အကောင်းအဆိုး ရောပြွမ်းနေသည့် ဒေါ်အောင်ဆန်းစုကြည်၏ ဥရောပခရီးစဉ်

အကောင်းအဆိုး ရောပြွမ်းနေသည့် ဒေါ်အောင်ဆန်းစုကြည်၏
ဥရောပခရီးစဉ်

ဒေါ်အောင်ဆန်းစုကြည်၏ ဥရောပခရီးစဉ်သည် ဗြိတိန်ဘုရင်မကြီး၊ ပုပ်ရဟန်းမင်းကြီးတို့နှင့် တွေ့ဆုံမှုများဖြင့် ကမ္ဘာ့အသိုင်းအဝိုင်း၌ ၎င်း၏ပုဂ္ဂိုလ်ရေးသြဇာ ကြီးမားဆဲဖြစ်ကြောင်း မြင်သာခဲ့ သလို ရခိုင်ပြည်နယ်ပဋိပက္ခအရိပ် မည်း လွှမ်းမိုးခံခဲ့ရသောခရီးလည်း ဖြစ်ခဲ့သည်။ ဘယ်လ်ဂျီယံ၊ အီတလီ၊ ဗြိတိန် ဥရောပသုံးနိုင်ငံစလုံးက မြန်မာ့အသွင်ကူးပြောင်းမှုကာလ ရင်ဆိုင်နေရသော အခက်အခဲများ အောင်မြင်ရေး၊ မြန်မာနိုင်ငံတွင် ဆောင်ရွက်နေသည့် အမျိုးသား ပြန်လည်သင့်မြတ်ရေးနှင့် ငြိမ်း ချမ်းရေးဖော်ဆောင်မှုလုပ်ငန်းစဉ် များတွင် ကူညီထောက်ပံ့ရေး၊ ရခိုင်ပြည်နယ်တွင် တည်ငြိမ်အေးချမ်း မှုနှင့် ဖွံ့ဖြိုးတိုးတက်မှုမြှင့်တင်ရေး အတွက် ကြိုးပမ်းဆောင်ရွက်နေမှု များဆွေးနွေးခဲ့သည်။ ရေအရင်း အမြစ်စီမံခန့်ခွဲမှုတွင် ဘယ်လ်ဂျီယံက ကူညီရန်နှင့် ပညာရေး၊ ကျန်းမာရေးကဏ္ဍ၌ ဗြိတိန်က ကူညီရန် ဆွေးနွေးခဲ့သည်။ ထိုနှစ်နိုင်ငံစလုံးက မြန်မာနိုင်ငံရဲတပ်ဖွဲ့စွမ်း ဆောင်ရည်မြှင့်တင်ရေးအတွက် အကူအညီပေးရန် ဆွေးနွေးခဲ့၏။ အီတလီလွှတ်တော်တွင်  မိန့်ခွန်းပြောပြီးနောက် နှစ်နိုင်ငံယဉ်ကျေး မှု၊ စိုက်ပျိုးရေး၊ စီးပွားရေးနှင့် ရင်းနှီးမြှုပ်နှံမှုကဏ္ဍများတွင် ပူးပေါင်းဆောင်ရွက်မှု တိုးမြှင့်ရန် ဆွေးနွေးခဲ့သည်။ အကူအညီများ နှင့်ပတ်သက်၍ အတိအကျ အသေးစိတ်ထုတ်ပြန်မှုမရှိသေးပေ။

