ခရမ်းပြာဂယက်

ခရမ်းပြာဂယက်

Art of Myanmar ဖေ့စ်ဘွတ်ခ်စာမျက်နှာတွင် နမူနာတင်ထားသော Violet of Myanmar ဗီဒီယိုဖိုင်ပါ ဇာတ်ကွက်တစ်ခု
ခရမ်းရောင်လုံချည်ကို ၀တ် ဆင်၍ ပုံတော်ဖိနပ် စီးထားသည့် မိန်း ကလေးတစ်ဦး အစိမ်းရောင် မြက်ခင်းပေါ်တွင် စာထိုင်ဖတ်နေသည်။ မည်သူမည်ဝါမှန်းမသိရန် မျက်နှာကို ၀ါးထားပြီး မျက်နှာဖုံးကို ၀တ်ဆင်ထားသဖြင့် ၎င်းမျက်နှာ ကို မမြင်ရပေ။


ထိုမြင်ကွင်းသည် မြန်မာပြည်ရဲ့ ပထမဆုံး HD ဟု ကြေညာ ခဲ့သည့် Violet of Myanmar မြန် မာ အပြာကား၏ အမြည်းတစ် ပိုင်းတစ်စ ဖြစ်ပါသည်။


နှစ်နာရီကျော် ကြာမြင့်သည့် မြန်မာအပြာကားကို Art Of Myanmar ဆိုသည့် ဖေ့စ်ဘွတ်ခ် စာမျက်နှာတွင် အွန်လိုင်းမှတစ် ဆင့် ကျပ်တစ်သောင်းဖြင့် ရောင်းချမည်ဟု ကြေညာခဲ့သည်။ အာရုံစိုက်ခံရစေရန်နှင့် စိတ်ဝင်စားမှုရရှိရန် လေးမိနစ်ခန့်ကြာ အမြည်းအဖြစ် ဗီဒီယိုဖိုင်တစ်ခုကို ကြိုတင်ဖြန့်ဝေခဲ့ခြင်းဖြစ်သည်။

ထိုဇာတ်ကားကို ‘ခရမ်းပြာ’ ဟုလည်း ခေါ်ဝေါ်နေသည်။ ဇာတ်ကားဝယ်ယူရန် အမေရိကန်နိုင်ငံကုတ်နံပါတ် Viber နံပါတ်တစ်ခုဖြင့် ဆက်သွယ်ဝယ်ယူရန် ပြောကြားခဲ့သော်လည်း နာရီပိုင်းအ တွင်း အမှာစာ ၂,၀၀၀ ခန့် ရောက်လာသဖြင့် Viber အကောင့် ပျက် သွားသည်ဟုဆိုကာ အရောင်းပိတ်ခဲ့သည်။

ထိုအပြာကား ဖြန့်ချိမည်ဆို သည်ကို အရေးယူမည်ဟု အာဏာပိုင်များက ဆိုသောကြောင့် Art Of Myanmar ဖေ့စ်ဘွတ်ခ်စာမျက်နှာသည် ပျောက်ကွယ်ခဲ့သည်။ ထို့အတူ နှစ်နာရီစာ ရိုက်ကူးထား သည်ဟုဆိုသည့် ဗီဒီယိုဖိုင် ထွက်ပေါ်လာခြင်းမရှိတော့ဘဲ လူဦးရေတစ်ရာထက်မနည်းကို လိုက်လံမေးမြန်းခဲ့ရာ အဆိုပါ ဗီဒီယိုကို ကြည့်ရှုဖူးသူ တစ်ယောက်မျှ မရှိပေ။ အဆိုပါအပြာကား ထွက်ရှိလာခြင်း ရှိ၊ မရှိကို မည်သူမျှ အတည်မပြုနိုင်သော်လည်း ယင်းကဲ့သို့ ရိုက်ကူးမှုအပေါ် အကောင်း အဆိုး အမြင်ကွဲပြားနေသည်။

‘‘စွန့်ဦးတီထွင်ပေါ့။ အတော် စွန့်စားရတာပဲ။ ရလဒ်ကတော့ တစ်နိုင်ငံလုံးရဲ့ စိတ်ဝင်စားမှုရ သွားတာပဲ။ အောင်မြင်တယ်’’ဟု အသက်(၃၀)ကျော်အရွယ် ဆရာဝန်တစ်ဦးက မှတ်ချက်ပြုခဲ့ပြီး ‘‘ဥပဒေအရ အစိုးရလည်း အခွန်မရ ဥပဒေလည်းမညီတဲ့ မှောင်ခိုစီးပွားရေးကို ဗြောင်ကျကျလုပ်နေတယ်မြင်တယ်’’ဟု အသက် (၂၀)ကျော်အရွယ် လူငယ်တေးရေးဆရာတစ်ဦးက မှတ်ချက်ပြုခဲ့ သည်။ မှတ်ချက်ပြုကြသူအများစု က ၎င်းတို့နာမည်ကို ထုတ်ဖော်မရေးသားရန် တောင်းဆိုထားကြ သည်။

