"မီးရထား စီးရအောင်"

"မီးရထား စီးရအောင်"

         ကျွန်တော်ငယ်ငယ်က မီးရထားစက်ခေါင်းတွေကို တော်တော်သဘောကျပါတယ်။ ပြောမယ့်သာပြော တာ... တကယ်တမ်း ကျွန်တော်မွေးဖွားကြီး    ပြင်းတဲ့နေရာနဲ့ ဝန်းကျင်က မီးရထားနဲ့ဘာမှ ပတ်သက်ဆက်စပ်ခြင်းမရှိပါဘူး။ ကျွန်တော်မွေး တာက မန္တလေးဈေးချိုတော်အနောက်ဘက် အိမ်တော်ရာဘုရားတောင်ဘက်မုခ်က ဆင်းရဲသား ရပ်ကွက်လေးမှာပါ။ ကျွန်တော့်အသိုင်းအဝန်းထဲမှာ လည်း မီးရထားဝန်ထမ်း၊ မီးရထားနဲ့ပတ်သက်တာ တစ်ယောက်မှမရှိပါဘူး။ မီးရထားနဲ့ ခရီးသွားတာ ကလည်း တစ်နှစ်မှ တစ်ခေါက်တောင်အနိုင်နိုင်ပါ။ ဒါကလည်း မိဘတွေဇာတိဖြစ်တဲ့ ဘုတလင်ဘက် ကို နွေအခါမှာ ပြန်ဖြစ်တာပါ။

 ဟုတ်ပါတယ်။ တစ်နှစ်မှ တစ်ခါဆိုသလို မီးရထားစီးဖြစ်တဲ့အချိန်မှာပဲ မီးရထားစက်ခေါင်း တွေကို စိတ်ဝင်စားသွားတာပါပဲ။ ကျွန်တော့်ဖခင် ဟာ ခရီးထွက်ရင် အလွန်ဝီရိယကောင်းလှပါ တယ်။ မန္တလေး-ဘုတလင်လော်ကယ်က မနက် ၅ နာရီခွဲလောက်မှ ထွက်တာပါ။ ဒါပေမဲ့အိမ်တော်ရာ ဘုရားတောင်ဘက်မုခ်အနီး နေအိမ်ကနေ မိုးမ လင်းခင် နာရီပြန်နှစ်ချက်ခွဲ သုံးနာရီလောက် ကတည်းက၊ ကိုသန်းလေးမြင်းလှည်းနဲ့ ဘူတာကို ထွက်ဖြစ်ပါတယ်။ ဒီတော့ ဘူတာထဲရောက်နေ တာ မနက်အရုဏ်တက်လေးနာရီဆိုတာ နောက် အကျဆုံးပါ။ မီးရထားလက်မှတ်ဝယ်အပြီး၊ မန္တလေး ဘူတာကြီးတောင်ဘက်အစွန် စက်ခေါင်းရုံနားမှာ တွဲထိုးထားတဲ့ ဘုတလင်လော်ကယ်ရထားတွဲဆိုင်း ပေါ်၊ ဘယ်ခရီးသည်မှမရောက်သေးခင် မှောင် ထဲမှာခြင်တဖျပ်ဖျပ်ရိုက်ရင်း ထိုင်နေရတာပေါ့။ ကျွန်တော်က ကလေးအရွယ်ဆိုတော့ မှောင်ထဲက မီးရထားတွဲထဲ တစ်နာရီလောက်ကြီး ဘယ်မှာ ထိုင် ချင်ပါ့မလဲ...။ တွဲအောက်ဆင်းပြီး ဟိုသည် ကြည့်ချင်တာပေါ့။ ဒီတော့ စက်ခေါင်းရုံနဲ့အနီး         အနားဆိုတော့ အခြားစင်္ကြံတွေမှာ တွဲထိုးထားပြီး ထွက်တော့မယ့်ရထားတွဲတွေအတွက် မီးရထား စက်ခေါင်းကြီးတွေပြင်ဆင်နေတာ၊ ရှန်တိန်လုပ် နေတာတွေကိုကြည့်ရတာ ပျော်စရာကောင်းလှ တယ်။ မည်းမည်းနက်နက် စက်ခေါင်းကြီးတွေက မီးရဲရဲ၊ ရေနွေးငွေ့တထောင်းထောင်း မီးခိုးတလူလူ နဲ့ ဥသြများဆွဲလိုက်ရင် လန့်သွားတာကိုက ပျော်စ ရာပါ။ အသားမည်းသလောက် ဖွေးဖွေးလက်နေတဲ့ ယူနီဖောင်းကို ကျကျနနဝတ်ပြီး မီးရထားစက် ခေါင်းကြီးတွေပေါ်ကနေ မောင်းတံကြီးတွေဆွဲ၊   သံလက်ကိုင်ဘီးတွေလှည့်၊ သံကြိုးကြီးတွေဆွဲပြီး၊ စက်ခေါင်းကြီးကို မောင်းနှင်နေတဲ့ စက်ဗိုလ်ကြီး တွေကိုလည်း သဘောကျတယ်။ မောင်းတံကြီး များဆွဲလိုက်ရင်၊ ရေနွေးငွေ့တွေမှုတ်ထုတ်ပြီး၊ ဧရာမမီးရထားဘီးလုံးကြီးတွေက မောင်းတံကြီး တွေအလှုပ်အရှားနဲ့လည်ပတ်ပြီး စက်ခေါင်းကြီး ထွက်သွားတာ...၊ နောက်ပြန်ဆုတ်သွား တာ...။ ခေါင်းပေါ်က သံကြိုးလေးဆွဲလိုက်ရင် 'တူ'ခနဲ ဥသြသံကြီး မြည်ဟည်းသွားတာတွေလည်း စိတ်ဝင်စားစရာကောင်းတယ်။

