အမေရိကန်က တိုက်ချင်းပစ်ဒုံးအား ကြားဖြတ်ပစ်ချသည့် စနစ်ကို စမ်းသပ်မှု အောင်မြင်ခဲ့

အမေရိကန်က တိုက်ချင်းပစ်ဒုံးအား ကြားဖြတ်ပစ်ချသည့် စနစ်ကို စမ်းသပ်မှု အောင်မြင်ခဲ့

မြောက်ကိုရီးယား၏ ဒုံးလက်နက် အစီအစဉ်များကြောင့် စိုးရိမ်မှုများ မြင့်တက်နေစဉ် အမေရိကန်က တိုက်ချင်းပစ်ပဲ့ထိန်းဒုံး (ICBM) ပုံစံတူ ပြုလုပ်ထားသော ဒုံးကျည်အား ကြားဖြတ်ပစ်ချမှုကို မေ ၃၀ ရက်တွင် စမ်းသပ်ခဲ့ရာ အောင်မြင်ခဲ့ကြောင်း အမေရိကန်စစ်ဘက်က ထုတ်ပြန်ခဲ့သည်။

မာရှယ်အိုင်းစ်လန်းရှိ Reagan စမ်းသပ်ပစ်လွှတ်သည့်စခန်းမှ ပစ်လွှတ်လိုက်သော ICBM ပုံစံတူဒုံးအား ကယ်လီဖိုးနီးယားရှိ Vandenberg လေတပ်စခန်းမှ ပစ်လွှတ်လိုက်သော ဒုံးခွင်းဒုံးက အောင်မြင်စွာ ကြားဖြတ်ပစ်ချ နိုင်ခဲ့ကြောင်း အမေရိကန် စစ်ဘက်က ကြေ ညာချက် ထုတ်ပြန်ခဲ့သည်။

Ground-based Midcourse Defense (GMD) စနစ်မှ ဒုံးတစ်စင်းကို အာကာသသို့ ပစ်လွှတ်ခဲ့ပြီး ယင်းနောက် ပြင်ပလေထု ဖောက်ထွင်းသည့် ဒုံးခွင်းဒုံးကို ပစ်လွှတ်ခဲ့ရာ ယင်းဒုံးခွင်းဒုံးက ICBM ပုံစံတူဒုံးအား အောင်မြင်စွာ ပစ်ချနိုင်ခဲ့ကြောင်း သိရသည်။ ယင်းဒုံးခွင်းစနစ်သည် အမိမြေ ကာကွယ်ရန်အတွက် အလွန်အမင်း အရေးကြီးကြောင်း၊ ယင်းစမ်းသပ်မှုသည် အမှန်တကယ် ခြိမ်းခြောက်မှုအား ရင်ဆိုင်တုံ့ပြန်ရန် စွမ်းဆောင်နိုင်သော၊ စိတ်ချရသော အဟန့်အတားတစ်ခု ရရှိကြောင်းကို ပြသခဲ့ခြင်းဖြစ်ကြောင်း အမေရိကန်ဒုံးခွင်း အေဂျင်စီမှ ညွှန်ကြားရေးမှူး ဒုတိယရေတပ် ဗိုလ်ချုပ်ကြီး ဂျင်ဆရင်းက ပြောကြားခဲ့သည်။ GMD စနစ်အား ၂၀၁၄ ခုနှစ်က နောက်ဆုံးအကြိမ် စမ်းသပ်ခဲ့မှုသည် အောင်မြင်ခဲ့သော်လည်း ပို၍အရှိန်နှေးပြီး ICBM အမျိုးအစားတူ မဟုတ်သော ဒုံးများအား ကြားဖြတ်ပစ်ချခဲ့သည့် ယခင်စမ်းသပ်မှု သုံးကြိမ်မှာမူ မအောင်မြင်ခဲ့ပေ။ ရှုပ်ထွေးပြီး ခြိမ်းခြောက်မှုဖြစ်သော ICBM ပစ်မှတ်အား ကြားဖြတ်ပစ်ချနိုင်ခဲ့မှုသည် GMD စနစ်အတွက် မယုံကြည်နိုင်လောက်သော အောင်မြင်မှုတစ်ရပ် ဖြစ်ခဲ့ကြောင်း ဆရင်းက ပြောကြားခဲ့သည်။

