ရယ်​စရာ+​မောစရာ ဖြစ်​ရပ်​မှန်​​တွေကို ရင်​နဲ့ ရင်း၍ ​ရေးထားသည်​။ ပြင်ပလူနာ ဌာနမှာ

ရယ်​စရာ+​မောစရာ ဖြစ်​ရပ်​မှန်​​တွေကို ရင်​နဲ့ ရင်း၍ ​ရေးထားသည်​။

ပြင်ပလူနာ ဌာနမှာ

"သားထလေ စာကျက်တော့...။သား...သား..."
       အမေက ကျွန်တော်ပခုံးကို ခပ်ဖွဖွ ကိုင်ရင်းလှုပ်နှိုးနေသည်။ အမေက ဆုံးသွားတာ ကြာပြီမို့  အိပ်​မက်​ ဆိုတာကို နားလည်လိုက်သည်။ အိပ်မက်ထဲမှာပဲ အမေနဲ့ဆုံတွေ့ခွင့်ရှိတော့သည်မို့ ကျွန်တော်မနိုးထချင်သေး။
"အာ သားဆက်အိပ်ချင်သေးတယ်"
"ထတော့ ။အခုချိန်စာတွေကျက်မှ ဆယ်တန်းကို အမှတ်ကောင်းကောင်းနဲ့ အောင်မှာလေ။ ပညာတတ်ကြီးဖြစ်မှ ကြိုက်သလောက်အိပ်တော့"
"ကလင် ကလင်..ကလင် "
     အိပ်မက်မှ မနိုးထချင်သေးပေမယ့် နှိုးစက်မှမြည်သံကြောင့် မထချင်ဘဲ ထခဲ့ရသည်။ သည်နေ့က စနေနေ့ ရုံးပိတ်ရက်ဖြစ်ပေမယ့် ပြင်ပလူနာဌာနမှာ ဂျူတီကျနေသည် မဟုတ်ပါလား။  နာရီကြည့်မိတော့ ခွန်​နှစ်နာရီခွဲနေပြီ။ဂျူတီချိန်းရမည့်အချိန်က ရှစ်နာရီဖြစ်ပေမယ့်  ဂျူတီချိန်း (လဲ)မယ့် ဆရာဝန်က တစ်ညလုံးမအိပ်ရဘဲ ပင်ပန်းနေမှာမို့  လည်ပင်းသစ်ကုလားအုပ်ဖြစ်နေလောက်ပြီ ထင်သည်။ မျက်နှာသစ်ရေချိုးပြီး ​အဆောင်ကနေ ​ဆေးရုံ ကို အမြန်သွားရသည်။ ဆေးရုံသွားရာလမ်းဘေးရှိ လက်​ဖက်​ရည်​ ဆိုင်တွင် ဝင်ကာ မနက်စာ အမြန်စားရသည်။
         ဆေးရုံ၏ မျက်နှာသာတွင် ကားတွေ ဆိုင်​ကယ်​ တွေက ပျားပန်းခပ်မျှ ရှုပ်ထွေးနေသည်။မနက်ရှစ်နာရီသာ ရှိသေးပေမယ့် ပြင်ပလူနာဌာနရှေ့တွင် တိုကင်ပြားလေးတွေကိုင်ပြီး စောင့်နေသော လူနာများမှာ တန်းစီနေသည်။ ရနိုင်သမျှ ဆေးအများစုကို အခမဲ့ပေးတာကြောင့် လူနာတွေ စုပုံလာခြင်းဖြစ်မည်။ လူနာတွေ စုပုံလာပေမယ့် ဆရာဝန်၊ဆရာမ၊ဆေးရုံလုပ်သား တွေက စုပုံမလာခဲ့။ တစ်နေ့တစ်နေ့ ပြင်ပလူနာဌာနကို လာပြသည့်လူနာက ငါးဆယ် နှင့် နှစ်ရာကြားမှာရှိသည်။စနေ၊တနင်္ဂနွေလို ရုံးပိတ်ရက်တွင် ပြင်ပလူနာဌာန၌ ဆရာဝန်တစ်ဦး၊ ဆရာမနှစ်ဦးနှင့် အလုပ်သမားတစ်ဦးသာ ရှိသည်။  လူနာတွေကိုကြည့်ပြီး လိုအပ်​တဲ့အခါ ပြင်ပလူနာဌာနမှာ တာဝန်ကျတဲ့ဆရာဝန်က ဆေးရုံအတွင်းရှိ ကုသဆောင်အသီးသီးသို့ ညွှန်​​ပေးရသည်။ ဆေးရုံတက်ဖို့ထိ မလိုအပ်လျှင် ပြင်ပလူနာဌာနမှာပဲ ကုသရသည်။
          "ညီလေး လာပြီလား"
မနေ့ညက တာဝန်ကျဆရာဝန်က ကျွန်တော့်ကိုမြင်တော့ ဝမ်းသာအားရ နှုတ်​ဆက်​စကား ဆိုသည်။
"လာသေးဘူးအကို။ ပြီးသွားတာ မကြာသေးဘူး"      
"ဟာ...မင်းကတော့ နောက်ပြီ"
  အစ်ကို့ဘေး ဝင်ထိုင်ကာ လက်​ဆွဲ အိတ်ထဲက နားကြပ်ကိုထုတ် ပခုံးပေါ်တင်ရင်း
"ဘယ်လိုလဲ။ မနေ့ညက အေးဆေးရဲ့လား"
      အစ်ကို့၏ မျက်နှာက ရှုံ့မဲ့သွားသည်။အစ်ကိုက ခေါင်းခါရင်း
"ညနေခင်းကတော့ လူနာဆက်တိုက်ပဲ။ ည ၁၂နောက်ပိုင်း နာရီဝက် တစ်ခါလောက် လူနာလာနေတာ အခုမိုးလင်းတဲ့အထိပဲ"
" PC(police case၊ မှု့ခင်းလူနာ)  ဘယ်လောက်ရလဲ အစ်ကို"
  အစ်ကိုက လက်ငါးချောင်းထောင်ပြသည်။ ကျွန်တော်တို့ဆရာဝန်တွေ ပြင်ပလူနာဌာန၌ အလုပ်ဆင်းစဉ် မမြင်ချင်ဆုံးလူနာမှာ PC case
( မှု့ခင်းလူနာ)တွေဖြစ်သည်။ ဆိုင်ကယ်တိုက်မှု၊ ဓားထိုးမှု၊ ချောင်းရိုက်မှု ၊မုဒိမ်းမှု အစရှိသည့်လူနာများမှာ ကုသပေးရုံနှင့်မပြီးသေး။ဆေးမှတ်တမ်းတွေမှတ်ကာ တရားရုံး၌ ထွက်ဆိုရသေးသည်။ကိုယ့်စရိတ်နဲ့ ကိုယ် တရားရုံးသွားကာ ထွက်ဆိုရပေမယ့် အခန့်မသင့်လျှင်  တရားစွဲခံရသေးသည်။ ဆေးရုံတက်ရသည့်လူနာဆို သက်ဆိုင်ရာဆရာဝန်ကြီး၏ လက်​မှတ်​ ကို သွားထိုးရသေးသည်။သက်ဆိုင်ရာ ဆရာဝန်ကြီးအားတဲ့အချိန်၊ ကိုယ်အားတဲ့အချိန်တွေက မိုးကောင်းကင်ပေါ်က ကျလာတဲ့အပ်နဲ့ မြေပြင်ပေါ်က အပ်တစ်ချောင်းတွေ့ဆုံရန် ခက်ခဲသလိုပင်။ မှုခင်းလူနာတစ်ယောက်ရလျှင် ဆယ်ရက်စာလောက်အိုစာအောင်  စိတ်ရှုပ်မိသည်။
"အဲတာဆို ငါပြန်တော့မယ်"
"ဟုတ်ကဲ့အစ်ကို"
အပြင်ဘက်၌ စောင့်စားနေသော လူနာများကိုကြည့်ရင်း အစ်ကိုက မပြည့်နိုင်သော ဆုတောင်း စကားဆိုသည်။
"အေးဆေးပါစေကွာ"
#################
"ဆရာမ လူနာခေါ်ပေးပါဦး"
"ဟုတ်ကဲ့ဆရာ။ ...
