သာယာချမ်းမြေ့စွာ တည်ဆောက်ပေးနိုင်တယ်ဆိုဦး ခင်ပွန်းသည်အတွက် ငြီးငွေ့စရာလည်း ဖြစ်လာတတ်တယ်။ လင်မယားသွေးဆူတုန်း အချိန်က လွဲလို့ကျန်အချိန်တွေမှာ ငြီးငွေ့စရာဖြစ်လာတယ်။ ကမ္ဘာသစ်တစ်ခုကို စူးစမ်းချင်စိတ်ရှိတယ်။ အဲဒါကြောင့်အိမ်အပြင်အိမ်အပြင်မှာနေသာဖို့ ဆွဲဆောင်တဲ့ အပေါင်းအသင်းဆိုတာကိုလည်း တောင့်တ စဉ်းစားလာတတ်ကြတယ်။

ကလေးတွေ သားသမီးတွေကတော့ အဖေ့ထက်ပိုဆိုးပါတယ်။ သူတို့အဖို့ကတော့ အိမ်အပြင်ဘက် လောကကြီးထဲကို ထွက်ပြေးချင်တယ်။ သူတို့အဖို့ဘ၀ဆုိုတာ အခန်းထဲမှာ မရှိဘူး၊ အိမ်ထဲမှာ မရှိဘူး။ အပြင်မှာ ရှိတာကိုး။

အိမ်ရှင်မကကတော့ အိမ်ထဲကို သာယာအောင်တည်ဆောက်ထားတယ် အိမ်ထဲမှာ ပြောင်းလဲခြင်းမရှိတဲ့ကမ္ဘာတစ်ခု ရှိတယ်။ ခင်ပွန်းနဲ့ ကလေးတွေက ဒီကမ္ဘာဟာ ငြီးငွေ့စရာဖြစ်လာတယ်။ အိမ်ရှင်မ ဖန်တီးသမျှဟာ အကောင်းဆုံးတွေ ဖြစ်ရင်တောင်မှ သိပ်မကောင်းတာတွေ တွေ့ချင်တယ်။ မြင်ချင်တယ်။ သုံးကြည့်ချင်တယ်။

အဲဒါကို သိလာတဲ့အခါ ခင်ပွန်းသည်နဲ့သားသမီးတွေရဲ့ မျှော်လင့်နေတဲ့ အပြင်ကမ္ဘာတစ်ခုလို့သိလိုက်ရတဲ့အခါ အဲဒီအိမ်ရှင်မရဲ့စိတ်ဟာ ပြောင်းလဲသွားတယ်။အေးချမ်းပြီး စကားနည်းတဲ့ဇနီးအဖြစ်ကနေ အပြစ်ရှာတတ်ပြီး စကားများတတ်တဲ့ ဇနီးဖြစ်လာတော့တယ်။ နွေးထွေးပြီး သိမ်မွေ့နှူံးညံ့တဲ့အမေက ခက်ထန်ပြီး မာကျောတဲ့အမေမျိုးဖြစ်လာတော့တယ်။

ဒီနည်းအားဖြင့် မိန်းမတွေဟာ တစ်ဖန်ပြောင်းလဲရပြန်ပါတယ်။ အထူးသဖြင့် ဘ၀တစ်ခုတည်းမှာပဲ ရှင်သန်ကြရတဲ့ မိန်းမတွေမှာတော့ဒီအချိန်ဟာ ပြောင်းလဲသွားတဲ့အချိန်ပါပဲ။
အဲဒီအပြောင်းအလဲကို ရင်ဆိုင်ဖြတ်ကျော်နိုင်တဲ့အမျိုးသမီးတွေရှိပါတယ်။ မိသားစုဆိုတဲ့အာရုံတစ်ခုကနေ အခြားအာရုံတစ်ခုကို ပြောင်းလဲပေးလို်က်ခြင်းအားဖြင့် အဆင်ပြေသွားကြတာတွေလည်း ရှိတယ်။

အသက်အရွယ်အားဖြင့်လည်း ထိန်းသိမ်းနို်င်တဲ့အရွယ်နဲ့အတွေ့အကြုံရှိသူတွေကတော့ဒီသဘောတရားကို နားလည်ပြီး ကိုယ့်ရဲ့စိတ်ကို ပြန်ဆုံးမတာမျိုး၊ တုန့်ပြန်မှုကို အစွမ်းမရောက်စေတာမျိုးတွေနဲထိန်းသိမ်းကြပါတယ်။

ဒါဆိုရင်တော့ ခင်ပွန်းနဲ့သားသမီးတွေအပေါ် နားလည်ပေးတဲ့သူအဖြစ် ပြောင်းလဲရပြန်တာပါပဲ။

ဒီလိုအခြေအနေကို အိမ်ရှင်မတွေထက်၊ လုပ်ငန်းခွင်ထဲက အမျိုးသမီးတွေက ပိုပြီး ငြင်သာစွာ ကျော်ဖြတ်ရင်ဆိုင်နိုင်ကြပါတယ်။ ဘာကြောင့်လဲ ဆိုတော့သူတို့ရဲ့ ဘ၀မှာ လင်နဲ့သား အပြင် အခြား စိတ်ဝင်စားစရာ လုပ်ငန်းတစ်ခုခု ရှိနေတာကိုး။ ဒါကြောင့်သူတို့အဖို့အာရုံတစ်ခုကနေ အခြားအာရုံတစ်ခုကို ပြောင်းလိုက်ရုံပါပဲ။

အမျိုးသမီးဘ၀၊ ဇနီးမယားဘ၀၊အိမ်ရှင်မဘ၀၊ မိခင်ဘ၀ဆိုတာ ငွေကြေးပြည့်စုံတယ်ဆိုရင်တောင်မှ အခြားလိုအပ်ချက်တွေက အများကြီး ရှိနိုင်တဲ့ ဘ၀မျိုးပါ။ အဲဒါကြောင့်အခြေအနေရပဲ ဆိုဆို ဘာကြောင့်ပဲ ဖြစ်ဖြစ် ပြောင်းလဲသွားတဲ့အချိ်န်တိုင်းမှာ လိုက်ပါ ပြောင်းလဲရတာက ကျွန်မတို့မိန်းမသားတွေပါပဲ။

ဒါကြောင့် ဘယ်လိုပြောင်းလဲမှုမျိုးကိုမဆို ကျမတို့မိန်းမတွေက လက်ခံကြရပါတော့တယ်
မတူတဲ့အမြင်တွေကိုဆွေးနွေးဖို့ ဖိတ်ခေါ်ပါတယ်။
မေသင်္ကြန်ဟိန်(မြစ်မခ)