အမျိုးသားပြန်လည်သင့်မြတ်ရေးနဲ့ အမျိုးသားရင်ကြားစေ့ရေးကို နိုင်ငံတော်အစိုးရက လုပ်ဆောင်နေတဲ့ကာလမှာ အန်အယ်လ်ဒီပါတီ ပြောရေးဆိုခွင့်ရှိသူ ဦးဝင်းထိန် က တပ်မတော်အပေါ် အခြေအမြစ်မရှိ ပုတ်ခတ်ပြောဆိုမှုတွေကို ပြင်းထန်စွာ ကန့်ကွက်ကြောင်းနဲ့ လိုအပ်တဲ့ တုန့်ပြန်မှုတွေ ဆောင်ရွက်သွားမယ်လို့ တပ်မတော်ကာကွယ်ရေးဦးစီးချုပ်ရုံးက ဒီကနေ့ သတင်းထုတ်ပြန်လုိုက်ပါတယ်။
အွန်လိုင်းမှာ ပြန့်နှံ့နေတဲ့ ကောလာဟလတွေနဲ့ ပတ်သက်ပြီး မနေ့က နေပြည်တော်မှာ ဦးဝင်းထိန်က သတင်းထောက်တွေကို ပြောခဲ့ပါတယ်။ သတင်းမှားတွေကို ဘယ်သူ ဘယ်အဖွဲ့အစည်းတွေက ထုတ်တယ်လို့ သံသယရှိသလဲလို့ သတင်းထောက်တစ်ဦးက မေးမြန်းခဲ့ပါတယ်။ အဲဒီမေးခွန်းနဲ့ ပတ်သက်ပြီး ဦးဝင်းထိန်က ဘယ်သူတွေကို သံသယရှိသလဲဆိုတာ ပြောရခက်တယ်၊ ဘာကြောင့်လဲဆိုတော့ ကြားနေရတာက အများကြီး။ ကြံ့ခိုင်ရေးကပဲ လုပ်သလား၊ တချို့တပ်မတော်အဖွဲ့အစည်းတွေကပဲ လုပ်သလား၊ ကျွန်တော်တို့ကို မလိုလားတဲ့ အုိုင်တီကျွမ်းကျင်သူတွေကပဲ လုပ်သလားဆိုတာ မှန်းရခက်တယ်ဆိုပြီး ဦးဝင်းထိန် က ဖြေကြောင်း ထုတ်ပြန်ချက်မှာ ပါရှိပါတယ်။
အခြေအမြစ်ခိုင်လုံခြင်းမရှိပဲ သံသယစိတ်ပေါ် အခြေခံပြီး တပ်မတော်အား ထည့်သွင်းပြောဆိုခြင်းဟာ တပ်မတော်ရဲ့ ဂုဏ်သိက္ခာကို များစွာထိခိုက်စေတယ်လို့ ပါရှိပါတယ်။
အင်တာနက်မှာ ပြန့်နှံ့နေတဲ့ ကောလာဟလတွေက နိုင်ငံတော်သမ္မတ ဦးထင်ကျော်ဟာ ကျန်းမာရေးကြောင့် နှုတ်ထွက်စာ တင်ထားကြောင်း၊ သူရဦးရွှေမန်းကို သမ္မတအဖြစ်ခန့်အပ်ဖို့အတွက် ဒေါ်အောင်ဆန်းစုကြည် ပြန်အလာစောင့်နေတယ်စသဖြင့် ကောလာဟလတွေ ပြန့်နှံ့နေတာ ဖြစ်ပါတယ်။
Photo: Win Ko Ko Latt/RFA
No comments:
Post a Comment