ဒေါ်အောင်ဆန်းစုကြည်သည် သုံးနိုင်ငံခရီးစဉ်အဖွင့် ဥရောပသမဂ္ဂဌာနချုပ် ဘရပ်ဆဲလ်တွင် ရခိုင်ပြည်နယ်ရှိ လူ့အခွင့်အရေး ချိုးဖောက်မှုဆိုင်ရာ စွပ်စွဲချက်များ နှင့်ပတ်သက်၍ မေးခွန်းထုတ်ခံရပြီး ခရီးစဉ်နောက်ဆုံးပိတ် လန်ဒန် တွင်လည်း ထိုအရေးကြောင့်ပင် ဆန္ဒပြခံခဲ့ရသည်။ ဥရောပသမဂ္ဂသည် နိုင်ငံတကာအချက်အလက် ရှာဖွေရေးမစ်ရှင်တစ်ခု မြန်မာသို့ စေလွှတ်ရန် ဆိုသည့်အချက်အပါအဝင် ယခုနှစ်၏မြန်မာနိုင်ငံဆိုင်ရာ ကုလသမဂ္ဂဆုံးဖြတ်ချက်ကို ဦးဆောင်ရေးဆွဲခဲ့သူဖြစ်သည်။ ထိုကုလဆုံးဖြတ်ချက်ကို မြန်မာအစိုးရအနေဖြင့် လက်မခံကြောင်း ငြင်း ပယ်ပြီးနောက် တစ်လကျော်အ ကြာတွင် ဥရောပသမဂ္ဂဌာနချုပ် ရောက် ဒေါ်အောင်ဆန်းစုကြည်ကိုယ်တိုင် ထပ်လောင်းငြင်းပယ်ခဲ့၏။

‘‘လွတ်လပ်တဲ့ နိုင်ငံတကာ အချက်အလက်ရှာဖွေရေးမစ်ရှင် တစ်ခုစေလွှတ်ဖို့ လူ့အခွင့်အရေး ကောင်စီရဲ့ ဆုံးဖြတ်ချက်ဟာ ကျွန်မတို့(မြန်မာနဲ့ ဥရောပသမဂ္ဂ)အ ကြားမှာ သဘောတူညီမှုမရှိကြတဲ့ ကိစ္စရပ်အနည်းငယ်ထဲက တစ်ခု ပါပဲ’’ဟု ဥရောပသမဂ္ဂ၏နိုင်ငံခြား ရေးနှင့်မူဝါဒရေးရာ အကြီးအကဲ နှင့် ဥရောပကော်မရှင် ဒုဥက္ကဋ္ဌ မစ္စဖယ်ဒယ်ရီကာ မိုဂါရီနီက ပြော ကြားသည်။

ရခိုင်အရေးစုံစမ်းစစ်ဆေးမှု နှင့်ပတ်သက်၍ မြန်မာနှင့် ဥရောပ သမဂ္ဂအကြား ယခုအချိန်ထိ သ ဘောတူညီမှုမရှိသေးသော်လည်း ယင်းနှင့်ပတ်သက်သော သဘော ထားအသီးသီးကို ပွင့်ပွင့်လင်း လင်းမျက်နှာချင်းဆိုင်ထိုင် ဆွေး နွေးနိုင်သည်အထိ ကောင်းမွန် သော ဆက်ဆံရေးရှိသည့်မိတ်ဆွေ များဟု ပူးတွဲသတင်းစာရှင်းလင်းပွဲ တွင် နိုင်ငံတော်၏ အတိုင်ပင်ခံ ပုဂ္ဂိုလ်က ပြောသည်။

‘‘ရခိုင်ဒေသရဲ့ အမှန်တကယ်လိုအပ်ချက် လိုက်လျောညီထွေတဲ့ အကြံပြုချက်တွေကို ကျွန်မတို့ ဝမ်းပန်းတသာကြိုဆိုမှာပါ။ ဒါပေမဲ့ ရခိုင်ပြည်နယ်က အသိုင်းအဝိုင်း နှစ်ခုကို ထပ်ပြီး အကွဲအပြဲဖြစ်စေမယ့် အကြံပြုချက်တွေကိုတော့ ကျွန်မတို့လက်ခံမှာမဟုတ်ပါဘူး။ ဘာဖြစ်လို့လဲဆိုတော့ တစ်ချိန်လုံး တက်နေတဲ့ ပြဿနာတွေကို ဖြေ ရှင်းရာမှာ အဲဒါတွေက ကူညီရာ ရောက်မှာမဟုတ်လို့ပါပဲ’’ဟု ဒေါ်အောင်ဆန်းစုကြည်က ပြောကြား သည်။