ရေနွေးငွေ့အားနဲ့ မောင်းနှင်တဲ့ မီးရထားစက် ခေါင်းကြီးရဲ့ ပုံပန်းသဏ္ဌာန်၊ စက်ပစ္စည်းများ        အလုပ်လုပ်ပုံတွေကို ကြည့်မဝ၊ ရှုမဝဖြစ်ရတယ်။ ဒီမီးရထားစက်ခေါင်းကြီးတွေရဲ့ပုံသဏ္ဌာန်တွေကို သဘောကျလို့ မှတ်သားဖန်များလာတော့ ပန်းချီ        ဝါသနာပါစ၊ ကျွန်တော့်ပန်းချီလေ့ကျင့်ခန်းဟာ အခြားသူတွေနဲ့မတူဘဲ မီးရထားစက် ခေါင်းကြီးရဲ့ ရှေ့တည့်အမြင် ဘေးတိုက် အမြင်၊ ဘေးတစောင်းအမြင် ပုံတွေများ တယ်။ ရေနွေးငွေ့စက်ခေါင်းကြီးက ဥသြသံပေးရင်း မီးခိုးတွေမှုတ်ထုတ်ကာ နောက်ပြန်ဆုတ် ခုတ်မောင်းလာရင်း ကျွန်တော်တို့စီးမယ့် ဘုတလင်လော် ကယ်ရထားတွဲဆိုင်းကို 'ဂျိမ်း'ခနဲ တွန်း လိုက်ပြီး မီးရထားအလုပ်သမားတွေက တွဲကို ချိတ်ဆက်လိုက်မှပဲ ကျွန်တော့်ကို ရထားတွဲပေါ်အဖေကပြန်တက်ခိုင်းတယ်၊ ဒါပေမဲ့ စက်ခေါင်းချိတ်ပြီး အနည်းဆုံး နာရီဝက်လောက်ကြာမှ ရထားထွက်မှာမို့၊ ကျွန်တော်က တွဲပေါ်မတက်ချင်သေးဘူး။ မီးရထား စက်ခေါင်းကြီးကို ကြည့်ချင်နေသေးတယ်။ နောက် ဆံတငင်ငင်နဲ့ပေါ့။ တွဲပေါ်ကျန်ရစ်တဲ့ အမေက စိတ်ပူလို့တွဲပေါက်က ခေါင်းပြူပြီး တွဲပေါ်တက်ဖို့ တစာစာအော်ခေါ်နေပြီလေ...။

