ဟိုင်းကြီးကျွန်း မေ ၁၅
ဧရာဝတီတိုင်းဒေသကြီး ဟိုင်းကြီးကျွန်းမြို့ ကံချိုင်ကျေးရွာအုပ်စု ကျားတန်း(၁) ရပ်ကွက်ရှေ့ရှိ ပင်လယ်ပြင်တွင် မေ ၁၅ ရက်က “ဓားခုတ်မှုတစ်ခု ဖြစ်ပွားခဲ့ကြောင်း သိရသည်။
ကံချိုင်ကျေးရွာအုပ်စု ကျားတန်း(၁)ရပ်ကွက်တွင်နေထိုင်၍ ရေလုပ်ငန်း လုပ်ကိုင် လျက်ရှိသော မင်းထိုက်(၃ဝနှစ်)သည် ဇော်ဇော်၊ မိုးဝင်း၊ ဝင်းထွန်းတို့နှင့် မေ ၁၄ ရက်က ရန်ဖြစ် စကားများထားခဲ့ကြောင်း ၊ မေ ၁၅ ရက်တွင် မင်းထိုက်သည် စက်လှေပေါ်တွင် ရှိနေစဉ် ဇော်ဇော်၊ မိုးဝင်း၊ ဝင်းထွန်းတို့သည် ရွာပြန်ဦးမည်ဟုဆိုကာ ၄င်းတို့စက်လှေဖြင့် မောင်းလာ၍ မင်းထိုက်ရှိရာစက်လှေသို့ လေးခွများနှင့်ပစ်ခတ်ပြီး မင်းထိုက်ရှိရာ စက်လှေပေါ်သို့ကူးလာကာ ဓားဖြင့်ခုတ်ခြင်း၊ တုတ်ဖြင့်ရိုက်ခြင်းများ ပြုလုပ်နေ၍ မင်းထိုက်၏ ယောက္ခမဖြစ်သူက စက်လှေဖြင့်လိုက်လာ၍ ၄င်းတို့၏စက်လှေပေါ်သို့ တက်ပြီး မောင်းပြေးသွားကြောင်း သိရသည်။
အဆိုပါဖြစ်စဉ်ကြောင့် မင်းထိုက်မှာ ပြတ်ရှဒဏ်ရာများရရှိကာ ဟိုင်းကြီးကျွန်း မြို့တိုက်နယ်ဆေးရုံတွင် အတွင်းလူနာအဖြစ်ကုသလျက်ရှိကြောင်း “ဓားခုတ်မှုတွင်ပါဝင် နေသော ပြစ်မှုကျူးလွန်သူများမှာ ထွက်ပြေးတိမ်းရှောင် လျက်ရှိပြီး နီးစပ်ရာရဲစခန်း များနှင့် ဆက်သွယ်၍ အမြန်ဖမ်းဆီးရမိရန် ဆောင်ရွက်လျက်ရှိကြောင်း ဟိုင်းကြီး ကျွန်းရဲစခန်းက သိရသည်။
ကျော်သူဟိန်း(ဟိုင်းကြီးကျွန်း)
No comments:
Post a Comment