၂၁ ရာစု ပိုးလမ်းမ စီမံကိန်းကနေ ရမယ့် မြန်မာ့ ကုန်သွယ်ရေး အကျိုးအမြတ်

၂၁ ရာစု ပိုးလမ်းမ စီမံကိန်းကနေ ရမယ့် မြန်မာ့ ကုန်သွယ်ရေး အကျိုးအမြတ်

တရုတ်နိုင်ငံ ပေကျင်းမြို့တော်မှာ အခုလက်ရှိ ကျင်းပ နေဆဲ ဖြစ်တဲ့ “၂၁ ရာစု ပိုးလမ်းမကြီးနဲ့ ကုန်သွယ်ရေး ရပ်ဝန်း ခါးပတ် လမ်းမကြီး” One Belt, One Road ညီလာခံ ကနေ မြန်မာနိုင်ငံ အတွက် လမ်းပမ်း ဆက်သွယ်ရေး၊ ကုန်သွယ် စီးပွားနဲ့ ရင်းနှီးမြှုပ်နှံမှု အကျိုး စီးပွားကောင်းတွေ ရနိုင်တယ်လို့ တရုတ် -မြန်မာ အရေး အကဲခတ်တွေက သုံးသပ်ပါတယ်။ နိုင်ငံတော် အတိုင်ပင်ခံ ဒေါ်အောင်ဆန်းစုကြည် ကိုယ်တိုင် တက်ရောက်နေတဲ့ ဒီညီလာခံ ကနေ မြန်မာနိုင်ငံ အနေနဲ့ စီးပွားရေး၊ ကုန်သွယ်ရေး အလား အလာကောင်းတွေ ဆောင်ကျဉ်း လာနိုင်မယ် လို့လည်း မျှော်လင့်ချက်တွေ ရှိပါတယ်။ မဆုမွန် ဆက်သွယ် မေးမြန်း တင်ပြထားပါတယ်။

တရုတ်နိုင်ငံ၊ ဘေဂျင်းမြို့တော်မှာ ကျင်းပနေတဲ့ “၂၁ ရာစု ပိုးလမ်းမကြီးနဲ့ ကုန်သွယ်ရေးရပ်ဝန်း ခါးပတ်လမ်းမကြီး” ညီလာခံကို ကုလသမဂ္ဂနဲ့ IMF နိုင်ငံတကာ ငွေကြေး ရန်ပုံငွေ အဖွဲ့ကြီးတို့ အပါအ၀င် ကမ္ဘာလုံးဆိုင်ရာ အဖွဲ့အစည်း ကြီးတွေနဲ့ မြန်မာနိုင်ငံက နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် အပါအဝင် နိုင်ငံပေါင်း ၂၉ နိုင်ငံက တိုင်းပြည် ခေါင်းဆောင်တွေ တက်ရောက် နေကြတာပါ။ တရုတ်နိုင်ငံ ကနေ အာရှ၊ အရှေ့ အလယ်ပိုင်း၊ အာဖရိကနဲ့ ဥရောပကို ကုန်းလမ်း၊ ရေလမ်းတို့နဲ့ ဆက်သွယ်မယ့် ခေတ်သစ် ပိုးလမ်းမကြီး -ခါးပါတ် လမ်းကြီးကြောင့် တကမ္ဘာလုံး အတွက် ကုန်သွယ်ရေး အကျိုးအမြတ်တွေ ရရှိမယ်လို့ တရုတ်နိုင်ငံက ပြောဆိုထားတာပါ။