 မီးရထားတွဲပေါ်ရောက် မီးရထားထွက်ပြီဆို ရင် မြို့ဟောင်းဘူတာက အထွက်ရောက်တော့ ကိုယ်စီးတဲ့ရထားတွဲရဲ့ ညာဘက်ခြမ်းကနေ ပြူတင်း ပေါက်မေးတင်ပြီး အနောက်ဘက်ကွေ့ဝိုက်သွားတဲ့ လမ်းအတိုင်း ရှေ့ကမီးခိုးတလူလူနဲ့ ခုတ်မောင်း သွားတဲ့မီးရထားစက်ခေါင်းကြီးကို မမေ့မလျော့ ကြည့်ရသေးတယ်။ မြို့ဟောင်းဘူတာက အထွက် မှာ တည့်တည့်သွားတာက ရန်ကုန်လမ်းမဟုတ် လား။ ဘုတလင်-မုံရွာသွားတဲ့လမ်းက အနောက် ဖက်ကွေ့ဝိုက် ချိုးသွားတာလေ။ အဲဒီလိုလမ်း        အကွေ့ကိုပဲ အမရပူရဆိပ်ကမ်းဘူတာကအထွက် စစ်ကိုင်းတံတားအဝင်မှာလည်းရှိတော့ အားမရ သေးဘဲ ထပ်ကြည့်ရပြန်တယ်။ စစ်ကိုင်းတံတား သံမဏိခုံးကြီးအောက် မီးရထားစက်ခေါင်းကြီး ဝင်သွားတာက ပိုကြည့်ကောင်းတာကိုး...။ စစ်ကိုင်းကကျော်တော့ ကျွန်တော်မကြည့်နိုင်တော့ ဘူး။ ရထားတောက်လို့ အမေ့ရင်ခွင်ကြား ခေါင်း တိုးဝင်ပြီး အိပ်ရပြီလေ...။ ဒါပေမဲ့ ညောင်ပင် ဝန်းဘူတာရောက်ရင်၊ ဈေးသည်တွေဆီက ထမင်း ဝယ်စားရင်း ဘူတာထဲက ရေတိုင်ကြီးမှာ မီးရထား စက်ခေါင်းကြီးက တွဲကဖြုတ်ပြီး ရေထည့်တာမို့ တွဲပေါ်ကဆင်း ထမင်းစားရင်းကြည့်ရသေးတယ် လေ ...။