တိုကင်နံပါတ်၁၂"
    မနက်အစောကြီး ရှိသေးပေမယ့် လူနာ ဆယ့်တစ်ယောက် အားပေးသွားပြီပေါ့...။
"အဟွတ်​ အဟွတ်​ အဟွတ်​ "
    ချောင်းဆိုးသံနှင့်အတူ အသက်သုံးဆယ်ဝန်းကျင်အရွယ် အမျိုးသမီးဝင်လာသည်။ စမ်းသပ်ကြည့်တော့ အဖျားမရှိ။တုပ်ကွေးပုံစံနှင့်လည်းမတူ။
မေးခွန်းများစွာ မေးပြီး သကာလ ဂျယ်လီတွေနေ့တိုင်းစားသည်ဟု သိရသည်။
ဆေးတွေပေးကာ ဂျယ်လီမစားဖို့ပြောအပြီး သူမက "ကျွန်မက ဂျယ်လီတော့ မဖြတ်နိုင်ဘူးဆရာ။ ချောင်းဆိုးတိုင်း ဒီကိုလာပြမယ်လေ"
        သူမကို ဘာမှ ပြန်မပြောနိုင်။ လူနာများစွာ ရှိသေးတာမို့ နောက်တစ်ယောက်ကို ထပ်ခေါ်ရသည်။
ထပ်ရောက်လာသည့်လူနာ ခံစားနေရတာက  အဆုတ်ရောင်ရောဂါ။ဆေးရုံကို မဖြစ်​မ​နေ တင်ရမည်။ ပြဿနာက အသက်  က ၁၃နှစ်ပြည့်ဖို့ တစ်ရက်​အလို။ အသက် ၁၃နှစ်အထက်ဆို ဖျားနာဆောင် တင်ရမည်။ အသက်၁၃နှစ် အောက်ဆိုရင် ကလေးကုသဆောင်ကို တင်ရမည်။ မှားယွင်း စွာ တင်ခဲ့ပါက အကြီးတွေ၏ အကြိတ်ခံ(အဆူခံ)ရသေးသည်။ လူနာကိုကြည့်မိတော့ လူကောင်က သေးသေးညှပ်ညှပ်လေး။ ဆယ်နှစ်သား ခန္ဓာကိုယ်နဲ့။
"​ဆေးရုံ တက်ရမယ်။ အဲဒီရုံက ဆရာမေးရင် ကလေးရဲ့ အသက်​ကို ဆယ့်နှစ်နှစ်လို့ပြောပါ။ ဒီက သင်ပေးလိုက်တာလို့လဲ မပြောနဲ့ဦး"
"ဟုတ်ကဲ့ဆရာ"
            လူနာတွေကို တစ်ယောက်ပြီးတစ်ယောက် ကြည့်နေပေမယ့် ကျွန်တော့်အရှေ့က လူနာစာအုပ်ပုံကြီးက လျော့မသွားဘဲ ပိုတိုးလာသည်။
"ရွှီး....ရွှီး.. ..ရွှီး.. ..ရွှီး.. ."
စာအုပ်လာထပ်သည့် လူ ပွေ့ချီထားသော ကလေးထံမှ တရွှီးရွှီး အသက်ရှူသံများကို ကြားရတော့ စမ်းသပ်နေဆဲလူနာကို ခဏ ရပ်ပြီး ကြည့်ရသည်။ ကလေးလေးက အသက်ကို ခက်ခက်ခဲခဲရှူနေရသည်။အသက် တစ်ခါရှူတိုင်း နှာခေါင်းဝလေးက ကားကားသွားပြီး လည်ပင်ကြောလေးတွေကိုထောင်လို့။
"ဟေ့ နေဦး။ ဒီကိုလာခဲ့"
စိုးရိမ်စရာ လူနာမို့ အမြန်ခေါ်ကာ စမ်းသပ်ရသည်။ လေပြွန်ကျယ်စေသည့်ရှူဆေးအမြန်ပေးရသည်။ကလေးကုသဆောင်သို့ အမြန်ပို့ခိုင်းရသည်။ ထိုစဉ် အပြင်၌ စောင့်နေသော လူနာနှစ်ယောက်က အခန်းထဲဝင်လာပြီး
"ဆရာ ကျွန်တော်တို့က အရင်ရောက်နေတာကို ဘာလို့ နောက်မှရောက်တဲ့လူကို အရင်ကြည့်ပေးရတာလဲ"
"အဲဒီလို မျက်နှာမလိုက်ပါနဲ့"
  မေးနေသည့်ပုံစံတွေက မသိလို့မေးနေသည်နှင့်မတူ။ တရားခံ ကို တရားသူကြီးက အမှု့စစ်နေသည့် မျက်နှာထားတွေနှင့်။       မသိလို့နားမလည်လို့ မေးတာပဲဖြ စ်မည်ဟု တွေးကာ အခန်းထဲတွင် ချိတ်ထားသော ဗီနိုင်းကို ထိုးပြရသည်။
"အရင်ရောက်တဲ့ လူနာကို အရင် ကြည့်ပေးတယ်ဆိုပေမယ့် အသက်အန္တရာယ်ရှိတဲ့ လူနာတွေကို ကျော်ကြည့်ပေးရပါတယ်။ အဲ့ဒီ ဗီနိုင်းထဲမှာပါတဲ့ လက္ခဏာ တွေရှိရင် အမြန်ကြည့်ပေးရပါတယ်။ အကြည့်နောက်ကျရင် အသက်အန္တရာယ် ထိခိုက်နိုင်လို့ပါ"
"ဟုတ်ကဲ့ဆရာ ။ မသိလို့ပါ။ "
       သည်စကားက လူနာရှင်တွေရဲ့ လက်သုံးစကားဖြစ်သည်။
လူနာတွေ တစ်ယောက်ပြီး တစ်ယောက်ကြည့်နေခဲ့တာ ဆယ်​နာရီထိုးတဲ့အထိ မနားရသေး။လူနာတင်ယာဉ်ထံမှ အသံတွေကို အတိုင်းသားကြားနေရသည်။
"ဆရာ Brought Dead(​သေဆုံးလူနာ), ဆိုင်​ကယ်​ နဲ့ ကား တိုက်မိတာတဲ့"
         သေဆုံးလူနာ၏ ဆွေမျိုးများငိုသံ က ကမ္ဘာပျက်နေသည့်အလား။ စိတ်မကောင်းဖြစ်ပေမယ့် ဘယ်တတ်နိုင်မလဲ။လောကကြီးမှာ ကိုယ်မတတ်နိုင်တာတွေ အများကြီး ရှိသည်လေ။ ဒုရဲအုပ်တစ်ယောက်ရောက်လာကာ ကျွန်တော့်ကို ဆေးစာအကြောင်းပြန်ဖို့ စာရွက်​ တစ်ရွက်ပေးကာ ပြန်​သွားသည်လူ​သေကို ကြည့်ရှုပြီး  ရေခဲတိုက်ပို့ခိုင်းလိုက်သည်။ မနက်​ဖြန်​ မနက် ဂျူတီ ထွက်တဲ့အချိန်မှာ ရင်ခွဲစစ်ဆေးရမည်။ သေဆုံးရသည့်အကြောင်းအရင်းကို ဆေးစာပေးရမည်။ မနက်​ဖြန်​ က မရောက်သေးပေမယ့် လုပ်ရမည့်အလုပ်က ကြိုလို့နေသည်။