ဒေါက်တာကိုဖီအာနန်ကော်မရှင်၏ အကြံပေးချက်များမှာ လက်တွေ့အမှန်တကယ်လိုအပ် ချက်များနှင့်ကိုက်ညီ၍ အစိုးရအနေဖြင့် ထိုအကြံပြုချက်များကို အပြည့်အဝလက်ခံအကောင်အ ထည်ဖော်မည်ဟု ဆိုသည်။ ပဋိ ပက္ခဒေသသို့ သတင်းမီဒီယာများ ဝင်ရောက်သတင်းယူခွင့်ပေးရေး ဆိုသော အာနန်ကော်မရှင်အကြုံ ချက်များအနက် တစ်ချက်အတိုင်း အစိုးရက ခွင့်ပြုနိုင်မှုရှိ၊ မရှိ မေးမြန်းရာ ဒေါ်အောင်ဆန်းစုကြည်က ၂၀၁၆ ဒီဇင်ဘာနှင့် ၂၀၁၇ မတ်လက သတင်းထောက်များအဖွဲ့ သွားရောက်သတင်းယူစဉ် အင်တာဗျူးဖြေခဲ့သော ဒေသခံအချို့ကို အစွန်းရောက်အုပ်စုများက ခေါင်းဖြတ်သတ်ခဲ့သော ဖြစ်စဉ်ကို ထောက်ပြပြီး အန္တရာယ်ကြီးမား ကြောင်း ဖြေကြားခဲ့သည်။ ဒုသမ္မတဦးဆောင်သော မောင်တောစုံ စမ်းစစ်ရေးကော်မရှင်က စုံစမ်းစစ်ဆေးနေကြောင်းလည်း ကာကွယ်ပြောကြားခဲ့၏။

တစ်ဖက်တွင်လည်း မစ္စတာအာနန်ဦးဆောင်သော အကြံပေး ကော်မရှင်ကို ရခိုင်ရှိ လူမှုရေး၊ စီး ပွားရေး၊ လူနေမှုဘဝတိုးတက်ရေး တို့အတွက် အစိုးရဆောင်ရွက်နိုင် မည့် အကြံများ တင်သွင်းရန် ဖွဲ့ စည်းခဲ့ခြင်းသာဖြစ်ပြီး ကော်မရှင်အနေဖြင့် လူ့အခွင့်အရေးချိုး ဖောက်မှုများကို စုံစမ်းစစ်ဆေးရန် လုပ်ပိုင်ခွင့်မရှိခြင်းကို နိုင်ငံတကာ က ထောက်ပြသည်။

ဗာတီကန်နှင့်သံခင်းတမန်ခင်း

ပြီးခဲ့သည့်မတ်လက ပြည်ထောင်စုလွှတ်တော်တွင် ဗာတီကန်နှင့် သံတမန်ဆက်ဆံရေးထူထောင်ရန် သဘောတူညီပြီးဖြစ်၍ ယခုခရီးစဉ်အတွင်း မြန်မာနှင့် ခရစ်ယာန်သာသနာပိုင် ပုပ်ရဟန်းမင်းကြီး၏ဗာတီကန်မြို့ပြနိုင်ငံအ ကြား သံတမန်ဆက်ဆံရေးစတင်ထူထောင်ကြောင်း ကြေညာသည်။ ယခင်က မြန်မာနှင့် ဗာတီကန်ကြားတွင် သံတမန်အဆက်အသွယ်တိုက်ရိုက်မရှိခဲ့ဘဲ ထိုင်းအခြေစိုက် ဗာတီကန်ကိုယ်စားလှယ်မှ တစ်ဆင့်သာ ကိုယ်စားပြုမှုရှိခဲ့သည်။

‘‘လက်ရှိ မြန်မာက ဘာသာ ရေးဆိုင်ရာ ပဋိပက္ခရင်ဆိုင်နေရချိန်မှာ ဗာတီကန်နဲ့ သံတမန်ဆက်ဆံရေးထူထောင်တာကြောင့် ဗုဒ္ဓဘာသာနဲ့ ခရစ်ယာန်ကြားမှာ ဘာသာရေးဆိုင်ရာ ငြိမ်းချမ်းစွာအတူ တကွယှဉ်တွဲနေထိုင်မှုဆိုတဲ့သ ဘောမျိုးလည်း ပြသရာ ရောက်တာပေါ့’’ဟု မြန်မာနိုင်ငံတွင် တာဝန်ထမ်းဆောင်နေသော အင်အား ကြီးနိုင်ငံတစ်ခုမှ အမည်မဖော်လိုသည့် သံတမန်က ပြောသည်။

