နိုင်ငံကူးလက်မှတ် ပတ်စ်ပို့လုံခြုံမှု အဆင့်အတန်း မြှင့်တင်သည့်အနေနှင့် လျှောက်ထားသူ၏ မျက်လုံးပုံသဏ္ဌာန်ကို ကွန်ပျူတာ နည်းပညာဖြင့် မှတ်တမ်းရယူထားရန် နိုင်ငံတကာ ကုမ္ပဏီအချို့နှင့် စီစဉ်နေကြောင်း နိုင်ငံကူး လက်မှတ် ထုတ်ပေးရေးရုံးထံမှ သိရသည်။
“ပတ်စ်ပို့လုံခြုံမှုပိုင်း အဆင့်မြှင့်တင်ဖို့အတွက်ပါပဲ။ အဓိကတော့ ပတ်စ်ပို့အတု ပြုလုပ်တဲ့ပြဿနာ မရှိအောင် ရည်ရွယ်တာပါ။ အခု ပတ်စ်ပို့ လျှောက်ထားသူရဲ့ လက်မှတ်၊ ဓာတ်ပုံ၊ လက်ဗွေတွေကို မှတ်တမ်းယူထားပေမယ့် လုံခြုံမှု ထပ်မြှင့်တဲ့အနေနဲ့ မျက်လုံးပုံသဏ္ဌာန်ကိုပါ ပူးတွဲပြီးတော့ ကွန်ပျူတာစနစ်နဲ့ Screen ရိုက်ယူဖို့ စီစဉ်နေတာပါ”ဟု နိုင်ငံကူးလက်မှတ် ထုတ်ပေးရေးရုံးမှ အကြီးတန်းအရာရှိ တစ်ဦးက ပြောကြားသည်။
ယခင်က ပတ်စ်ပို့ ထုတ်ပေးရေး လုပ်ငန်းများအဖြစ် လက်မှတ်များဖြင့်သာ ပတ်စ်ပို့ စာအုပ်ရရှိရန် အဆင့်ဆင့် ရေးသွင်းရသောကြောင့် ကြန့်ကြာမှုများရှိခဲ့ရာ ၂၀၁၂ ခုနှစ်ခန့်ကစ၍ နည်းပညာအဆင့် မြှင့်တင်ခဲ့ပြီး ဆယ်ရက်ခန့်ဖြင့် ပတ်စ်ပို့စာအုပ် ရရှိရန် လျှောက်ထားသူ၏ ကိုယ်ရေး အချက်အလက်များ ရယူကာ စက်ဖြင့် စာအုပ် ထုတ်ပေးခဲ့သည်။
လက်ရှိတွင် ပတ်စ်ပို့စာအုပ်များကို မြန်မာနိုင်ငံတော် ဗဟိုဘဏ်လက်အောက်ရှိ ငွေစက္ကူ ထုတ်လုပ်ရေးလုပ်ငန်း၌ အသုံးပြုနေသော စက္ကူ အမျိုးအစားဖြင့် ထုတ်ပေးနေခြင်းဖြစ်ပြီး ယင်းစက္ကူ အမျိုးအစားတွင် အမှတ်စဉ်အလိုက် ဘားကုတ်နံပါတ်များ အပါအဝင် လုံခြုံရေး အမှတ်တံဆိပ်များ၊ စတစ်ကာ ကပ်ခြင်းများ စသော လုပ်ငန်းစဉ် အဆင့်ဆင့်ကို ပတ်စ်ပို့စာအုပ် အတွင်း၌ ထည့်သွင်း ဆောင်ရွက်ရကြောင်း ယင်းရုံးထံမှ သိရသည်။
“နည်းပညာ သဘောအရ နိုင်ငံကူးလက်မှတ်ကို အဆင့်မြှင့်တင်လာနိုင်တာက ကောင်းပါတယ်၊ နိုင်ငံတကာမှာလည်း ပတ်စ်ပို့ လုံခြုံမှုပိုင်း ခဏခဏ အဆင့်မြှင့်နေကြတာပါပဲ၊ တချို့ ပြည်ပနိုင်ငံသားတွေက ပတ်စ်ပို့ရဲ့ လုံခြုံရေး အားနည်းမှုအပေါ် အခွင့်ကောင်းယူပြီး ဆင်တူယိုးမှားနဲ့ လိမ်လည်တဲ့ ပြဿနာတွေ ပြည်တွင်းမှာ ရှိနေတယ်”ဟု ရန်ကုန်တိုင်း လူဝင်မှုကြီးကြပ်ရေး ဦးစီးဌာနမှ အကြီးတန်းအရာရှိတစ်ဦးက ပြောဆိုသည်။
READ မောင်တော မှာ လူဦးရေ ဆိုင်ရာ စိစစ်စစ်ဆေးမှု နှစ်လအတွင်း လူလေးသိန်းခွဲကျော် ပြီးစီး
ယခုနှစ် မေလဆန်းအတွင်း နိုင်ငံကူး လက်မှတ် ထုတ်ပေးရေးရုံးတွင် ပြည်ပနိုင်ငံ အချို့တွင် အလုပ်လုပ်ရန် ပတ်စ်ပို့လျှောက်ထားသူ နေ့စဉ် ၃၀ဝ၀ ခန့် ရှိနေကြောင်း၊ သင်္ကြန်ကာလ ရုံးပိတ်ရက်များတွင် ပြည်ပရောက် မြန်မာနိုင်ငံသား အများစု ပြည်တွင်းသို့ အလည်အပတ် ပြန်လာခြင်းကြောင့် ပုံမှန် လျှောက်ထားမှုထက် သုံးဆနီးပါး မြင့်တက်ခဲ့ကြောင်း ယင်းရုံးထံမှ သိရှိရသည်။
နိုင်ငံတော် အစိုးရအဖွဲ့၏ အရေးကြီး ပုဂ္ဂိုလ်များနှင့် နိုင်ငံတကာ သံတမန်ရေးရာ အဖွဲ့များမှလွဲ၍ ပတ်ပို့စ် ထုတ်ပေးရေး လုပ်ငန်းစဉ်အတိုင်း အဆင့်ဆင့် လုပ်ဆောင်ရမည်ဖြစ်ရာ ပတ်စ်ပို့ လျှောက်ထားသူများ အနေနှင့် ဖောင်ဖြည့်ခြင်း၊ ဘဏ်ငွေသွင်းခြင်း၊ စလစ်ဖြတ်ခြင်း အပါအဝင် ပတ်စ်ပို့ စာအုပ် ရရှိသည့်အထိ ဆယ်ရက်ခန့် ကြန့်ကြာမည်ဖြစ်ကြောင်း နိုင်ငံကူးလက်မှတ် ထုတ်ပေးရေးရုံးရှိ ကြေညာဘုတ်များတွင် သတိပေးစာကပ်ထားသည်။
Credit: The Voice Myanmar
No comments:
Post a Comment