မြောက်ကိုရီုးယား နျူကလီးယားအစီအစဉ်နဲ့ ပတ်သက်ပြီး နောက်ထပ် တင်းမာမှုတွေ ထပ်မဖြစ်ရအောင် ရှောင်ရှားတဲ့အနေနဲ့ အမေရိကန်နဲ့ မြောက်ကိုရီးယား အစိုးရအကြား ထိတွေ့ ဆက်ဆံမှုတွေ အမြန်ဆုံး လုပ်ဆောင်ဖို့ တရုတ်အစိုးရက တိုက်တွန်းလိုက်ပါတယ်။ မြောက်ကိုရီးယား ခေါင်းဆောင် ကင်မ်ဂျုံအွန်းနဲ့ ဖြစ်နိုင်ရင်တွေ့ဆုံဖို့ သူ လမ်းဖွင့်ထားတယ်လို့ အမေရိကန်သမ္မတ Donald Trump က ပြောဆိုလိုက်ပြီးတဲ့နောက်မှာပဲ တရုတ်နိုင်ငံခြားရေးဌာန ပြောခွင့်ရ Geng Shuang က အခုလို တိုက်တွန်း ပြောဆိုသွားတာဖြစ်ပါတယ်။
အမေရိကန်နဲ့ မြောက်ကိုရီးယား အစိုးရတို့အနေနဲ့ ငြိမ်းချမ်းရေးအတွက် ခိုင်မာတဲ့လုပ်ဆောင်မှုတွေ လုပ်သွားရလိမ့်မယ်လို့်လည်း ပြောခွင့်ရ Geng က ပြောပါတယ်။ မြောက်ကိုရီးယားက ဒုံးကျည်စမ်းသပ်မှုတွေ ဆက်တိုက် လုပ်ဆောင်နေတဲ့အချိန်၊ အမေရိကန်ကလည်း တောင်ကိုရီးယားကို အဆင့်မြင့် ဒုံးခွင်းဒုံးစနစ် နေရာချထားပြီး နှစ်ဘက် အပြန်အလှန် တင်းမာမှုတွေ တိုးလာအောင် လုပ်ဆောင်နေတာ တွေကို ရပ်ဆိုင်းဖို့ တရုတ်အစိုးရက တိုက်တွန်း နေတာပါ။ ကြီးမားတဲ့ စစ်ရေးလေ့ကျင့်မှုကြီးတွေကိုလည်း နှစ်ဘက်စလုံးက လုပ်ဆောင်ခဲ့ကြတာ ဖြစ်ပါတယ်။
ဗွီအိုအေ(မြန်မာပိုင်း)
No comments:
Post a Comment