ကချင်ပြည်နယ် မိုးညှင်းခရိုင် ဖားကန့်နဲ့ မိုးညှင်းမြို့နယ်တွေကထွက်တဲ့ ကျောက်မျက်ရတနာကို မှတ်ပုံတင်ချိန်မှာ ရာဖြတ်တန်ဖိုးအပေါ် ၂၀ ရာခိုင်နှုန်းကောက်ခံတဲ့ ရတနာအခွန် ဒေသအခေါ် တွင်းဝခွန်ကို ပြည်နယ်အတွက်သာ အသုံးပြုဖို့ တိုက်တွန်းကြောင်းအဆိုကို ဒီကနေ့ ပြည်နယ်လွှတ်တော်က အတည်ပြုခဲ့ပါတယ်။
အဆိုရှင်ရဲ့တင်ပြချက်ဟာ အနာဂါတ်မှာ ကျင့်သုံးမယ့် ဖက်ဒရယ်ဒီမိုကရက်တစ်နိုင်ငံစနစ်အတွက် သင့်မြတ်တာကြောင့် ပြည်နယ်သားအားလုံးက ကျေနပ်လိမ့်မယ်လို့ မျှော်လင့်ကြောင်း မိုးညှင်းမြို့နယ်ရဲ့ ပြည်နယ်လွှတ်တော်ကိုယ်စားလှယ် ဦးကျော်ကျော်ဝင်း က ထောက်ခံဆွေးနွေးပါတယ်။
အဲဒီအဆိုနှင့် ပတ်သက်ပြီး ပြည်ထောင်စုအဆင့်မှာ ဆက်လက်ဆွေးနွေးရမယ့်ကိစ္စဖြစ်တာကြောင့် မှတ်တမ်းတင်ဖို့ ပြည်နယ်သယံဇာတနဲ့ သဘာဝပတ်ဝန်းကျင်ထိန်းသိမ်းရေးဝန်ကြီး ဦး H လအောင် က ရှင်းလင်းဖြေကြားပါတယ်။
ဒါပေမဲ့ အဆိုရှင် ဖားကန့်မြို့နယ်ရဲ့ ပြည်နယ်လွှတ်တော် ကိုယ်စားလှယ် ဦးလဆိုင်းက လက်မခံဘဲ လွှတ်တော်ရဲ့အဆုံးအဖြတ်ကို ခံယူခဲ့ရာမှာ တက်ရောက်လာတဲ့ ကိုယ်စားလှယ် ၄၈ ဦးမှာ ၄၅ ဦးက ထောက်ခံတဲ့အတွက် လွှတ်တော်က အတည်ပြုခဲ့ပါတယ်။
ဒီကနေ့ပြုလုပ်တဲ့ ကချင်ပြည်နယ်လွှတ်တော် အစည်းအဝေးမှာ ကြယ်ပွင့်ပြ မေးခွန်း အခု ၂၀ နဲ့ အဆို ၄ ခုကို လွှတ်တော်ကိုယ်စားလှယ်တွေက တင်သွင်းမေးမြန်းဆွေးနွေးခဲ့ကြပါတယ်။
Photo: Kyaw Myo Min/RFA
No comments:
Post a Comment