ပုပ်ရဟန်းမင်းကြီး ဖရန်စစ်သည် မြန်မာနိုင်ငံ၌ ဘင်္ဂါလီ(ရို ဟင်ဂျာ)မွတ်စလင်များသည် ၎င်းတို့၏ယဉ်ကျေးမှုနှင့် မွတ်စလင် ယုံကြည်မှုအတိုင်း နေထိုင်လိုမှု သက်သက်ကြောင့် နှိပ်စက်ညှဉ်း ပန်းသတ်ဖြတ်ခံနေရကြောင်း ဖေဖော်ဝါရီလက ဗာတီကန်တွင် ပြု လုပ်ခဲ့သော ဝတ်ပြုဆုတောင်းပွဲ၌ ပြောကြားခဲ့ဖူးပြီး ၎င်းတို့အတွက် ဆုတောင်းပေးမှုပြုလုပ်ခဲ့သည်။ ဗာတီကန်သည် မြန်မာ၏ သံတမန်အဆက်အသွယ်ထူထောင်ပြီးသော ၁၈၈ နိုင်ငံမြောက်ဖြစ်လာပြီး ရန်ကုန်တွင် ဗာတီကန်၏အထူး အာဏာကုန် လွှဲပြောင်းခြင်းခံရသော အမြဲတမ်း သံတမန်ကိုယ်စားလှယ်တစ်ဦးခန့်အပ်ထားရှိ၍ ဗာတီကန်၌လည်း မြန်မာသံရုံးတစ်ရုံးဖွင့်လှစ်မည် ဖြစ်သည်။

‘‘သံတမန်ရေး ဆိုတဲ့ အဓိပ္ပာယ်ဖွင့်ဆိုချက်ကို ကျွန်တော်တို့ ကြည့်မယ်ဆိုရင် ကိုယ့် နိုင်ငံရဲ့အမျိုးသားအကျိုးစီးပွားကို အမြင့်ဆုံးဖြစ်အောင် ချဲ့ထွင်တာ (Maximization of National Interest)ဖြစ်ပါတယ်။ နောက်တစ်ခုက ရန်လိုတဲ့ အနေအထား (Hostile Attitude) တွေကို တခြားညှိနှိုင်းဆွေးနွေးတဲ့ နည်းအားဖြင့် လျှော့ချ၊ အောင်မြင်မှုရယူနိုင်ရေးလည်း ပါဝင်ပါတယ်’’ဟု မဟာဗျူ ဟာနှင့် မူဝါဒလေ့လာရေးအဖွဲ့ (မြန်မာ) ဒါရိုက်တာတစ်ဦး ဖြစ်သည့် ဦးအောင်သူငြိမ်းက ပြောသည်။

‘‘အခုခရီးစဉ်ကို ကြည့်ရင် မြန်မာနိုင်ငံက စီးပွားရေးလုပ်ငန်းရှင်တွေ၊ ကုန်သည်ကြီးများအသင်းတွေ အတူပါသွားတာမတွေ့ရပါဘူး။ အဲဒီတော့ စီးပွားရေးတိုးချဲ့ဆောင်ရွက်ဖို့ နှစ်ဖက်ကုန်သွယ်မှုမြှင့်တင်ဖို့ ခရီးစဉ်တစ်ခုမဟုတ်ဘူးယူဆနိုင်ပါတယ်။ နောက်တစ်ခုက ဂျီနီဗာမှာရှိတဲ့ လူ့အခွင့်အရေးကော်မရှင်က တင်ပြထားတဲ့ ရိုဟင်ဂျာကိစ္စ မြန်မာပြည်မှာ အချက်အလက်ရှာဖွေရေးကော် မရှင်(Fact Finding Commission) ကိစ္စ ဒေါ်အောင်ဆန်းစုကြည်နဲ့ မြန်မာအစိုးရက ငြင်းပယ်ထားပါတယ်။ ဒီကိစ္စတွေ ဥရောပဘက်မှာ ထပ်ပြီးဆွေးနွေးညှိနှိုင်းခဲ့တဲ့ အနေအထားမတွေ့ရပါဘူး’’ဟု ၎င်းက ဆိုသည်။

