အခြေခံပညာ အထက်တန်းကျောင်းတွေမှာ ဝိဇ္ဇာဘာသာတွဲ သင်ယူတဲ့ ကျောင်းသား၊ ကျောင်းသူနည်းတဲ့အတွက် ဘာကြောင့်နည်းတာလဲဆိုတာကို အခုလာမယ့် ကျောင်းအပ်ရာသီမှာ ပြန်လည်ဆန်းစစ်သွားမှာဖြစ်ကြောင်း ပညာရေးဝန်ကြီး ဒေါက်တာမျိုးသိမ်းကြီးက ပြည်သူ့လွှတ်တော်မှာ ဖြေကြားခဲ့ပါတယ်။
သင်္ဃကျွန်းမဲဆန္ဒနယ်က ဦးရွှေလှ မေးမြန်းတဲ့ အခြေခံပညာအထက်တန်းမှာ ဝိဇ္ဇာဘာသာဖြစ်တဲ့ သမိုင်းနဲ့ ပထဝီဘာသာရပ်တွေကို သင်ယူတဲ့ ကျောင်းသား၊ ကျောင်းသူ နည်းပါးလာတဲ့အတွက် ပညာရေးဟန်ချက်မညီ ဖြစ်ပေါ်နေခြင်းကို ဘယ်လိုဆောင်ရွက်မလဲဆိုတဲ့ မေးခွန်းနဲ့ ပတ်သက်ပြီး ပညာရေးဝန်ကြီး ဒေါက်တာမျိုးသိမ်းကြီးက အခုလိုပြန်လည်ဖြေဆိုသွားတာပါ။
ပြီးခဲ့တဲ့ ၂၀၁၆-၂၀၁၇ ခုနှစ် ပညာသင်နှစ်အတွင်း တစ်နိုင်ငံလုံး တက္ကသိုလ်ဝင်စာမေးပွဲဖြေဆိုသူထဲမှာ ဓာတုဗေဒနဲ့ ရူပဗေဒဖြေဆိုသူ ၆ သိန်းကျော်၊ ဇီဝဗေဒဖြေဆိုသူ ၁ သိန်း ၇ သောင်းကျော်၊ ဘောဂဗေဒ ဘာသာဖြေဆိုသူ ၅ သိန်း ၃ သောင်းကျော်၊ သမိုင်းနဲ့ ပထ၀ီဖြေဆိုတဲ့ ကျောင်းသား၊ ကျောင်းသူ ၇ သောင်းကျော်သာရှိတာဖြစ်ပါတယ်။
ရန်ကုန်းတိုင်းဒေသကြီးအတွင်း၂၀၁၆-၂၀၁၇ခုနှစ် အထက်တန်းအဆင့်ဖြစ်တဲ့ နဝမတန်းနဲ့ ဒဿမတန်း ကျောင်းသား၊ကျောင်းသူ ၁ သိန်း ၃ သောင်းကျော်ရှိပြီး ၀ိဇ္ဇာဘာသာတွဲသင်ယူတဲ့သူ ငါးရာနီးပါသာရှိကြောင်းလည်း ဒေါက်တာမျိုးသိမ်းကြီးက ထည့်သွင်းပြောဆိုသွားပါတယ်။
RFA
No comments:
Post a Comment