တရုတ်နိုင်ငံရဲ့ ခေတ်သစ် ပိုးလမ်းမလို့ တင်စားခေါ်ကြတဲ့ ခါးပတ်လမ်းမကြီး ကနေ လမ်းပမ်းဆက်သွယ်ရေး ကုန်သွယ်မှု လမ်းကြောင်းတွေ ပွင့်လာတာနဲ့အမျှ မြန်မာနိုင်ငံလို ဒေသတွင်း နိုင်ငံတွေမှာလည်း ကုန်သွယ် စီးပွား ကူးလူး ဆက်နွယ်မှုနဲ့ ရင်းနှီးမြှုပ်နှံမှု အဆက် အဆံတွေ ပိုများလာလိမ့်မယ်လို့ မျှော်လင့်ထားကြတာပါ။ လမ်းနှစ်သွယ်နဲ့ ဆက်သွယ်မယ့် တရုတ်တို့ရဲ့ အဆင့်မြင့် ပိုးလမ်းမကြီး ခါးပတ်လမ်း ကနေ မြန်မာနိုင်ငံ အတွက် ရလာနိုင်မယ့် အကျိုးအမြတ်တွေနဲ့ ပတ်သက်လို့ တရုတ်နိုင်ငံ အခြေစိုက် တရုတ် - မြန်မာအရေး အကဲခတ် ဒေါက်တာ လှကျော်ဇောက အခုလိုသုံးသပ်ပါတယ်။

“အခု ဒေါ်အောင်ဆန်းစုကြည် နဲ့လည်း သူတို့ Agreement တွေတော်တော် ကြီးကြီးမားမား တွေလည်း လက်မှတ် ထိုးမယ်နဲ့ တူတယ် ကြည့်ရတာ။ မနေ့က ပြောသွားတဲ့ အထဲမှာ တခုတော့ပါတယ်။ ၆၈ နိုင်ငံက Project ၉၀၀ တောင် လက်မှတ် ထိုးထားတယ်လို့တောင်ပြောတယ်။ အဲဒီမှာ မြန်မာပြည်နဲ့ ပတ်သက်လို့ ပြောသွားတာ ၂ ခုရှိတယ်။ ၁ ခုကတော့ မြန်မာပြည်ရဲ့ Internet connectivity ကိုသူတို့ တာဝန်ယူမယ်တဲ့ ၊ မြန်မာပြည် ရယ်၊ kazakhstan ရယ် နီပေါရယ် ဒီ၃ နိုင်ငံကို တရုတ်က အကုန် လုပ်ပေးမယ်တဲ့ ပြောတယ်။ နောက်တခုက Renewable Energy ပေါ့ Solar Energy ကို Smart Energy လို့လည်းခေါ်တယ် အဲဒါနဲ့ ပတ်သက်လို့ Manufacturing တခုလုပ်မယ်တဲ့။ နောက်တခုကတော့ လယ်ယာ လုပ်ငန်းနဲ့ပတ်သက်လို့ မြန်မာနိုင်ငံဟာ အလားအလာ အင်မတန် ကောင်းတယ်တဲ့။ တချို့ နိုင်ငံတွေက လယ်ယာတွေ ဘာတွေ မလုပ်တော့ပဲနဲ့ Industrialize လုပ်လိုက်တော့ မြေရှားသွားပြီတဲ။ ဆိုတော့ မြန်မာပြည်က သူ့ Agriculture ကိုပဲ အကောင်းဆုံး လုပ်မယ် ဆိုရင် မြန်မာပြည်ရဲ့ အလား အလာက တော်တော်ကောင်းတယ်လို့ ပြောသွားတာပဲ။”

နိုင်ငံတော် အတိုင်ပင်ခံ ဒေါ်အောင်ဆန်းစုကြည် ကိုယ်တိုင် တက်ရောက် နေတဲ့ ဒီညီလာခံ ကနေ မြန်မာနိုင်ငံ အနေနဲ့ စီးပွားရေး၊ ကုန်သွယ်ရေး အလားအလာ ကောင်းတွေ ဆောင်ကျဉ်း လာနိုင်မယ် လို့လည်း မျှော်လင့်ချက်တွေ ရှိပါတယ်။ နှစ်နိုင်ငံ ကုန်သွယ် စီးပွားရေးနဲ့ ပတ်သက်လို့ တရုတ်နိုင်ငံက ပညာရှင်အဆင့်အစည်းအဝေးကို ပြီးခဲ့တဲ့ ရက်ပိုင်းကပဲ ကိုယ်တိုင် တက်ရောက်ခဲ့တဲ့ အမျိုးသား ဒီမိုကရေစီ အဖွဲ့ချုပ် ဗဟို စီးပွားရေး ကော်မရှင် အဖွဲ့ဝင် ဦးအေးလွင်ရဲ့ အမြင်ကတော့ အကောင်းမြင် မျှော်လင့် သလို မြန်မာတို့ အနေနဲ့ လိမ်မာ ပါးနပ်မှုလည်း ရှိဖို့ လိုတယ်လို့ အခုလို ပြောပါတယ်။