တော်ဝင်မိသားစုဧည့်သည်

အသက်(၉၁)နှစ်အရွယ် ဗြိတိန်ဘုရင်မကြီး အဲလိဇဘက်-၂ နှင့် (၇၁)နှစ်အရွယ် ဒေါ်အောင်ဆန်းစုကြည်တို့သည် မေလ ၅ ရက်က ပထမဆုံးအကြိမ်တွေ့ဆုံခဲ့သည်။ ဘက်ကင်ဟမ်နန်းတော်တွင် ဗြိတိန်ဘုရင်မကြီး ဧည့်ခံသော နေ့လယ်စာစားပွဲ၌ နှစ်ဦးသားတွေ့ဆုံခဲ့ခြင်းဖြစ်သည်။  တွေ့ဆုံစဉ် ဘုရင်မကြီးနှင့်အတူ မင်း သားဝီလျံလည်း  ရှိနေသည်။

တစ်နေ့တည်းမှာပင် ဒေါ်အောင်ဆန်းစုကြည်သည် ဗြိတိန် အိမ်ရှေ့စံနန်းလျာ ဝေလမင်းသား ချားလ်စ်၊ ကြင်ရာတော် ကွန်းဝေါလ်မြို့စားကတော် ကမ်မီလာတို့နှင့်လည်း ကလဲရင့်စ်အိမ်တော်၌ တွေ့ဆုံခဲ့သည်။ ၎င်းနှင့် ဝေလမင်းသား ချားလ်စ်အကြား ယခုတွေ့ဆုံမှုသည် တတိယအကြိမ်မြောက်ဖြစ်ပြီး မင်းသားသည် ဒေါ်အောင်ဆန်းစုကြည်၏ ကွယ်လွန်သူခင်ပွန်းသည်နှင့်လည်း သိကျွမ်းသည်။

လှုပ်လှုပ်ခတ်ခတ် လန်ဒန်

ဇွန်လ ၈ ရက်တွင် ယူကေ၏ အထွေထွေရွေးကောက်ပွဲ ကျင်းပမည်ဖြစ်၍ ဝန်ကြီးချုပ် ထရီဆာမေ အပါအဝင် ယူကေနိုင်ငံရေးအသိုင်းအဝန်းသည် မဲဆွယ်စည်းရုံးရေးအစီအစဉ်များဖြင့် အလုပ်များနေပြီး ဒေါ်အောင်ဆန်းစုကြည် ခရီးစဉ်ကို ယခုကာလတွင် စီစဉ်ထားခြင်းကို အံ့သြကြောင်း အမည်မဖော်လိုသော ဒေါင်းနင်းလမ်း သတင်းရင်းမြစ်တစ်ဦးက ဆိုသည်။ ယခုဆောင်းပါးရေး သားနေချိန် မေလ ၈ ရက်ညအထိ ဒေါ်အောင်ဆန်းစုကြည်နှင့် ဝန်ကြီး ချုပ် မေတို့ တွေ့ဆုံရန် ရှိ၊ မရှိ အ တည်မပြုနိုင်သေးပေ။