နိုင်ငံတကာတွင်လည်း လိင် မှုဆိုင်ရာများကို ကျယ်ကျယ်ပြန့် ပြန့်ဖြင့် လိင်ပိုင်းဆိုင်ရာ ညစ်ညမ်းပြကွက်များပါဝင်သည့် လေးမိနစ် ကျော်ကြာ အမြည်းအဖြစ် လူမှုကွန်ရက်များပေါ် ရောက်ရှိလာပြီးနောက်တွင်တော့ အွန်လိုင်းသုံးစွဲသူများအကြား အုန်းအုန်းကျွက်ကျွက်ဖြစ်သွားတော့သည်။ စီးပွားဖြစ်လုပ်ကိုင်နေသည့် ကိစ္စတစ်ခုဖြစ်သောကြောင့် ဇာတ်ကားဖြန့်ချိမှုက အထူးအဆန်းဖြစ်သည်ဟု မထင်မိကြောင်း စင်ကာပူနိုင်ငံတွင် သွားရောက်အလုပ်လုပ်နေသည့် အသက်(၃၀)အရွယ် အမျိုး သားတစ်ဦးက ဆိုသည်။

‘‘တရားဝင်ကြီး အွန်လိုင်းမှာ ဖြန့်တာက အရမ်းပွင့်လင်းမြင်သာ မှုရှိတယ်ဆိုတာထက် မဖြစ်သင့် သေးတဲ့ အရာလို့မြင်တယ်။ ဘာ ကြောင့်လဲဆိုတော့ ကိုယ့်နိုင်ငံက သူများနိုင်ငံတွေနဲ့လည်း မတူဘူး။ ဟိရိသြတပ္ပတရားလည်းရှိတယ်။ ကိုယ့်နိုင်ငံ ကိုယ့်သိက္ခာနဲ့ အဲဒါမျိုး မဖြစ်သင့်ဘူး’’ဟု ခရမ်းပြာဇာတ် ကားနှင့်ပတ်သက်၍ အသက် (၂၀)ကျော်အရွယ် ကိုယ်ပိုင်လုပ်ငန်းရှင် အမျိုးသမီးတစ်ဦးက ၎င်းအမြင်ကို ပြောသည်။

ယင်းဇာတ်ကားကို အချို့က စိတ်ခံစားမှု သာယာလိုခြင်းထက် မြန်မာနိုင်ငံအနေဖြင့် ပထမဆုံး ရိုက်ကူးသည့်ဇာတ်ကားဖြစ်သော ကြောင့် စူးစမ်းလိုသဖြင့် ကြည့်ရှုလိုခြင်းသာဖြစ်သည်ဟု ဆေးတက္ကသိုလ်နောက်ဆုံးနှစ် တက်ရောက်နေသည့် ကျောင်းသားတစ်ဦးက ပြောသည်။

‘‘ရုပ်ရှင်ချစ်သူတွေရဲ့အမြင် မှာ မြန်မာ့ရုပ်ရှင်လောက နိုင်ငံ ခြားက ရုပ်ရှင်တွေလို တင်ဆက်ပုံ ကောင်းကောင်း၊ ဇာတ်အိမ် ကောင်းကောင်း မပေးနိုင်တော့ မြန်မာ့ရုပ်ရှင်ချစ်သူတွေက သိပ် စိတ်ချမ်းသာမှုမရှိဘူးပေါ့...အဲဒီ တော့ ရုပ်ရှင်လောကကမဟုတ်ဘဲ အခုလိုမျိုး အပြာကားဆိုပြီး ထွက် လာတဲ့အပေါ်မှာ သူ့ရဲ့တင်ဆက်မှု အပိုင်း၊ အရည်အသွေးပိုင်းနဲ့ပတ် သက်ပြီး နိုင်ငံခြားကို  ယှဉ်နိုင်ရဲ့ လားဆိုပြီး သိချင်ရုံစိတ်သက် သက်နဲ့ ကြည့်ချင်တာပါ’’ဟု ၎င်း က ဆိုသည်။