မနက်ဖြန်ဂျုတီထွက်ချိန်တောင် မထွက်ရတော့မယ့် ဘဝပါလားလေ။စိတ်ညစ်သွားမိသည်။ခပ်ညစ်ညစ်တွေးမိပြန်သည်။
တစ်နေ့အလုပ်ချိန်က ၂၄နာရီကျော်တော့ ရော သည်လစာပဲ မဟုတ်လား။  ကျန်နေတဲ့ လူနာတွေကို အားတင်ကာ ဆက်ပြီးကြည့်ရင်း ဗိုက်က တဂွီဂွီမြည်လာသည်။ ​ရေအဝ​သောက်​ကာ လူနာ​တွေကို ဆက်​ကြည့်​ရသည်​။
လူနာတွေ က တစ်ယောက်ပြီး တစ်ယောက်......။
#####
အသံ​တွေ၊ အသံ​တွေ ။လူနာတင်​ယာဉ်​က လာတဲ့ အသံ​တွေ က ကျွန်​​တော့်နားထဲ တိုးဝင်​လာသည်​။
ဒါ အိပ်​မက်​ မက်​​နေတာပဲ ​နေမှာလို့ အိပ်​ငိုက်​​နေတဲ့ စိတ်​ကို အား​ပေးကာ ​တွေးလိုက်​မိ​ပေမဲ့ စားပွဲခုံ ​ပေါ် ​လက်​တင်​၊ လက်​​ပေါ် နဖူးတင်​ပြီး မှိန်းအိပ်​အိပ်​​နေရာက အမြန်​ခေါင်း​ထောင်​လိုက်​ရသည်​။  လူနာ​တွေရှင်းသွားတုန်း ခဏနားရင်း ​မှေးခနဲ အိပ်​ငိုက်​သွားတာဖြစ်​သည်​။ လူနာတင်​ယာဉ်​က လာတဲ့ အသံ​တွေက တဝီဝီမြည်​​နေမြဲ။
လက်​အိတ်​အမြန်​ဝတ်​၊ ပခုံး​ပေါ် နားကြပ်​တင်​၊​သွေး​ပေါင်​တိုင်း ကိရိယာ ကို ကိုင်​ပြီး အသင့်​အ​နေထား ​စောင့်​​နေမိသည်​။
"ဆရာ ​တောင်​​ပေါ်တက်​တဲ့ တုတ်​တုတ်​(သုံးဘီးဆိုင်​ကယ်​)နဲ့ ​တောင်​​ပေါ်ကဆင်းလာတဲ့ ဆိုင်​ကယ်​ တိုက်​မိတာတဲ့"
အကူလုပ်​သား ​မောင်​​မောင်​က လက်​အိတ်​ ဝင်​ဝတ်​ရင်း ​ပြောသည်​။
နာမှုကူညီ​ရေးအသင်းက လူ​တွေက
လူနာ​တွေကို လူနာတင်​အိပ်​ရာနှင့်​ တစ်​​ယောက်​ပြီး တစ်​​ယောက်​ သယ်​လာသည်​။
တစ်​၊ နှစ်​၊ သုံး၊​လေး.......ကိုး၊တစ်​ဆယ်​။ စုစု​ပေါင်း ဆယ်​​ယောက်​။ ​သွေးသံရဲရဲ ​တွေနှင့်​။
"ဆရာ​လေးရယ်​ ။အဘွားကို ကယ်​ပါဦး။"
"ကျ​နော့်​ သမီးကို အရင်​ကြည့်​​ပေးပါ"
"အ​ဖေက ​ခေါ်လို့မရ​တော့ဘူး။ ဆရာ မြန်​မြန်​ ကြည့်​​ပေးပါ"
"ကယ်​ပါဦးဆရာ"
"အား...နာလိုက်​တာ။ မြန်​မြန်​ သက်​သာ​အောင်​ လုပ်​​ပေးကြပါ"
"ဟမ်​စိုင်း မင်းစိတ်​​တွေ ​ယောက်​ယက်​ခတ်​ ​နေလို့မဖြစ်​ဘူး။ အ​ရေးကြီးဆုံးလူနာကို အရှင်​ရှာ။လုပ်​သင့်​တာလုပ်​။ ကုသ​ဆောင်​ ထဲ ပို့"
ကိုယ့်​ကိုယ်​ကို စိတ်​ထဲက​နေ ကျွန်​​တော်​ အား​ပေးစကား ဆိုလိုက်​သည်​။
နဖူးက​နေ ​သွေး​တွေ စီးကျ​နေတဲ့ အဘွားတစ်​ဦး ကို အရင်​ကြည့်​လိုက်​သည်​။
ဖြစ်​တဲ့​နေရာမှာ သတိလစ်​ခြင်းမရှိ။ ​မေးမြန်းတာ​တွေ အကုန်​​ဖြေနိုင်​။သွေး​ပေါင်​၊​သွေးခုန်​နှုန်း၊အသက်​ရှူနှုန်း အားလုံး အ​ခြေအ​နေ​ကောင်း။ ဘယ်​ညှပ်​ရိုး​တော့ကျိုး​နေသည်​။
နောက်​တစ်​​ယောက်​...
နောက်​တစ်​​ယောက်​.. ..
နောက်​ထပ်​တစ်​​ယောက်​...
ကျွန်​​တော်​၊ သူနာပြုဆရာမ​တွေနှင့်​ ​ဆေးရုံလုပ်​သား ၊ တစ်​​ယောက်​မှ မနားရ။ဆလိုင်းပုလင်းချိတ်​၊အနာ​တွေသန့်​ရှင်း​ရေးလုပ်​၊ ဓာတ်​မှန်​ရိုက်​ဖို့ လွှတ်​တဲ့လူနာကို လွှတ်​၊ ကုသ​ဆောင်​ ထဲ ပို့သင့်​တဲ့လူနာကိုပို့၊ မန္တ​လေးကို လွှဲရမဲ့လူနာကို လွှဲ၊ချုပ်​ရမဲ့လူနာကို ချုပ်​​ပေး နဲ့ အရာအားလုံး ကို ခဏတာ ​မေ့​လျော့ သွားပါသည်​။
"ဒီ​ဆေးရုံက မန္တ​လေးပဲ လွှဲ​နေတာပဲ။ မကုနိုင်​ရင်​ ပိတ်​ထားလိုက်​ပါ့လား"
ဆေးရုံ ​ရောက်​လာကတည်းက အမြန်​စမ်းသပ်​ပြီး လိုအပ်​တဲ့ ကုသမှု ​ပေးကာ မန္တ​လေး ​ဆေးရုံ ကြီးသို့ လွှဲထားသည့်​ လူနာ၏ လူနာ​စောင့်​​တွေထံမှ ထွက်​​ပေါ်လာသည့်​ အသံဖြစ်​သည်​။