ဒေါ်အောင်ဆန်းစုကြည်သည် ၂၀၁၆ စက်တင်ဘာက ဗြိတိန်နိုင်ငံသို့ အလည်အပတ် ရောက်ရှိပြီးနောက် ရှစ်လအကြာတွင် ထပ်မံရောက်ရှိခဲ့သည်။ ၎င်း ဗြိတိန်သို့ ရောက်ရှိနေသည့်အချိန် မှာပင် နိုင်ငံတကာ လွတ်ငြိမ်းချမ်း သာခွင့်အဖွဲ့ကြီး ယူကေ (AI UK) ကြေညာချက်တစ်စောင် ထုတ်ပြန်ခဲ့ပြီး ရခိုင်ပြည်နယ်တွင် တပ်မတော်၏ ချိုးဖောက်မှုများကို အဆုံးသတ်ရေး ဒေါ်အောင်ဆန်းစုကြည်ကို ယူကေအစိုးရက ဆက်လက်တိုက်တွန်းရမည်ဟု ဖော်ပြထားသည်။‘‘ကျွန်တော်တို့နှစ်နိုင်ငံရဲ့  ချစ်ကြည်ရင်းနှီးမှုဟာ လုံးဝဝေဖန်ပိုင်ခြားစဉ်းစားမှု မလုပ်တဲ့ရင်းနှီးမှုမျိုး မဖြစ်သင့်ဘူး။ ယူကေဟာ လိုအပ်တဲ့အခါ အထောက်အပံ့ပေး၊ အစိုးရသစ် ရင်ဆိုင်နေရတဲ့ စိန်ခေါ်မှုကို လေးစားမှုပေး၊ အခုအချိန်အထိ ဒီမိုကရေစီနဲ့ ငြိမ်းချမ်းရေးဆီသွားရာလမ်းမှာ မြန်မာကြိုးပမ်းထားတဲ့ အောင်မြင်မှုတွေကို လေးစားမှု ပေး၊ NLD ဦးဆောင်တဲ့ အစိုးရသစ်ရဲ့ တရားဝင်မှုကို လေးစာမှုပေးပေမယ့် အပြုသဘောဆောင်တဲ့ ဝေဖန်မှုနဲ့ အကြံဉာဏ်တွေကိုလည်း ပေးလိုစိတ်ရှိပြီး လူ့အခွင့်အရေးချိုးဖောက်မှုခံရတဲ့ မြန်မာပြည်သူတွေအတွက် လူသိရှင်ကြား ပွင့်ပွင့်လင်းလင်း ပြောပေးတတ်တဲ့ ဝေဖန်ပိုင်းခြားစဉ်းစားမှုရှိတဲ့ မိတ်ဆွေမျိုးဖြစ်သင့်ပါတယ်’’ ဟု Christian Solidarity World Wide ၏ အရှေ့အာရှအဖွဲ့ခေါင်းဆောင်၊ မြန်မာ့အရေးလေ့လာသူ ဘန်နဒစ်ရော်ဂျာစ်က ပြောသည်။

လန်ဒန်သို့ မေလ ၄  ရက်က ရောက်ရှိခဲ့သော ဒေါ်အောင်ဆန်းစုကြည်သည် မေလ ၅ ရက်က ဗြိတိန်နိုင်ငံခြားရေးနှင့် ဓနသဟာယရေးရာဝန်ကြီး ဘောရစ်ဂျွန်ဆင်နှင့် တွေ့ဆုံခဲ့သည်။ လေးလအတွင်း ၎င်းတို့နှစ်ဦး ဒုတိယမြောက် တွေ့ဆုံမှု ဖြစ်ပြီး ၂၀၁၆ ဇန်နဝါရီက နေပြည်တော်သို့ မစ္စတာဂျွန် ဆင်လာရောက်စဉ်က ဆွေးနွေးခဲ့သော မြန်မာ-ဗြိတိန် ကျန်းမာရေးနှင့် ပညာရေးပူးပေါင်းမှုမြှင့်တင်ရန်၊ မြန်မာရဲတပ်ဖွဲ့စွမ်းရည် မြှင့်တင်ရန်၊ ငြိမ်းချမ်းရေးနှင့် အမျိုးသားပြန်လည် သင့်မြတ်ရေးလုပ်ငန်းစဉ်ကို ဗြိတိန်က ဆက်ကူညီရန် စသည့်ကိစ္စများကို ထပ်လောင်းအမြင် ဖ လှယ်ကြခြင်းပင်။

မစ္စတာဂျွန်ဆင်နှင့် မတွေ့မီ မြန်မာဆေးပညာသင်ကြားမှု ဖွံ့ဖြိုးတိုးတက်ရေးအတွက် ဗြိတိန် ကျန်းမာရေးဝန်ကြီးဌာနနှင့် ပူးပေါင်းကူညီ ဆောင်ရွက်နေသော လန်ဒန်ရှိ စိန့်မေရီဆေးရုံသို့ သွားရောက်လေ့လာခဲ့ကြ ကြောင်း မြန်မာကိုယ်စားလှယ် အဖွဲ့က ထုတ်ပြန်သည်။ မြန်မာ နိုင်ငံပြုပြင်ပြောင်းလဲမှု စတင်ပြီးနောက် ၂၀၁၂ တွင် ဒေါ်အောင်ဆန်းစုကြည်နှင့် Imperial College London ၏ ပါမောက္ခလော့ဒ်အာရာဒါဇီတို့ ပထမဆုံးတွေ့ဆုံခဲ့ပြီး နောက်တွင် မြန်မာကိုယ်စားလှယ်အဖွဲ့တစ်ဖွဲ့သည် စိန့်မေရီဆေးရုံ အပါအဝင် ဗြိတိန်ရှိ ဆေးရုံ များနှင့် ဆေးပညာဆိုင်ရာ ဌာန များကို လေ့လာရေးခရီးစဉ် သွား ရောက်မှုရှိခဲ့သည်။ ထိုအချိန်က စ၍ ရန်ကုန်ပြည်သူ့ဆေးရုံကြီး အဆင့်မြှင့်တင်ရေးအပါအဝင် မြန်မာ့ကျန်းမာရေးစောင့်ရှောက်မှုစနစ် ပြုပြင်ပြောင်းလဲရေးအတွက် နှစ်နိုင်ငံကြား ဆွေးနွေးတိုင်ပင်မှုများ ပြုလုပ်လျက်ရှိသည်။