“ဒီဒေသ ဆိုင်ရာ ဖွံ့ဖြိုး တိုးတက်ဖို့ ဖြစ်တဲ့ လမ်းပမ်း ဆက်သွယ်ရေး တို့ Telecommunication တို့ ၊ IT System တို့ Trade စီးပွားရေး အရ ပူးပေါင်း ဆောင်ရွက်မှုတို့ Investment Development တို့ ဒါတွေ အားလုံးက တပြိုင်တည်း တွဲပါလာမှာ အဲဒီအတွက် မြန်မာနိုင်ငံ အနေနဲ့ အကျိုးအမြတ် အများကြီး ရနိုင်ပါတယ်။ သို့သော် မြန်မာနိုင်ငံက အကျိုးအမြတ်ကို ယူတဲ့ အခါမှာ လိမ်မာပါးနပ်စွာ ယူနိုင်ဖို့ လိုသလို ကိုယ့်အကျိုး ကိုလည်း Neutral Benefit ဖြစ်အောင်လို့ ပြောဆို ဆွေးနွေးနိုင်မယ့် Level တိုရောက်အောင်လို့ ကြိုးစားရမှာ ပေါ့နော်။ ဆိုလိုတာက မိမိစီးပွားရေး ဖွံ့ဖြိုး တိုးတက်ဖို့ အတွက် မိမိကိုယ်တိုင် နိုင်ငံတကာ စံချိန်စံညွှန်း တွေနဲ့ ကိုက်နိုင်မယ့် အပိုင်းဖြစ်တဲ့ Ethical တွေ ပြောင်းရမယ်၊ Mindset တွေပြောင်းရမယ်။ ဆိုတော့ ဒီခရီးစဉ်ကြီးကို သွားမယ့် လမ်းပေါ်မှာ တည်းခိုမယ့် ဟိုတယ်တွေ၊ Tourist sector တွေ၊ ရောင်းဝယ်တဲ့ ပစ္စည်းတွေ Multi Border Transportation Capacity တွေ Facility တွေကို ပြင်ဆင်ထားဖို့ မြန်မာနိုင်ငံက အခု ကတည်းက ကြိုးစားလုပ်မှ ဒီအကျိုးကျေးဇူးကို ခံစားရမယ်။”

ဒီခေတ်သစ် ပိုးလမ်းမကြီး ကုန်သွယ် ရပ်ဝန်း မိတ်ဆက်တဲ့ ဒီညီလာခံကို ကုလသမဂ္ဂနဲ့ IMF နိုင်ငံတကာ ငွေကြေး ရန်ပုံငွေ အဖွဲ့ကြီးတို့ အပါအ၀င် ကမ္ဘာလုံးဆိုင်ရာ အဖွဲ့အစည်းကြီး တွေနဲ့ နိုင်ငံတကာက ခေါင်းဆောင်တွေ တက်ရောက်နေတဲ့ အတွက် မြန်မာနိုင်ငံက နိုင်ငံတော် အတိုင်ပင်ခံ ပုဂ္ဂိုလ် အနေနဲ့ မြန်မာ့အရေး ဘယ်လို ဆွေးနွေးနိုင်ခြေ ရှိတယ် ဆိုတာကိုလည်း ဒေါက်တာ လှကျော်ဇောက အခုလို ရှု့မြင်ပါတယ်။