ငယ်ငယ်က စိတ်ဝင်စားတဲ့ရေနွေးငွေ့စက် ခေါင်းတွေကိုကြီးတော့လည်း စိတ်ဝင်စားတယ်။ အိမ်ထောင်ကျပြီး သားဦးရတာတောင် သားကိုစက် ဘီးရှေ့ကခုံပေါ်တင်ပြီး ဘူတာကြီးထဲသွားထိုင်ရင်း စက်ခေါင်းတွေကို ကလေးကိုပဲပြသလိုလိုနဲ့ တမက် မောမောသွားကြည့်ဖြစ်ပါသေးတယ်။ စက်ခေါင်း ကြီးတွေစိတ်ဝင်စားတော့ နည်းနည်းပါးပါးတီး ခေါက်လေ့လာဖြစ်တဲ့အခါ ... မြန်မာပြည်မှာ မီးရထားလမ်းစဖွင့်ကတည်းက ရေနွေးငွေ့စက် ခေါင်းတွေသုံးခဲ့တယ်။ နောက်ပိုင်း မြန်မာပြည် မီးရထားဌာနက တစ်လျှောက်လုံးသုံးခဲ့တဲ့ ရေနွေးငွေ့စက်ခေါင်းတွေမှာ အပေါ့စားစက်ခေါင်းတွေက A တဲ့၊ E တဲ့၊ MS တဲ့၊ STတဲ့၊ F တဲ့၊ FS တဲ့၊ L တဲ့၊  LS တဲ့။ အလတ်စားစက်ခေါင်းတွေကတော့ J တဲ့။ JS တဲ့၊ K တဲ့၊ KS တဲ့၊ C တဲ့...။ အကြီးစားစက် ခေါင်းကြီးတွေက YB တဲ့၊ YC တဲ့၊ YD တဲ့၊ D တဲ့၊ GB တဲ့၊ GC တဲ့...။ အဲဒီစက်ခေါင်းကြီးတွေဟာ အင်္ဂလန်နဲ့ အမေရိကန်လုပ်တွေဖြစ်တယ်။ ဂျပန် ခေတ်မှာတော့ ဂျပန်လုပ်စက်ခေါင်းတွေ ဝင်လာ ပေမယ့် မဖြစ်လောက်ဘူးတဲ့။ တစ်လျှောက်လုံး အင်္ဂလန်နဲ့ အမေရိကန်စက်ခေါင်းတွေပဲ သုံးခဲ့တာ ပါတဲ့။ နောက်ပိုင်း ရန်ကုန်-မန္တလေးလမ်းပိုင်းနဲ့ အချို့မြေပြန့်လိုင်းတွေအတွက် ဒီဇယ်စက်ခေါင်း တွေသုံးလာတော့ ပြင်သစ်လုပ် Alston တို့၊ အနောက်ဂျာမဏီလုပ် Krupp တို့နဲ့ ဂျပန်လုပ် KSK တို့၊ Hitachi တို့၊ Kawasaki တို့ စက်ခေါင်း အမျိုးအစားတွေ သုံးလာတယ်။ ၁၉၈ဝ ကျော် ကာလအထိပေါ့လေ။ အခုတော့ တရုတ်နဲ့ အိန္ဒိယခေါင်းတွေပဲ အကောင်းထား သုံးနေရတာပေါ့လေ။

 ရေနွေးငွေ့စက်ခေါင်းကြီးတွေကို အဲဒီ ၁၉၈ဝ ကျော်ကာလတွေမှာအထိ အသုံးပြုနေတာတွေ့ရ ဆဲပါ။ အထူးသဖြင့် မြေပြန့်က လော်ကယ်ရထား တွေမှာပေါ့။ မန္တလေးမှာဆို မန္တလေး-မတ္တရာရထား ကို ရေနွေးငွေ့စက်ခေါင်းနဲ့ ပြေးဆွဲခဲ့တာပါပဲ။ နာ မည်ကျော် ရွှေကျင်-မဒေါက်လမ်းပိုင်းတို့၊ကြေးနီ- တောင်တွင်းကြီးလမ်းပိုင်းတွေမှာလည်း ရေနွေးငွေ့ စက်ခေါင်းကြီးတွေနဲ့ ကမ္ဘာသိဖြစ်လာတယ်။ ရန်ကုန်အခြေပြုပြီး လမ်းပိုင်းလော်ကယ်တွေက လည်း ရေနွေးငွေ့စက်ခေါင်းတွေနဲ့ပါပဲ။

 ၂ဝဝ၆ ခုနှစ်လောက်က ထင်ရဲ့။ ကျွန်တော် ဂျာနယ်မှာ လုပ်စဉ်ကာလမှာပါ။ အသက် ၁၉ နှစ် လောက်ရှိတဲ့ တပည့်သတင်းထောက်လေးက တစ်ခုသောနံနက်မှာ ရုံးပေါ်အပြေးအလွှားတက်လာပြီး၊ ရုံးရဲ့အရှေ့နားက အေလမ်းခုံးကျော်တံတား အောက်မှာ ဘာကြီးလဲမသိဘူး။ မီးတွေတရဲရဲနဲ့မို့ ကင်မရာလာယူတာတဲ့လေ။ မေးလိုက်တော့မှ... ရေနွေးငွေ့စက်ခေါင်းကြီးတစ်လုံးက ဘူတာထဲဝင် ဖို့ အလံမချိုးသေးလို့ စောင့်နေတာပါလား...။ သူက ၁၉၈၇, ၁၉၈၈လောက်မှ မွေးတာဆိုတော့ ရေနွေးငွေ့စက်ခေါင်းကိုမမြင်ဖူးဘူးလေ...။ အဲဒီ စက်ခေါင်းကြီးက ကမ္ဘာလှည့်ခရီးသည်တွေပါတဲ့ အထူးရထားအနေနဲ့ မတ္တရာကိုပို့ဖို့တဲ့လေ။ တပည့် ကျော်သတင်းထောက်လေးခမျာ ဒီရထားကြီး နောက် တကောက်ကောက်လိုက်ပြီး မှတ်တမ်းတင် ရတာအမော ...။