GMD စနစ်၏ နောက်ကွယ်မှ နည်းပညာသည် အလွန်အမင်းရှုပ်ထွေးပြီး ယင်းစနစ်သည် ပဲ့ထိန်းဒုံး ခြိမ်းခြောက်မှုများကို ခြေရာခံ ထောက်လှမ်းရန် ကမ္ဘာလုံးဆိုင်ရာ အာရုံခံစနစ်များကို အသုံးပြုထားကြောင်း သိရသည်။ မဆင်မခြင် လုပ်ဆောင်သောနိုင်ငံ သို့မဟုတ် တရစပ် ပြိုင်ပစ်သော ဒုံးများအား ဟန့်တားနိုင်ရန် ယင်းဒုံးခွင်းစနစ်တွင် ယခုနှစ်ကုန် မတိုင်မီ ကြားဖြတ်ပစ်ချမည့်ဒုံး ၄၄ ခု တပ်ဆင်မည်ဖြစ်ကြောင်း သိရသည်။ သို့သော် ရုရှား သို့မဟုတ် တရုတ်ကဲ့သို့ နိုင်ငံများက တစ်ကြိမ်တည်းဖြင့် ဒါဇင်နှင့်ချီသည့်ဒုံးများ ပစ်ခတ်နိုင်ခြင်းကြောင့် ကယ်လီဖိုးနီးယားနှင့် အလာစကာရှိ ဒုံးခွင်းစနစ်များကို ဒုက္ခပေးနိုင်ကြောင်း သိရသည်။

ယင်းနောက်ဆုံး စမ်းသပ်မှုသည် အကန့်အသတ် ရှိသော်လည်း ထိရောက်မှုရှိသော ICBM ဒုံးခွင်းစနစ် အခြေခိုင်စေရန် အမေရိကန်စစ်ဘက်၏ ကြိုးပမ်းမှုအတွက် အရေးပါသော အပြောင်းအလဲလည်း ဖြစ်ခဲ့သည်။ မြောက်ကိုရီးယားက နောက်ထပ် ပဲ့ထိန်းဒုံးတစ်စင်းအား ပစ်လွှတ်စမ်းသပ်ခဲ့ပြီးနောက် တစ်ရက်အကြာတွင် အမေရိကန်က စမ်းသပ်ခဲ့ခြင်းဖြစ်သည်။

ဒုံးခွင်းစနစ်စမ်းသပ်မှုသည် အထူးသဖြင့် မြောက်ကိုရီးယားနှင့် တင်းမာမှုအား တုံ့ပြန်ရန် စီစဉ်ထားမှု မဟုတ်ကြောင်း၊ သို့သော် ကျယ်ကျယ်ပြန့်ပြန့်ပြောရလျှင် ၎င်းတို့တွင် ယင်းကဲ့သို့ ဒုံးခွင်းစနစ် စွမ်းဆောင်ရည် ပိုင်ဆိုင်ထားရန် မြောက်ကိုရီးယားက အဓိက အကြောင်းအရင်း တစ်ရပ်ဖြစ်ကြောင်း ပင်တဂွန် ပြောခွင့်ရပုဂ္ဂိုလ် ရေတပ်ဗိုလ်မှူးကြီး ဂျက်ဖ်ဒေးဗစ်က ပြောကြားခဲ့သည်။ အရှေ့အလယ်ပိုင်းဒေသတွင် အမေရိကန်၏ မဟာဗျူဟာမြောက်သော အကျိုးစီးပွားများကို အီရန်၏ မြင့်တက်လာသော ဒုံးစွမ်းရည်များကလည်း ခြိမ်းခြောက်နေကြောင်း ၎င်းက ထောက်ပြခဲ့သည်။

Eleven Media Group