ကျွန်​​တော်​ ကြား​စေချင်​လို့ တမင်​​ပြောတဲ့စကားလား။ သူတို့ဘာသာ ​ပြောတဲ့စကားလား။ လူနာတစ်​​ယောက်​ ၏ ​ခေါင်းကို ချုပ်​​နေတုန်းမို့ ဘာစကားမှ ​ပြောခွင့်​မသာခဲ့။ထိုလူနာမှာ ဦး​ခေါင်းခွံရိုးကျိုးကာ ဦး​ခေါင်းခွံထဲ ​သွေးယိုစီးသည့်​ လက္ခဏာ ​တွေရှိသည်​။ ဦး​နှောက်​နှင့်​အာရုံ​ကြော ​ခွဲစိတ်​ အထူးကုဆရာဝန်​ကြီး နှင့်​ အမြန်​ဆုံး ခွဲစိတ်​ကုသဖို့လိုအပ်​သည့်​ လူနာဖြစ်​​ကြောင်း၊ ဒီနိုင်​ငံမှာ ဦး​နှောက် ခွဲစိတ်​ အထူးကုဆရာဝန်​ကြီး ​တွေ ရှားပါး​ကြောင်း၊ဒီ​ဆေးရုံမှာ လည်း မရှိတာမို့ လွှဲရတာဖြစ်​​ကြောင်း ထိုလူနာ​စောင့်​​တွေကို အာ​ပေါက်​မတတ်​ ရှင်းပြခဲ့ပြီးသားမို့ စိတ်​မ​ကောင်းဖြစ်​မိသွားသည်​။ "ဆရာဝန်​ အလုပ်​က ပိုက်​ဆံ လည်းရ ဝမ်းလည်းဝတဲ့ အလုပ်​ပါ"လို့ ​ပြောဖူးတဲ့ လူ​တွေကို "စိတ်​ထား မထားတတ်​ရင်​ ​နေ့တိုင်း အကုသိုလ်​ ​တွေ ရတဲ့အလုပ်​ပါ​ဗျာ"လို့ ပြန်​​ပြောချင်​​နေမိသည်​။

ဆိုင်​ကယ်​သမား လူနာကို ​ဦး​ခေါင်းဓာတ်​မှန်​ရိုက်​ဖို့ လွှတ်​​တော့ အခက်​ကြုံရပြန်​သည်​။ ​ဆိုင်​ကယ်​သမားမှာ လူနာ​စောင့်​ ပါမလာ။ဆေးရုံ လုပ်​သားက လူနာတစ်​​ယောက်​ ကို ခွဲစိတ်​​ဆောင်​ လိုက်​ ပို့​ပေးချိန်​ဖြစ်​သည်​။
"အစ်​ကိုတို့ ဒီလူနာကို ဓာတ်​မှန်​ရိုက်​​ပေးဖို့ ကူညီ​ပေးပါဦး"
လူမှုကူညီ​ရေး အသင်းက လူ​တွေကို ကျွန်​​တော်​ အကူညီ​တောင်းလိုက်​သည်​။ထိုလူ​တွေထဲမှ ​ခေါင်း​ဆောင်​ ဖြစ်​ပုံရသူက
"မင်းတို့ ​ဆေးရုံ က အလုပ်​သမား ​တွေ ဘယ်​​ရောက်​​နေလို့လဲ။ ငါတို့က တခြား​နေရာသွားရဦးမှာ။ မအားဘူး"
စိတ်​ထဲ ​​ဒေါသပိုးက ​ခေါင်း​ထောင်​လာ​သည်​။ နာမှုကူညီ​ရေးအသင်းက လူအများစုက အခုလို အကူညီ​တောင်းရင်​ ကူညီကြတာများပါသည်​။ သည်​လူ​တွေက​တော့.......။
ပရဟိတ ဆိုတာ ဘာလဲ။ ​ရောက်​ကတည်းက ဓာတ်​ပုံ​တွေ တဖျပ်​ဖျပ်​ ရိုက်​​နေခဲ့ပြီး Facebook ​ပေါ် တင်​ဖို့ပဲလားလို့ စိတ်​ထဲက ​အော်​​ပြောမိ​ပေမဲ့
"အကူလုပ်​သားက ခွဲစိတ်​​ဆောင်​ လိုက်​ပို့​နေလို့ပါ" ဆိုတဲ့စကားသာ ထွက်​ကျလာသည်​။ ဘာမှ မ​ပြော​တော့ဘဲ ကျွန်​​တော်​လုပ်​ရမဲ့ အလုပ်​​တွေသာ ဆက်​လုပ်​​နေမိသည်​။
       ဒုရဲအုပ်​ ​ရောက်​လာကာ ​လူနာနာမည်​​တွေနဲ့ စာရွက်​​တွေ တစ်​ထပ်​ကြီး​ပေးသွားသည်​။လူနာ​တွေရဲ့ ​ဒဏ်​ရာ အတိမ်​အနက်​၊ သာမန်​လား၊ ပြင်းထန်​လား ​ရေး​ပေးပြီး တရားရုံး မှာ
ထွက်​ဆိုရ​ပေဦးမည်​။
#######
"ခွေးရူးပြန် ကာကွယ်​ ဆေးထိုးချင်လို့ပါ"
        နေ့လည် ၂ နာရီတွင် နေ့လည်စာစားပြီးပြီးချင်း  လူနာကြည့်နေခိုက် ခပ်ဝဝ အမျိုးသမီးတစ်ဦးက ကလေးငယ်ကိုချီလာရင်း ပြောသည်။ ခွေးကိုက်သည်ဆိုတော့ ကြည့်လက်စလူနာကို ခဏရပ်ပြီး ကြည့်လိုက်သည်။  ခွေးကိုက်ဒဏ်ရာ ကြီး မကြီး ၊သွေးထွက် မထွက် အမြန်ကြည့်လိုက်သည်။
"ဒဏ်ရာက ဘယ်နားမှာလဲ။ ဘယ်နားကို ကိုက်မိတာလဲ။ဘယ်ချိန်ကလဲ"
"မနက်အစောကဆရာ။ ဒီနားဆရာ"
      ကလေးမိခင်ဖြစ်ဟန်တူသူက ကလေးမ၏ ​ဘောင်းဘီ ကို အထက်လှန်ပြရင်း ပြောသည်။ ကျွန်တော်ကြည့်မိတော့ ပွန်းပဲ့ ဒဏ်ရာတောင်မတွေ့။ရောင်နေတာလည်းမတွေ့။ အရက်ပျံနှင့်ထိကြည့်တော့လည်း နာကျင်သည့်ပုံမပေါ်ပါ။
"ခွေးကိုက်ဒဏ်ရာလည်းမတွေ့ပါလား။ အိမ်ခွေးလား။ လမ်းခွေးလား၊ခွေးကောင်းလား၊ခွေးရူးလား"
"အိမ်ကမွေးထားတဲ့ ခွေကောင်းကကိုက်တာ။ဂျင်းဘောင်းဘီပေါ်ကနေကိုက်တော့ မပေါက်သွားဘူး"
ဘောင်းဘီကလည်း ပေါက်ပြဲမနေ။
"ပွန်းပဲ့ဒဏ်ရာလည်း မရှိတော့  ခွေးရူးပြန် ကာကွယ်​ ဆေးထိုးစရာ မလိုပါဘူး"
        ထို အမျိုးသမီး၏ မျက်နှာက အနည်းငယ်ခက်ထန်သွားသည်။
"အို ​
ခွေးရူးပြန် ကာကွယ်ဆေး တွေ နိုင်ငံတော်က အခမဲ့ထိုးပေးနေတယ်ဆိုတာ
ရေဒီယို တွေမှာ ​ကြေညာနေတာပဲ။ကျွန်မ ကလေးကို ထိုးပေးပါ"
"ဆေးထိုးပေးတာ ဟုတ်​ပါတယ်​ ။အန်တီကလေးက ထိုးစရာမှမလိုတာ။ မလိုဘဲဆေးထိုးရင် တကယ်လိုအပ်တဲ့လူနာကျ ဆေးတွေ မရတော့ဘူးဗျ။ နိုင်ငံတော်က အခမဲ့ပေးတာ ဟုတ်​ပါတယ်​ ။"
"ကျွန်မ ကလေးကို ထိုးပေးပါဆရာ"