‘‘အရည်အသွေးပိုင်းကတော့ ကြည်တယ်ဆိုယုံပေါ့။ အရမ်းအ ကောင်းကြီးမဟုတ်ဘူး’’ဟု ဗီဒီယို တည်းဖြတ်ထုတ်လုပ်သူ အသက် (၂၇)နှစ်အရွယ် အမျိုးသားတစ်ဦး က ၎င်း၏ အမြင်ကို ပြောသည်။ ထို့အပြင် ဇာတ်ကားတစ်ကားလုံး ရှိသည်ဆိုသည်မှာလည်း ဖြစ်နိုင် ခြေနည်းသည်ဟု သူက သုံးသပ် သည်။

ချောင်းရိုက်ဟုခေါ်သော လိင်မှုကိစ္စပြုမူနေသည့် ကာယကံ ရှင်များမသိအောင် ချောင်းမြောင်း ရိုက်ကူး၍ ဗီဒီယိုဖိုင်များတင်ခဲ့ခြင်း သည် အွန်လိုင်းပေါ်တွင် လွန်ခဲ့ သည့် ဆယ်နှစ်ကျော်ကစတင် ပျံ့နှံ့ခဲ့သည်။ အွန်လိုင်းအသုံးပြုမှု များပြားလာသည်နှင့်အမျှ ချောင်း ရိုက်အဆင့်မှ မြန်မာအပြာဇာတ် ကားကို ကိုယ်တိုင်ရိုက်ကူးထုတ် လုပ်သည့်အဆင့်အထိ ပျံ့နှံ့လာခြင်းဖြစ်သည်။

‘‘ခိုးရိုက်တဲ့အခွေတွေနဲ့ပတ် သက်ပြီး ပြောရရင် မြန်မာပြည်ရဲ့ အနေအထားက ဒီလိုမျိုးမြန်မာ့ ယဉ်ကျေးမှုနဲ့ဆန့်ကျင်တဲ့ကိစ္စတွေ မှာ လူသိရှင်ရှားလုပ်လို့မရဘူး။ လူ့အသိုင်းအ၀ိုင်းကလည်း ဒါမျိုး တွေကို လက်သင့်မခံဘူးလေ။ အခုလို စီးပွားဖြစ်လုပ်လာတဲ့အ ပေါ်မှာ သုံးသပ်မိတာက ဒီမိုကရေ စီအပြောင်းအလဲကို အကဲစမ်း တယ်လို့ပဲမြင်မိပါတယ်’’ဟု အ မည်မဖော်ပြလိုသည့် စင်ကာပူ နိုင်ငံတွင် နေထိုင်အလုပ်လုပ်သူ က ပြောသည်။

တရားဝင်ဇာတ်ကားရိုက်ကူး ခွင့်ပေးရေး၊ မပေးရေးကိစ္စသည် ပြည့်တန်ဆာကို တရားဝင် ခွင့်ပြုသင့်၊ ခွင့်မပြုသင့်ကိစ္စကဲ့သို့ပင် အငြင်းပွားစရာများနှင့် ပြည့်နှက်နေသည်။

ခိုး၍ ရိုက်ကူးခြင်းသည် ရိုက် ကူးခံရသူများအတွက် ထိခိုက်မှု များရှိသောကြောင့် တရားဝင်ရိုက် ကူးခွင့်ပြုသင့်ကြောင်း ပြည်သူ့ ဆက်ဆံရေးအေဂျင်စီတစ်ခုတွင် Senior Accout Executive ရာ ထူးဖြင့် တာဝန်ထမ်းဆောင်နေ သည့် ကိုခန့်ထက်အောင်က ၎င်း ၏ အမြင်ကို ပြောသည်။

‘‘Porn Star တွေအတွက် ရုပ်ရှင်ထူးချွန်ဆုပေးတာတောင်ရှိ တယ်။ အနောက်နိုင်ငံတွေမှာ’’ဟု ၎င်းက ဆိုသည်။

ထိုအလုပ်များကို စီးပွားရေး အခြေအနေအရ လုပ်ကိုင်သူများ လည်းရှိနိုင်သောကြောင့် တရား ၀င်ခွင့်ပြုပါက လိင်ကိစ္စနှင့်ပတ် သက်၍ ပညာပေးလုပ်ငန်းများကို ပါ လုပ်ဆောင်နိုင်မည်ဟု ဆေးတက္ကသိုလ်ကျောင်းသားက ပြော သည်။

သို့သော် တရားဝင် ရိုက်ကူးခွင့်ပြုလိုက်ခြင်းသည် အရွယ်မရောက်သေးသူများအတွက် အတုယူမှားစရာဖြစ်နိုင်ကြောင်း ပြည် နည်းပညာတက္ကသိုလ်တွင် ပဉ္စမနှစ်၊ လျှပ်စစ်စွမ်းအားအင်ဂျင်နီယာဘာသာရပ် တက်ရောက်နေသည့် ကျောင်းသားက ပြောသည်။