“ကုလသမဂ္ဂ က Sustainable development Goal ၁၇ ချက်ဆိုတာကို Belt and Road က Initiatives ကလာတဲ့ aims တွေနဲ့ တော်တော်တူတဲ့အတွက် အဲဒီကရမယ့် အခွင့်အရေးတွေ standardized ဖြစ်တဲ့အခါ မြန်မာပြည်အတွက်လည်း အကျိုးအများကြီးရှိနိုင်တယ် ဥပမာအားဖြင့်မြန်မာပြည်ရဲ့ ငြိမ်းချမ်းရေးဖြစ်စဉ်အတွက် မြန်မာပြည်ရဲ့ ပတ်ဝန်းကျင်ထိန်းသိမ်းရေးအတွက် မြန်မာပြည်အတွက် အမျိုးသား၊ အမျိုးသမီး တန်းတူညီမျှရေးအတွက် ၊ ဆင်းရဲသားပပျောက်ရေး၊ တိုင်းပြည်ဖွံ့ဖြိုးရေး ဒါတွေအားလုံးအတွက် ဘက်စုံကတော်တော်များများအခွင့်အရေးတွေရရှိနိုင်မယ်လို့ ထင်တယ်။”

တရုတ်နိုင်ငံ ဘေဂျင်းမြို့တော်မှာ မေလ ၁၄ ရက်နဲ့ ၁၅ ရက်နေ့တွေအထိကျင်းပမယ့် တခုတည်းသော ရပ်ဝန်းနဲ့ လမ်းမကြီးများဆိုင်ရာ ညီလာခံ ထိပ်သီးဆွေးနွေးပွဲကို တက်ရောက် နေတဲ့ နိုင်ငံပေါင်း ၂၉နိုင်ငံက နိုင်ငံ့ အကြီးအကဲတွေထဲ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်နေချိန်နဲ့ တပြိုင်နက်တည်း မှာပဲ ညီလာခံဘေးပမ်းမှာ နိုင်ငံတော် အတိုင်ပင်ခံပုဂ္ဂိုလ်ဟာ တက်ရောက်လာတဲ့ နိုင်ငံတကာက အကြီးအကဲ ခေါင်းဆောင်တချို့နဲ့ တွေ့ဆုံပြီး နှစ်နိုင်ငံ ကုန်သွယ်ရေးနဲ့ အကျိုးတူ ပူးပေါင်း ဆောင်ရွက်ရေး ကိစ္စတွေကိုလည်း သီးခြား ဆွေးနွေးခဲ့ပါတယ်။

တရုတ်နိုင်ငံရဲ့ ခေတ်သစ်ပိုးလမ်းမ လို့ခေါ်ကြတဲ့ ခါးပတ် လမ်းမကြီး စီမံကိန်းမှာ ဒီညီလာခံကို တက်ရောက်ဖို့ နိုင်ငံတော် အတိုင်ပင်ခံ ပုဂ္ဂိုလ် လည်းဖြစ်၊ နိုင်ငံခြားရေး ဝန်ကြီးလည်း ဖြစ်တဲ့ ဒေါ်အောင်ဆန်းစုကြည် နဲ့အတူ မြန်မာအစိုးရ ကိုယ်စားလှယ်အဖွဲ့ထဲ ဆောက်လုပ်ရေး၊ ပို့ဆောင်ရေး၊ ဆက်သွယ်ရေး၊ စီးပွားရေးနဲ့ ကူးသန်း ရောင်းဝယ်ရေး စတဲ့ ဝန်ကြီးဌာနတွေက တာဝန်ရှိသူတွေပါ လိုက်ပါသွားကြပြီး တရုတ် - မြန်မာ ၂ နိုင်ငံကြား ရင်းနှီး မြှုပ်နှံမှု ကိစ္စရပ်တွေကိုလည်း သီးခြား ဆွေးနွေးဖြစ်မယ်လို့ မျှော်လင့်ရပါတယ်။

မဆုမွန်/ဗွီအိုအေ