နိုင်ငံတော်က ပေးသည့်ဆေးက ခွေးကိုက်ခံရသောလူနာ အတွက်သာ။ ထိုးချင်တဲ့လူတိုင်းကို ကြိုတင်ကာကွယ်ဆေးထိုးပေးလို့ မရပေ။သို့ပေမယ့် ကျွန်တော်က ဆရာမကို ခေါင်းညိတ်ပြတော့ ဆရာမက ဆေးသွားထုတ်သည်။
ခဏအကြာ ဆရာမက ကျွန်တော်နားကပ်ပြီး ခပ်တိုးတိုးစကားဆိုသည်။
"ဆရာ ဆေးက မနက်အစောကတည်းက ကုန်သွားပြီတဲ့"
"ဆေး စတိုမှာရော"
"ပြတ်နေတယ်တဲ့။မနက်ဖြန်မှ ရောက်မယ်တဲ့"
လူနာရှင် အမျိုးသမီးဘက် လှည့်လိုက်ရင်း
"ဆေးက ဒီဆေးရုံမှာ ပြတ်နေတယ်တဲ့ ။အန်တီအနေနဲ့ ဒီနေ့ ထိုးချင်သပဆိုရင် အပြင်က ဆေးဝယ်ခဲ့ပါ။ ထိုးပေးမယ်။ ။ တစ်လုံးကို နှစ်သောင်းကျော်လားပဲ။"
        ထိုအမျိုးသမီးက ရှူးရှူးရှဲရှဲ ဖြစ်သွားသည်။မကျေနပ်သည့်မျက်နှာထာ
နှင့်
"ဆရာလေး နာမည်က"
"ကျနော်နာမည် ဒေါက်တာဟမ်စိုင်းပါ"
"နိုင်ငံတော်က အခမဲ့ပေးတာတောင် စေတနာ တရားခေါင်းပါးတဲ့ ဆရာဝန် ။ဖေ့ဖွတ်ပေါ် တင်မယ်"
    ကျွန်တော် ထိုအမျိုးသမီး၏ မျက်ဝန်းကို ကြည့်​ပြီး ပြုံးပြလိုက်ရင်း
"တင်ပေါ့အန်တီရယ်။ခဏနော်"
        ဘေစင်ကိုသွားပြီး မျက်နှာအမြန်သစ်လိုက်သည်။ထိုင်ခုံဆီပြန်လာထိုင်၊ အင်္ကျီကို ဆန့် ခါးမတ်မတ်ထား နားကြပ်ကို လည်ပင်းချိတ်ကာ လက်ညှိုးနှစ်ချောင်းထောင်ပြီး
"ရိုက်လို့ရပြီအန်တီ"
ဟုတ်​တယ်​​လေ ။တစ်ရက်အတွင်း ဖေ့ဖွတ်မှာ like ပေါင်းများစွာ share ပေါင်းများစွာနဲ့ facebook အဆဲခံ ဆယ်လီဖြစ်မယ့် ဓာတ်​ပုံ မှာ အဆီတဝင်းဝင်းမျက်နှာကြီး ပါသွားလို့ ဘယ်ဖြစ်ပါ့မလဲ။ ကျွန်တော် SMART ကျပြီး ချောမောနေဖို့ လိုတာ​ပေါ့ ။ဖုန်းကိုင်ထားသည့် ထိုအမျိုးသမီးလက်က အနည်းငယ် တွန့်သွားသည်။
"ဘယ်လိုဆရာဝန်လဲ မသိဘူး။
လာ သမီးပြန်ကြမယ်"လို့ ပြောပြီး သူ့သမီးကို ပွေ့ချီကာ ခပ်သွက်သွက် ပြန်သွားကြသည်။ "ဆရာဝန်ကို စိတ်တိုလိုလား အခမဲ့ မရလို့လား မသိဘူးဆရာရေ"
ဆရာမကပြောတော့ ကျွန်တော်ပြုံးမိသေးသည်။လူနာတွေကို အခမဲ့ဆေးတွေပေးနေပေမယ့် ​ဆေးရုံ က ဝန်ထမ်းအားလုံးစေ့အောင် နေစရာတောင် မပေးနိုင်သေး။
ဦးစီးအရာရှိရာထူးနဲ့ ကျွန်​​တော်​ကိုယ်​တိုင်​ အပြင်​မှာ
အ​ဆောင်​ငှါး​နေရသည်​။စေတနာ ခမ်းသွားတာ မဟုတ်ပေမယ့် ပုထုဇဉ်​ ပီပီ တစ်ခါတလေ ဒေါသထွက်မိသည်။ အတွေ့အကြုံတွေ လိုချင်လို့ ဝင်လာသူတစ်ဦးအတွက်
အထူးကုဖြေချင်လို့ ဝင်လာသူ
   မဟုတ်တဲ့အတွက်   အလုပ်ကထွက်ရတော့ရော မက်လောက်စရာ ရှိရဲ့လား။
ဆေးတွေ အမြဲမပြတ်ရှိနေဖို့ကရော......။ဟင်း..။
အတွေးတွေကို ဘေးဖယ်ပြီးလူနာတွေကြည့်ရသည်။
"သည်လူနာကို ဖျားနာဆောင် ပို့ဟေ့"
      မြွေကိုက်ခံရသည့်လူနာ(ဘာမြွေလည်း မသိ။ထွက်ပြေးသွားသည်ဟု ဆိုသည်)ကို ဖျားနာဆောင် ပို့ခိုင်းရသည်။ မိုးလေး မစုိ့မပို့ရွာတော့ မြွေတွေထွက်လာသည်ထင်။
"ဟိုလူနာက ခွဲစိတ်ဆောင် ။သူက အရိုးကုသဆောင်"
ဆိုင်ကယ်မှောက်ပြီး ရောက်လာသည့် လူနှစ်ဦးကို အမြန်ကြည့်ပြီး ကုသဆောင် အသီးသီးသို့ ပို့ခိုင်းရသည်။နှစ်ယောက်စလုံး ဦးထုပ်မပါ။ခေါင်းတွေပေါက်ပြဲနေသည်။အရက်နံ့က တထောင်းထောင်းထလို့။ အပြစ်တင်သလိုတွေးမိတော့ ကိုယ်​တိုင်​ တောင် ဆိုင်​ကယ်​ စီးတိုင်း ဦးထုပ် မပါတာတွေးမိတော့ မဆူဖြစ်တော့။
"ဆရာ ​ဆေးမထိုးလို့ မရဘူးလား။ များ​က ​ဆေးထိုးအပ်​ အရမ်း​ကြောက်​တာ ဟင့်​..."
တစ်​ကိုယ်​လုံး တက်​တူးအပြည့်​ထိုးထားတဲ့ လူနာက ခပ်​နွဲ့နွဲ့ ခပ်​ချွဲချွဲ စကားဆိုသည်​။ ထိုလူက ​ကမ်းနားဘက်​ လမ်​လျှောက်​ရင်း ​ခြေ​ထောက်​ကို သံစူးမိကာ ​ဆေးရုံသို့​ရောက်​လာတာ ဖြစ်​သည်​။
"အဲ့တာဆို တက်​တူးကျ ဘာလို့ထိုးထား​သေးလဲ။ ထိခိုက်​ဒဏ်​ရာရတိုင်း ​မေးခိုင်​ကာကွယ်​​ဆေး က​တော့ မဖြစ်​မ​နေထိုးရမယ်​"
"ဟင့်​ အင့်​...
တက်​တူးထိုးတာက​လေ....
