ရန်ကုန်မြို့ Asia World ဆိပ်ကမ်းမှာ မေ(၁၃)ရက်က AWE Co,Ltd ကတင်ပို့မယ့် Frozen Sea Water Fish တွေကိုတာဝန်ကျအကောက်ခွန်အဖွဲ့က X-Ray ဖြတ်သန်းစစ်ဆေးစဉ် သံသယ ဖြစ်ဖွယ်ပုံရိပ် တွေ့ရှိလို့ဖွင့်ဖောက်စစ်ဆေးခဲ့ရာထုတ်ကုန်ကြေညာလွှာမှာကြေညာထားခြင်းမရှိတဲ့ ငါးခွေးလျှာ (Tongue Sole Fish)ကီလို(၂၆၀၀၀)၊စုစုပေါင်းခန့်မှန်းတန်ဖိုးငွေကျပ်(၁၇)သန်းကျော် ခန့်ကို တွေ့ရှိလို့ ဖမ်းဆီးခဲ့တယ်လို့ အကောက်ခွန်ဦးစီးဌာနရဲ့သတင်းအရသိရပါတယ်။ ရေပူနဲ့ မရမ်းချောင် အမြဲတမ်းစစ်ဆေးရေးစခန်းတွေကလည်း တင်သွင်း၊တင်ပို့တဲ့ ကုန်ပစ္စည်း တွေကို စစ်ဆေးမှုတွေပြုလုပ်လျက်ရှိရာမှာ မေ(၁၅)ရက်က ရေပူအမြဲတမ်းစစ်ဆေးရေး စခန်းက တားဆီးမှု (၂)မှု၊ ခန့်မှန်းတန်ဖိုးငွေကျပ်(၄၁)သန်းကျော်ခန့်၊ မရမ်းချောင်အမြဲတမ်းစစ်ဆေးစခန်းက တားဆီးမှု(၄)မှု ခန့်မှန်းတန်ဖိုးငွေကျပ် (၅)သန်းကျော်ခန့် စုစုပေါင်းတားဆီးမှု(၆)မှု၊ ခန့်မှန်းတန်ဖိုး ငွေကျပ်(၄၆)သန်းကျော်ခန့် ဖမ်းဆီးရမိတယ်လို့ သိရပါတယ်။ တရားမဝင် ကုန်စည်တွေ တားဆီးထိန်းချုပ်ဖို့အတွက် ရေပူနဲ့မရမ်းချောင်အမြဲတမ်းစစ်ဆေးရေးစခန်းတို့ကို ဌာနဆိုင်ရာ ပူးပေါင်းအဖွဲ့တွေနဲ့ ဖွင့်လှစ်ဆောင်ရွက်နေရာမေ(၁၅)ရက်က မန္တလေး-မူဆယ် ပြည်ထောင်စု လမ်းမကြီးတစ်လျှောက်ကုန်သွယ်မှုယာဉ် ပို့ကုန်(၆၂၅)စီး၊ သွင်းကုန်(၄၅၁)စီး၊ ရန်ကုန်-မြဝတီ လမ်းမကြီးတစ်လျှောက် ကုန်သွယ်မှုယာဉ် ပို့ကုန်(၄၅)စီး၊သွင်းကုန်(၁၆၂)စီး ကုန်စည်တွေ သယ်ယူပို့ဆောင်ခဲ့တယ်လို့သိရပါတယ်။
-
CentralNewsBureau
No comments:
Post a Comment