‘‘မြန်မာ့ယဉ်ကျေးမှုနဲ့ကြည့် ရင်တော့ မသင့်တော်ဘူးပေါ့။ ဗုဒ္ဒ ဘာသာနိုင်ငံဆိုတော့ ညစ်ညမ်း ကားတွေမရှိသင့်ဘူးထင်တာပဲ။ သူ့ဘာသာချောင်းရိုက်တွေ ဘယ် လောက်ထွက်ထွက် တရားဝင် လုပ်ကိုင်လာရင်တော့ အပျက် ဘက်ကိုပဲ ဦးတည်ဖို့များတယ်’’ဟု ၎င်းက ဆိုသည်။

လက်ရှိအချိန်တွင် မြန်မာအ ပြာကား ဖြန့်ချိခြင်းနှင့်ပတ်သက်၍ အရေးယူမှုများလုပ်ဆောင်နိုင်ရန် သက်ဆိုင်ရာအဖွဲ့အစည်းများက လည်း ဆောင်ရွက်နေသည်။

‘‘အရေးယူပိုင်ခွင့်ရှိသရွေ့က တော့ အရေးယူမှုပါပဲ။ အုပ်ချုပ် ရေးပိုင်းကို မှားတယ်လို့ မပြောလို ပါဘူး။ ဒါပေမဲ့ နာမည်ကျော်တဲ့ လူတွေ Sex tape ပျံ့နှံ့နေတာကို အရေးမယူတာကော ဘာသဘောလဲ စီးပွားဖြစ်ဖြန့်မှ ဖမ်းမှာလားဆိုတာ မေးကြည့်ချင်ပါတယ်’’ဟု ခရီးသွားလုပ်ငန်းလုပ်ကိုင်သည့် အသက် (၂၀) ကျော်အရွယ် အမျိုး သားက ၎င်း၏ အမြင်ကို ပြော သည်။

အရေးယူသည့် ကိစ္စအပေါ် တွင်လည်း အချို့က မုဒိမ်းမှုများ ကို အားပေးသလိုဖြစ်နိုင်သော ကြောင့် တင်းတင်းကျပ်ကျပ်အ ရေးယူမှုများပြုလုပ်သင့်သည်ဟု ပြောဆိုသူများရှိသလို အချို့က လည်း ပထမဆုံးအကြိမ်ဖြစ်သော ကြောင့် ပညာပေးလုပ်ငန်းများဖြင့် ထိန်းချုပ်သင့်ကြောင်း အကြံပြု ကြသည်။

Violet of Myanmar ဇာတ် ကားနှင့်ပတ်သက်၍ အငြင်းပွားစ ရာကိစ္စများရှိနေပြီး လူမှုကွန်ရက်တွင်လည်း ပွဲဆူစေခဲ့သည်။ ပျောက်ဆုံးနေသည်ဟုဆိုသည့် နှစ်နာရီစာ ဇာတ်ကားလင့်ခ်ဟုဆို ကာ စနောက်ထားသည့် အတုအ ယောင်များကို ဝေမျှသူများလည်း ရှိခဲ့သည်။ အချို့ကလည်း ခရမ်း ရောင်ကားပုံကို ဒေါင်းလုတ်ဆွဲ၍ စနောက်မှုများရှိခဲ့သလို အွန်လိုင်း နာမည်ကျော်များကလည်း ခရမ်း ပြာအမည်ဖြင့် သရော်သည့်ဗီဒီယို ဖိုင်များ ရိုက်ကူး၍ ဖော်ပြခဲ့ကြသည်အထိ ရိုက်ခတ်မှုရှိခဲ့သည်။

မြန်မာအပြာကားရိုက်ကူးမှု နှင့်ပတ်သက်၍ အထက်တွင်ပြော ခဲ့သည့် နည်းပညာတက္ကသိုလ် ကျောင်းသားက ၎င်း၏ အမြင်ကို ယခုလို ပြောသည်။

‘‘အားပေးတဲ့သူတွေလည်း ရှိမှာပဲ။ ကန့်ကွက်တဲ့သူတွေလည်း ရှိမှာပဲ ကိုယ်တွေကတော့ မဖြစ်စေ ချင်ဘူး။ နိုင်ငံခြားပဲအားပေးကြပါ သိသာသိစေ၊ မမြင်စေနဲ့ပေါ့နော်’’

7Day News