 များက လှချင်​လို့​ပေါ့ ရှင်​။
အဲ မှားသွားလို့။ လှချင်​လို့ပါဗျာ"
စိတ်​ထဲ ပြုံးမိ​ပေမဲ့ အပြုံးက နှုတ်​ခမ်းထိ ​ရောက်​မလာ ။လူနာ​တွေက စုပုံ​နေ၍ဖြစ်​သည်​။
နောက်​ထပ်​ လူနာတစ်​ဦးကို ထပ်​ကြည့်​ရသည်​။
သွေးအန်​၊ ​သွေးဝမ်းသွားတဲ့လူနာ။
ဆေးမှတ်​တမ်း​တွေ ကြည့်​လိုက်​​တော့​ ​ဆေးရုံတက်​လိုက်​ သက်​သာတာနဲ့ ပြန်​ဆင်းလိုက်​ လုပ်​​နေတဲ့ အရက်​သမားဖြစ်​​နေသည်​။ ​ဆေးရုံ ကဆင်းရင်​ အရက်​ လုံးဝ မ​သောက်​ရဘူးလို့မှာလိုက်​ပြီးသားပဲ။ သူ့ဘာသာ သူ ထပ်​​သောက်​ပြီး ဒုက္ခ ​ရောက်​တာကို ပြစ်​ထားလို့လည်း မရပြန်​ဘူး။
အမြန်​ဆုံးစမ်းသပ်​ ပြီး ခွဲစိတ်​​ဆောင်​ကို ပို့ခိုင်းရသည်​။
"ဒီ​ဆေးက မနက်​တစ်​ကြိမ်​ ညတစ်​ကြိမ်​။ ၁...၁​လို့ ​ရေး​ပေးထားတယ်​။ ဒီ​ဆေးက မနက်​ တစ်​ကြိမ်​ ​နေ့လည်​ တစ်​ကြိမ်​ ညတစ်​ကြိမ်​ ၁...၁...၁..လို့ ​ရေး​ပေးထားတယ်​။ ဒီ
နှစ်​မျိုးက​တော့ ဒီမှာ မရှိလို့ အပြင်​က ဝယ်​​သောက်​ရမယ်​"
သူနာပြုဆရာမ​လေး က လူနာကို ရှင်း​ပြ​နေသည်​။လူနာ၏ ​ဘေးကလိုက်​လာသည့်​ လူကခက်​ထန်​​နေသည့်​ မျက်​နှာနှင့်​ "​အစိုးရက ကြော်​ငြာ ထား​တော့ ​ဆေးအားလုံး အခမဲ့ဆို ဘာလို့ ဒီ​ဆေး​တွေကို အပြင်​က ဝယ်​ခိုင်းတာလဲ"
"အခမဲ့ ​ပေးတဲ့ ​ဆေး​တွေ ထဲ အဲ့​ဆေး​တွေ မပါပါဘူး။ လူနာ နဲ့ သင့်​​တော်​မဲ့ ​ဆေးကို ညွှန်​ရတာမို့ပါ။ လိုချင်​ရင်​ ဒီစားပွဲ​ပေါ်က ကြိုက်​တဲ့ ​ဆေး ယူလို​ရတယ်​။ဒါ အခမဲ့​ပေးထားတဲ့ ​ဆေး​တွေ။ယူသွားပါ"
ကျွန်​​တော့်စိတ်​ထဲ အချဉ်​​ပေါက်​ပြီး ဝင်​​ပြောလိုက်​မိသည်​။ လူနာက
"ရပါတယ်​ဆရာ​လေးရဲ့။ ဝယ်​လိုက်​ပါ့မယ်​"လို့ ဝင်​​ပြောရှာသည်​။ လူနာ​စောင့်​​က ​ပေ​ကပ်​ကပ်​ကြည့်​ကာ ထွက်​သွားသည်​။
ကမ္ဘာမှာ နိုင်​ငံသူ နိုင်​ငံသားတွေဆီက အခွန်​မ​ကောက်​ဘဲ အခမဲ့ကုသ​ပေးတာမြန်​မာနိုင်​ငံပဲ ရှိမည်​။ဒါ​ပေမဲ့ ​ဆေးအားလုံး ​တော့ မ​ပေးနိုင်​။ ဟိုဟာ မနိုင်​ဘဲ ဟိုဟင်း​သောက်​သလို ဖြစ်​​နေပြန်​သည်​။ အကျိုးဆက်​အ​နေနဲ့ ဝန်​ထမ်းနှင့်​ပြည်​သူ​တွေကြား ပွတ်​တိုက်​မှုက မကြာခဏ ဖြစ်​လာ​တော့သည်​။
"ကလင် ကလင်"
ဆရာမက ဖုန်းထကိုင်သည်။
"ဆရာ EMO(ပြင်​ပလူနာအ​ရေး​ပေါ်ဌာနမှ တာဝန်​ကျဆရာဝန်​)နဲ့ ပြောချင်လို့တဲ့"
ထိုင်ရာကထ ဖုန်းဆီသွား
"ဟယ်​လို တာဝန်ကျ ဆရာဝန်​ပါ"
"ဟုတ် ဆရာစိုင်းလား ။ကျနော် ကျော်မင်း ပါ။ ဆရာစိုင်း Surgical ward(ခွဲစိတ်​​ဆောင်​)ကိုတင်လိုက်တဲ့ လူနာကလေ fracture ulnar(လက်​ဖျံရိုး ကျိုး) ကြီးနဲ့ ။ခေါင်းက ဒဏ်ရာတွေက ချုပ်ပေးပြီးပြီ။ အဲတာ Ortho ward(အရိုး​ကုသ​ဆောင်​) ကို ပြောင်းပေးပါ့လား"
"မဟုတ်​ဘူး အကို။အဲ့လူနာက head injury(​ခေါင်းကိုထိခိုက်​ခြင်း) အပြင် ILOC(ဒဏ်​ရာရစမှာ သတိလစ်​​မေ့​မြောခြင်း)ဆယ့်ငါးမိနစ်ရှိလို့ အဲ့ward(ကုသ​ဆောင်​)တင်လိုက်တာ။ortho(အရိုးကုသ​ဆောင်​)ကို referပြလိုက်ပါ့လား"
"ဟုတ်ကဲ့ ဆရာစိုင်း ​ကျေးဇူးနော်"
"ဟုတ်။ကျေးဇူးပါဆရာ"

############
           ညခင်း ၇ နာရီ နောက်ပိုင်းတွင် လူနာအလာကျဲသွားသည်။ ပါလာတဲ့ ဝတ္ထုတိုစာအုပ်ကို ဖတ်နေမိသည်။ ထိုအချိန်တွင် ​ဆေးရုံ အလုပ်သမားက ဝီးချဲလ်ပေါ်တွင် အမျိုးသမီး တစ်ဦးကိုတင်ပြီး တွန်းလာသည်။ ထိုအမျိုးသမီး၏ မျက်နှာက မခံမရပ်နိုင်အောင် နာကျင်နေသည့်ပုံ။
"ဘာဖြစ်လာလို့လဲ"
ကျွန်တော့် အမေးကို ပြန်ဖြေပေးဖို့ အတော်လေး အားယူနေရသည့်ပုံ။သူမ၏ ဗိုက်ကို လက်ညှိုးထိုးပြသည်။ကျွန်တော်ထိုင်နေတဲ့ နေရာက သူမ၏ဗိုက်ကို မမြင်ရ။
ဘေးကအတူပါလာသည့် လူနာစောင့်က
"ကလေး မီးဖွားချင်လို့ဆရာ။ ရေမွှာပေါက်သွားပြီ"
မဗိုက်ကို အမြန်ထကြည့် ပြီး
"ညီလေး ရေ OG မြန်​မြန်​ ပို့ဟေ့။Admissionစာရွက်က နောက်မှပို့။"
     သည်နေ့အတွက် Wardငါးခုလုံး လူနာစုံပြီပေါ့။စာအုပ်ပြန်ဖတ်မည်ကြံခိုက် လူနာတင်ယာဉ်သံကြောင့် သတိမတ်မတ်အနေအထားကို ပြောင်းထိုင်ရင်း လာမည့်လူနာကို စောင့်နေရသည်။ရောက်လာသည့်လူနာက မလိုချင်သည့် Brougt Dead။ မန္တ​လေး ကနေ သည်မြို့ကတည်းခိုခန်းမှာ စမောလာဆွဲရင်း သေဆုံးသွားခြင်းဖြစ်သည်။ ကာမဆေးတွေသုံးလို့လား။ နှလုံး​ရောဂါ အခံရှိနေလို့လာ့း။ သွေးရိုးသားရိုးသေတာရော ဖြစ်နိုင်ပါ့မလား။