မနှစ်က ရန်ကုန်ကို မီးရထားနဲ့သွားတော့        ပြွန်တန်ဆာဘူတာရုံကအထွက်မှာ စက်ခေါင်းရုံ ကြီးထဲ ရပ်ထားတဲ့ ရေနွေးငွေ့စက်ခေါင်းကြီးတွေ အများကြီးတွေ့လိုက်ရတယ်။ တော်တော်ပျော်သွား တယ်။ ဒါနဲ့ မီးရထားနဲ့ နီးစပ်သူမေးကြည့်တော့ စက်ခေါင်းကြီးတွေတော်တော်များများ ပြွန်တန်ဆာမှာပဲထားတာတဲ့။ သုံးလို့ရတာ သိပ်မရှိ တော့ဘူးဆိုလားပဲ။ အလားတူ မန္တလေး မြစ်ကြီးနားလမ်းက မိုးညှင်းဘူတာမှာလည်း ရှိဦးမလားပဲ။

 ဘာပဲပြောပြော ... ကျွန်တော့်လို အဲဒီ စက်ခေါင်းကြီးတွေကို သဘောကျတဲ့သူတွေအများ ကြီးရှိမှာ...။ နိုင်ငံခြားက မြန်မာပြည်လာလည် တဲ့ နိုင်ငံခြားသားတွေလည်း အများကြီးရှိမှာ...။ သေချာတာက အင်္ဂလိပ်ကိုလိုနီအစောဆုံးဖြစ်ခဲ့တဲ့ မြန်မာပြည်မှာဒီလိုရေနွေးငွေ့စက်ခေါင်းကြီးတွေ အများအပြားကျန်သေးတဲ့ တိုင်းပြည်မျိုးလည်း ကမ္ဘာမှာ ရှားကုန်လောက်ပါပြီ။ ဒီတော့ ဒီစက် ခေါင်းကြီးတွေကို ပြေးဆွဲလို့ရအောင်ပြင်ဆင်ပြီး၊ ပြည်တွင်းခရီးသည်တွေအတွက်၊ နိုင်ငံခြားခရီး သည်တွေအတွက်၊ အပျော်စီး၊ လေ့လာရေး၊ ခရီးတို အစီအစဉ်တွေ ပြုလုပ်ပေးရင်ကောင်းပါမယ်။ လယ်ကွင်း၊ ဆည်ရေ၊ ကျေးလက်သဘာဝတွေအတွက် မန္တလေး-မတ္တရာခရီးစဉ်မျိုး။ ရိုးရာဓလေ့ ဘာသာရေး ဘုရားပုထိုးမြင်ကွင်းတွေ အတွက် မန္တလေး၊ စစ်ကိုင်း၊ ရွာထောင်ခရီးစဉ်မျိုး။ မန္တလေး ထုံးဘိုခရီးစဉ်မျိုး စသည်ဖြင့်ပေါ့လေ...။

 ကျွန်တော်ကတော့ ဒီစက်ခေါင်းကြီးတွေလှုပ် ရှားတာ ပြန်မြင်ရရင် အသက် ၃ဝ လောက်ငယ် သွားမယ်ထင်ပါရဲ့ ...။    ။                                                                                                                                

ဆူးငှက် (Sue Hnget)
မန္တ​လေးသတင်းဂျာနယ်​(အတွဲ ၁၊ အမှတ်​ ၁၅)