မေလ ၈ ရက်တွင် ဒေါ်အောင်ဆန်းစုကြည်သည် ဗြိတိန်ကာကွယ်ရေးဝန်ကြီး Michael Fallon နှင့် တွေ့ဆုံမှုရှိခဲ့ပြီး အသေးစိတ်မထုတ်ပြန်သေးပေ။ တစ်ရက်တည်းမှာပင် လန်ဒန်မြို့တော်ဝန် နှင့် ကောင်စီအဖွဲ့က ချီးမြှင့်သော လန်ဒန်မြို့တော် ဂုဏ်ထူးဆောင် လွတ်လပ်မှုဆုကို Guildhall Art Gallery အဆောက်အအုံတွင် လက်ခံယူခဲ့သည်။ ဒီမိုကရေစီအ တွက် နှစ်ပေါင်းများစွာ ဒေါ်အောင် ဆန်းစုကြည်၏ အကြမ်းမဖက်ရုန်းကန်တိုက်ပွဲဝင်မှု၊ ငြိမ်းချမ်းပြီး လွတ်လပ်မှုရှိရှိ ပြည်သူလူထုနေ ထိုင်နိုင်မည့် လူ့အဖွဲ့အစည်းတစ် ရပ် ဖန်တီးရန် ၎င်း၏ သစ္စာရှိရှိ ရည်စူးနစ်မြုပ်ဆောင်ရွက်မှုတို့အတွက် အသိအမှတ်ပြု ချီးမြှင့်ခြင်း ဖြစ်ကြောင်း လန်ဒန်မြို့တော် ကောင်စီအဖွဲ့ ကြေညာချက်၌ ဖော်ပြထားသည်။ ထိုဆုကို ပေးခဲ ပြီး တော်ဝင်မိသားစုဝင်များ၊ နိုင်ငံ အကြီးအကဲများနှင့် ကမ္ဘာလုံးဆိုင်ရာ ပုဂ္ဂိုလ်ကျော်များကိုသာ ပေးလေ့ရှိသည်ဟု ရေးသားထားသည်။ ထိုဆုရရှိသူများအနက် တောင်အာဖရိကခေါင်းဆောင် နယ်လ်ဆင်မန်ဒဲလား၊ ဗြိတိန်ဝန်ကြီးချုပ်ဟောင်း မာဂရက်သက်ချာ၊ ကမ္ဘာကျော်သိပ္ပံပညာရှင် စတီဗင်ဟော့ကင်း၊ ဝေလမင်းသမီး ဒိုင်ယာနာ၊ တောင်အာဖရိက ဘုန်းတော်ကြီး ဒယ်စမွန်တူးတူး စသူတို့ပါဝင်သည်။

ဒေါ်အောင်ဆန်းစုကြည်ကို ဆုပေးပွဲပြုလုပ်နေချိန်တွင် ခန်းမအပြင်ဘက် လမ်းတစ်ဖက်ခြမ်း၌ ပြည်ပအခြေစိုက် ကချင်အမျိုးသားအစည်းအရုံး (KNO)၊ ဘားမီးစ်ရိုဟင်ဂျာအသင်း ယူကေ (BROUK)အပါအဝင် အဖွဲ့အ စည်းငါးခုမှ လူ ၄၀ ခန့်က ‘နိုင်ငံ ရေးအကျဉ်းသားအားလုံးလွှတ်’၊ ‘လူမျိုးတုံးသတ်ဖြတ်မှုရပ်’ အစရှိသည့် စာတန်းများကိုင်စွဲ၍ ဒေါ်အောင်ဆန်းစုကြည်ကို ဆန္ဒထုတ်ဖော်မှုပြုလုပ်ခဲ့ကြသည်။ ၎င်းတို့ကို ဒေါ်အောင်ဆန်းစုကြည် ထောက်ခံသူများကလည်း တန်ပြန်ဆန္ဒပြခဲ့ကြသည်။