အတွေးများစွာနှင့် လူနာကို ကြည့် မှတ်တမ်းတင်ပြီး သေဆုံးသူကို ရေခဲတိုက်သုိ့ ပို့ခိုင်းရသည်။သေဆုံးသူ နှစ်ယောက်တောင် PM(​သေဆုံးပြီး ရင်​ခွဲစစ်​​ဆေးခြင်း)လုပ်ရမည်ဆိုတော့ မနက်​ဖြန်​ မနက် ကိုးနာရီ ချိန်းထား တဲ့ ကိစ္စတော့ ပျက်ပြန်ပြီပေါ့။ ​သေဆုံးလူနာကို ​ရေခဲတိုက်​ထဲ မပို့ခင်​ ပြဿနာ ကြုံရပြန်​သည်​။ ​သေဆုံးလူနာ၏ မိသားစု ဝင်​​တွေက လူနာကို ရင်​ခွဲ စစ်​​ဆေး​ခြင်း မပြုဘဲ အိမ်​ကို ပြန်​​ခေါ်လိုကြသည်​။ မိသားစု အင်းအားက အ​​ယောက်​၂၀ခန့်​ရှိသည်​။ မှု့ခင်းလူနာမို့ ရင်​မခွဲဘဲ မစစ်​​ဆေးဘဲ ​သေဆုံးရခြင်းရဲ့ အ​ကြောင်းအရင်းကို ထွက်​ဆိုလို့ မရ​ကြောင်း၊ ​ဆရာဝန်​၏ ​​ထင်​မြင်​ချက်​မပါရင်​ ပင်​စင်​စာအုပ်​ကစ သင်္ဂြိဟ်​​တဲ့ အထိပါ ဒုက္ခ ​ရောက်​မည်​ဖြစ်​​ကြောင်း ရှင်းပြ​နေ​ပေမဲ့ မဖြစ်​မ​နေ ပြန်​​ခေါ်သွားမည့်​ပုံစံ​တွေက မ​ပြောင်းလဲ။ တချို့ လူ​တွေဆီမှာ ​လူနာကိုပြန်​ မသယ်​ရရင်​ ကျွန်​​တော်​တို့ကို​ ရန်​ပြုနိုင်​တဲ့ အပြုအမူ​တွေ ​တွေ့လာရသည်​။ ရဲစခန်းကို အမြန်​ဖုန်းဆက်​ရသည်​။ ဒါက...ရဲ​တွေ ​ဖြေရှင်းရမဲ့ အလုပ်​​တွေ။ကျွန်​​တော်​၊ သူနာပြုဆရာမနှင့်​ ​ဆေးရုံ လုပ်​သား ​တွေအတွက်​ လုံခြုံ​မှု မရှိတဲ့​နေရာကို ​ရောက်​​နေသည်​ဟု ထင်​မြင်​ခံစားမိ​တော့ စိတ်​ထဲ ​​ချောက်​ချားသွားမိသည်​။ရဲ​တွေ​ရောက်​လာမှ မဖြစ်​မ​နေ အ​လောင်းပြန်​သယ်​မဲ့  ကိစ္စက အဆင်​​ပြေသွားသည်​။မိသားစုဝင်​​တွေက လူနာကို ရင်​ခွဲစစ်​​ဆေးဖို့ သ​ဘောတူကြသည်​။
"ဖလပ်"
ဓာတ်​ပုံ ရိုက်လိုက်သည့် မီးအလင်းကြောင့် ဓာတ်ပုံရိုက်သူကို လိုက်ရှာရသည်။ အသက်၄၀ခန့် လူတစ်ဦးက သေဆုံးသူအား  သယ်နေတဲ့ပုံတွေကို ရိုက်နေသည်။
"ဒီမှာ ။ဦးလေး ​ဆေးရုံ မှာ ခွင့်မတောင်းဘဲ ဓာတ်​ပုံ ရိုက်လို့မရဘူးဗျ"
ထိုလူ၏ မျက်ဝန်းများက ရဲရဲတောက်နေသည်။ ကျွန်တော့်အရှေ့ဘက်ဆီသို့ လျှောက်လာသည်။ ထိုလူ့ဆီမှ အရက်နံ့က ကျွန်တော့်နှာ​ခေါင်း ဆီ တိုးဝင်လာသည်။ထိုလူက ကဒ်တစ်ခု ထုတ်ပြပြီး
"ကျနော် "ဖွကြမယ်"ဂျာနယ်​ က သတင်းထောက်ပါ။ ဘယ်နေရာမဆို ဓာတ်​ပုံ ရိုက်ခွင့်ရှိတယ်"
"ဒါ ​ဆေးရုံ ပါ။ဆေးရုံမှာ ​ဆေးရုံ စည်းကမ်းလိုက်နာပါ။ရိုက်ချင်ရင် ​ဆေးရုံ အုပ်ဆီ ခွင့်သွားတောင်းပါ"
"မင်းနာမည် ဘယ်​သူ တုန်း။ သတင်းစာ ထဲ ထည့်ရေးပစ်မယ်။ ဘာမှတ်နေလဲ"
"ဦးလေး ကဒ်လည်း ပြပါ။ ကျွန်တော်လည်း ဦးလေးအတွက် ဆောင်းပါးရေးပြီး ဦးလေးတို့ "ဖွကြမယ် "ဂျာနယ်​ ကို ပို့ပေးမယ်"
"ဟမ် မင်းကစာရေးဆရာလား။"
"ဦးလေး မူးပြီး ဓာတ်ပုံတွေရိုက်နေတဲ့ ပုံကို ကျနော် ကင်​မရာ နဲ့ video ရိုက်ထားတယ်"
တကယ် မဟုတ်ဘဲ နည်းနည်းပါးပါး ဖိန့်လိုက်ရသည်။
"အဲ့လို မလုပ်နဲ့ငါ့တူ။ဦး ဖုန်းထဲက ပုံတွေ ပြန်ဖျက်ပေးမယ်။ ငါ့တူလည်း အဲတာကိုdeleteလုပ်ပေး"
ခေါင်းညိတ်ပြရင်း တခြား လူနာတွေကို ဆက်ကြည့်ရသည်။
     ည ဆယ်နာရီအထိ လူနာ က ခပ်ကျဲကျဲလာနေတုန်းပင်။ ည ဆယ့်တစ်နာရီ လူနာ မလာတော့သည်မို့ နားနေခန်းထဲဝင် ကုတင်​ ပေါ် ​ခြေပစ်​လက်​ပစ်​ လဲလိုက်မိသည်။ ခါးဆန့်လိုက်တော့ အရိုးတွေဆီမှ တဖြောက်ဖြောက် မြည်လာသည်။ တစ်နေကုန် Facebookမဖွင့်ရသေးတာမို့ ဖွင့်ကြည့်မိတော့ တက်လာသည့်သတင်းက ဆရာဝန်တစ်ယောက်ကို ပိုက်​ဆံ ၇သိန်းစိုက်ပြီး ခွဲစိတ်​ခန်း လုပ်သင့်သည်တဲ့။ ရတဲ့လစာက တစ်လ နှစ်သိန်းခွဲ။အဆောင်စရိတ် ၊စားစရိတ်တွေနဲ့ တစ်ကိုယ်ရည်သုံးစရိတ်တွေ လောက်ငရုံပင်။ အိမ်တောင် ပြန်မပေးနိုင်။

ဖုန်းကြည့်နေရင်းက ​မှေးခနဲ အိပ်ပျော်သွားသည်။
"ဒေါက် ဒေါက် ဆရာ လူနာလာတယ်"
နာရီ ကြည့်မိတော့ မနက်​ ၁နာရီ ၅၀ ။မေးကြည့်တော့  ။ တက်ပြီး သတိလစ်သွားလို့တဲ့။
သူမယောက်ျားက သူ့ဆီ ဖုန်းမဆက်လို့ ဒေါသထွက်ပြီး တက်သွားတာတဲ့။
AN (anxiety neurosis၊စိတ်​ဖိစီးမှု​ကြောင့်​ဖြစ်​​သော​ရောဂါ)ကြီးများလား။
ကျွန်တော် စမ်းသပ်နေချိန်တွင်
တက်မနေတော့ပါ......။

သွေးပေါင် တိုင်းဖို့ လက်ကို ကိုင်လိုက်ချိန်
သူမက ခြေတွေ လက်တွေ  ရုန်းကန်သည်။သူမ၏  လက်မှာ တက်တူးထိုး ထားတာတွေကို တွေ့ရသည်။

"မ....။
ငြိမ်ငြိမ်နေပေးပါ ။ သွေးပေါင် တိုင်းမလို့"လို့ပြောလည်း လက်ကို သွေးပေါင် တိုင်းမရအောင် ကွေး ဆန့် လုပ်နေသည်။သူနာပြုဆရာက သူမရဲ့ လက်ကို ကူပြီး ထိန်းပေးပေမယ့် သွေးပေါင် တိုင်းလို့ မရအောင် ထပ်လှုပ်နေသည်။ တကယ်တော့ သူမက သတိကောင်းစွာ ရနေပါပြီ။

"ဟေ့...အသိစိတ် ရှိရဲ့သားနဲ့ အဲ့လို မလုပ်နဲ့လေ" လို့ ကျနော် ပြောလိုက်ချိန်

"ဒီလို ဆရာဝန် နဲ့ လုံးဝ မကုနိုင်ဘူး။ ပြန်မယ်။ ဘယ်လို ဆရာဝန်လဲ။ လူနာကို စော်ကားတယ်။........................."
သတိလစ်နေတယ်ဆိုပါတဲ့ သူမကလေ....ရုတ်တရက် ထပြီး
မိုက်မိုက်ရိုင်းရိုင်း စကားတွေ ပြောဆိုကာ ဆေးရုံပေါ်ကနေ ပြန်၏။
ကျနော် သူမကို ဘာစကားမှ ပြန်မပြောဘဲ တာဝန်ကျရာနေရာမှာပဲ ထိုင်နေလိုက်မိသည်။
ထိုင်နေရင်း
ကျနော် ပြန်စဉ်းစားမိတာက
ငါများ တော်တော် အပေါက်ဆိုးနေလား?
ရောက်ကတည်းက ဟိန်းဟောက် နေလို့လား?
ငါပြောလိုက်တဲ့ "ဟေ့...အသိစိတ် ရှိရဲ့သားနဲ့ အဲ့လို မလုပ်နဲ့လေ"ဆိုတဲ့စကားကရော သူမကို စော်ကားနေမိတာလား?
ဟင့်အင်း။ တစ်ခုမှ မဟုတ်ပါဘူးလို့ ကျနော်ထင်သည်။
AN လည်း မဟုတ်တန်ရာ။မိမိ ပြဿနာ၊ မိမိရဲ့ အပူတွေကို  တခြားလူ သို့ ပေးချင်သူသာဖြစ်ရမည်။

"ဆရာဝန်ကို လေးစားတာ မလေးစားတာ ထက် ယုံကြည်မှု မရှိဘဲ ကုသနေရင် သာမန် ရောဂါတောင် အပျောက် နှေးတတ်ပါတယ်။"

သူမနဲ့ပါလာတဲ့ သူမညီမကိုပြောတော့ သူမညီမက
" တောင်းပန်ပါတယ်ဆရာ။ အမက သူဆေးရုံတက်ရင် သူ့ယောက်ျားက သူ့ဆီ ပြန်လာမယ်ထင်လို့ ​ဆေးရုံ တက်ချင်နေတာပါ"

"ရပါတယ်​ "
        နားနေခန်းထဲပြန်ဝင်ပြီး အိပ်ပျော်အောင် မနည်းကြိုးစားရသည်။
"Night duty ချတာ အိပ်ဖို့ မဟုတ်​ဘူး "ဟု commentပေးဖူးသော လူတစ်ဦး၏ စကားကို တွေးမိတော့ ပြုံးရသေးသည်။ ဆရာဝန်​ တွေက စက်ရုပ်မှ မဟုတ်တာ။ ၂၄နာရီ Non Stopအလုပ်လုပ်နေဖို့ ပါဝါရိန်းဂျားဖြစ်ဖို့လိုသည်။
ကြားထဲ နာရီ ဝက်ခြားတစ်ခါ လူနာကလာနေသည်။ ဖျားနေတာ ၇ရက်ရှိမှ၊ ဆေးမြီးတိုနှင့်ကုနေတာ တစ်လကြာမှ၊မိမိဘာသာ ဗိုက်ဖျက်ချပြီး သွေးဆင်းမရပ်တော့တဲ့လူနာ၊ သွားကိုက်တာ မနက်ကတည်းက ညမှ မနေနိုင်လို့ လာပြတဲ့လူနာ အစရှိသဖြင့်​ လူနာတွေ ။ နည်းနည်းပါးပါး တော့ ဒေါသထွက်ဖို့ကောင်းသည်။ တကယ် မနေနိုင်မှ ညဥ့်သန်းခေါင်း လာပြကြသည်။
"လူနာတွေရဲ့ အတိတ်ကိုမေ့လိုက်။ ကိုယ့်ဆီ ရောက်လာချိန်က စပြီး အကောင်းဆုံး လုပ်ပေးရမှာ ကိုယ့်တာဝန်ပဲ"
ဆရာမကြီး တစ်ဦးပြောဖူးသည့် ဆုံးမစကား ကို ပြန်လည် ကြားယောင်မိသည်။
"ဝင်လေ ထွက်လေ ဝင်လေ ထွက်လေ"
အသက်ရှူရင်းက အိပ်ပျော်သွားပြန်သည်။
"ဒေါက် ဒေါက် ဆရာ ဆရာ
ဆရာ NA (new admission၊လူနာသစ်​)လာတယ်"
အိပ်ချင်နေသည့် မျက်​လုံး ကို အားကုန်ဆွဲဖွင့်
"အေး လာပြီ"
          လူနာကုတင်ပေါ်တွင် အသက် ဆယ့်ရှစ်နှစ်ခန့် ကောင်မလေးက လူးလဲပြီး အော်ဟစ်နေသည်။ သူမရဲ့ အနားမှာ အမျိုးသမီး နှစ်ဦးက ပျာပျာသလဲ ဖြစ်လို့။
"ဘာဖြစ်​လို့လဲ "
"သမီးလေးကအခုမှ ဗိုက်အတင်းနာလာလို့ဆရာ"
"အပျိုလား အိမ်ထောင်နဲ့လား"
"အပျိုပါရှင့်"
"ဘယ်နားက နာတာလဲ"
ဗိုက်ကို စမ်းသပ်ကြည့်မိလုပ်တော့ ဂေါင်ဝန်ကြီး ဝတ်လာသည်။ ဂေါင်ဝန်ကို အပေါ် လှန်ပေးဖို့လိုသည်။ပါလာသည့် အဖော်နှစ်ဦးက စိုးရိမ်သည်ကလွဲ၍ ဘာမှ လုပ်တတ်ဟန်မတူ။
"အထဲမှာ ဘောင်းဘီပါလား"
"ကောင်မလေးက ခေါင်းညိတ်ပြသည်"
ဂေါင်ဝန်ကို အပေါ်သို့ ဆွဲလှန်လိုက်သည်။
"ဟမ်"
ဂေါင်ဝန်ကို အောက်သို့ အမြန် ပြန်ဖုံးရသည်။ ဘာဘောင်းဘီမှ ဝတ်မထားဘဲ မိမွေးတိုင်း ဗလာ။
"ပြောတော့ ဘောင်းဘီပါတယ်ဆို"
"ဟီး ညက ချွတ်ထားမိတယ်ထင်တယ်"
မေးမြန်းရင်း စမ်းသပ်ရင်း သိရသည်က မနေ့ညနေက ဝယ်လာသော ယိုးဒယား သ​င်္ဘောသီး ထောင်း နှစ်ပွဲကို တရေးနိုး ထစားပြီး ဗိုက်နာလာသည်ဟုဆိုသည်။ လိုအပ်တဲ့ ကုသမှုတွေ ပေးပြီး ပြန်လွှတ်လိုက်သည်။
  လက်က နာရီကို ကြည့်မိတော့ မနက် ၆နာရီ အတိ။ အိပ်ချင်စိတ်က  မရှိတော့။သွားတိုက်၊မျက်​နှာသစ်​ ပြီး Night report(တာဝန်​ဆင်းချိန်​ ​ဆေးရုံလာပြတဲ့လူနာ၊​ဆေးရုံ​ပေါ်မှ ဆင်းတဲ့လူနာ၊တက်​တဲ့လူနာ၊ မှု့ခင်းလူနာ​တွေအ​ကြောင်း ​ဆေးရုံအုပ်​ကြီးထံ ပို့ရသည့်​ အစီရင်​ခံစာ)ရေးရသည်။ မကြာခင် တနင်္ဂ​နွေ နေ့ တာဝန်ကျသည့် MO (ဆရာဝန်​)လာတော့မည်။ ကျွန်တော် ကတော့ ဂျူတီ ထွက်ချိန် ၈နာရီ ပြီးတာတောင် သေဆုံးသူ နှစ်ဦးကို ရင်ခွဲစစ်ဆေးဖို့ ရေခဲတိုက်ကို သွားရပေဦးမည်။

ဟမ်စိုင်း(ဆေး-မန်း)
မေလ။၂၀၁၇။မ​ဟေသီ မဂ္ဂဇင်း။