ဗြိတိန်သည် မြန်မာစစ်တပ် က နယ်မြေရှင်းလင်းရေးစစ်ဆင် ရေးဆောင်ရွက်နေသော ရခိုင် ပြည်နယ်၏ အခြေအနေကို ဆွေး နွေးရန် ကုလလုံခြုံရေးကောင်စီထံ တောင်းဆိုပန်ကြားခဲ့သူဖြစ်သည်။ မတ်လအတွက် လုံခြုံရေးကောင် စီ၏ အလှည့်ကျသဘာပတိအဖြစ် ကုလသမဂ္ဂဆိုင်ရာ ဗြိတိန်သံအ မတ်ကြီး မတ်သရူးရိုင်ခရော့ဖ် တာဝန်ထမ်းဆောင်ချိန်တွင် ဗြိတိန်၏ ပန်ကြားချက်ကြောင့် မတ်လ ၁၇ ရက်က လုံခြုံရေးကောင်စီ တံခါးပိတ်အစည်းအဝေးပြုလုပ်ခဲ့ ပြီးဖြစ်သည်။ ထို့နောက် ကောင်စီ ကြေညာချက်ထုတ်မည့်အပေါ် တရုတ်နှင့် ရုရှားက ဗီတိုအာဏာ သုံးကန့်ကွက်ပယ်ချခဲ့သည်။

ဥရောပအလွန် တရုတ်

ဥရောပသုံးနိုင်ငံခရီးစဉ်ထက် လူအများပိုစိတ်ဝင်စား သတိထားစောင့်ကြည့်နေသော ခရီးစဉ်မှာ ဒေါ်အောင်ဆန်းစုကြည်၏ လာမည့်တရုတ်ခရီးစဉ်ဖြစ်သည်။

မြန်မာ-တရုတ် ဆက်ဆံရေး တိုးတက်မှုကို ပြီးခဲ့သည့်ရက်က ဝါရှင်တန်တွင် ထောက်ပြမေးမြန်းမှု ရှိခဲ့သည်။ ဥရောပသုံးနိုင်ငံခရီးစဉ်နှင့် တိုက်ဆိုင်နေ၍ ဒေါ်အောင်ဆန်းစုကြည် တက်ရောက်မှုမရှိခဲ့သော အာဆီယံ-အမေရိကန်နိုင်ငံခြားရေးဝန်ကြီးများ ဝါရှင်တန်သီးသန့်အစည်းအဝေးအပြီးတွင် ဒေါ်အောင်ဆန်းစုကြည် အစည်းအဝေးမတက်မှုနှင့် မြန်မာက တရုတ်ဘက်ယိမ်းမှု မှန်းဆချက်များ ထွက်ပေါ်ခဲ့သည်။ ယင်းကြောင့် အမေရိကန်၏ အရှေ့အာရှနှင့် ပစိဖိတ်ရေးရာ ဗျူရိုဒုလက်ထောက်နိုင်ငံ ခြားရေးဝန်ကြီးက မြန်မာနှင့် အမေရိကန်ဆက်ဆံရေး အလွန်ကောင်းမွန်ကြောင်း ဝါရှင်တန်အစည်းအဝေးရှိ သတင်းထောက်များအား ပြောဆိုခဲ့သည်။

ဥရောပခရီးစဉ်မှ ပြန်ရောက်ပြီး မကြာမီမှာပင် ‘တစ်ခုတည်း သော ရပ်ဝန်း၊ တစ်ခုတည်းသော လမ်းကြောင်း’ (OBOR)ထိပ်သီး ညီလာခံကိုတက်ရောက်ရန် ဒေါ်အောင်ဆန်းစုကြည် တရုတ်သို့ သွားရောက်မည်ဖြစ်သည်။

7Day News Journal