Latest News

Thursday, May 18, 2017

ဗိုလ်ချုပ်ကြေးရုပ် ဖွင့်ပွဲကို ဒေါ်အောင်ဆန်းစုကြည် ၏ မွေးနေ့တွင် ပြုလုပ်မည်

ဗိုလ်ချုပ်ကြေးရုပ် ဖွင့်ပွဲကို ဒေါ်အောင်ဆန်းစုကြည် ၏ မွေးနေ့တွင် ပြုလုပ်မည်

မန္တလေးမြို့၊ ပြည်ကြီးတံခွန်မြို့နယ် မန္တလာတံခွန် ပန်းခြံတွင် ကြေး ပိဿာချိန် ၁,၅ဝဝ ရှိသည့် ဗိုလ်ချုပ် အောင်ဆန်း ကြေးရုပ်တု ဖွင့်ပွဲကို ဒေါ်အောင်ဆန်းစုကြည် ၏ မွေးနေ့ ဖြစ်သည့် ဇွန် ၁၉ ရက်တွင် ပြုလုပ်သွားမည် ဖြစ်ကြောင်း ဗိုလ်ချုပ်အောင်ဆန်း ရုပ်တုနှင့် ရင်ပြင် ဖြစ်မြောက်ရေး အဖွဲ့က ဦးမင်းထက်ငြိမ်းချမ်း က ပြောသည်။

''ဇွန် ၁ဝ ရက်နဲ့ ၁၁ ရက်မှာ မြို့ကို ပြန်အပ်နှံတဲ့ သဘော၊ ဂါရဝပြုခံတဲ့ သဘောနဲ့ လှည့်မယ်။ မြို့မ တူရိယာ အသင်းလည်း ပါမယ်။ ဇွန် ၁၉ မှာ ဖွင့်မယ်'' ဟု ၄င်းက ပြောသည်။

အဆိုပါ ဖွင့်ပွဲသို့ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် အပါအဝင် နိုင်ငံတော် အကြီးအကဲများနှင့် အမျိုးသား ဒီမိုကရေစီ အဖွဲ့ချုပ် ပါတီ ခေါင်းဆောင်များကို ဖိတ်ကြား သွားမည် ဟု ၄င်းက ပြောသည်။

အမြင့် ၁၃ ပေ နီးပါးးရှိ ဗိုလ်ချုပ်အောင်ဆန်း ကြေးရုပ် သည် ၁၉၄၇ ခုနှစ် လွတ်လပ်ရေး ကြိုးပမ်းမှု ကာလ အတွင်း ဗိုလ်ချုပ်၏ အသွင်အပြင် မျက်နှာ ပုံပန်း သဏ္ဌာန်ကို ယူကာ မန္တလေးမြို့၊ ချမ်းမြသာစည်မြို့နယ်၊ တမ္ပဝတီ ရပ်ကွက်တွင် သွန်းလုပ်လျက် ရှိသည်။

''အစိတ်အပိုင်း ၁၃ ခုပါတဲ့ နေရာမှာ အခု ရှစ်ခု ပြီးသွားပြီ။ ၆ဝ ရာခိုင်နှုန်း ပြီးသွားပြီတော့ ပြောလို့ ရတယ်'' ဟု ဦးမင်းထက်ငြိမ်းချမ်း က ပြောသည်။

အဆိုပါ ဗိုလ်ချုပ်ကြေးရုပ် သွန်းလုပ်ရန် အတွက် ၂ဝ၁၅ ခုနှစ်က စတင် ဖွဲ့စည်းခဲ့သော ဗိုလ်ချုပ်အောင်ဆန်း နှစ် ၁ဝဝ ပြည့် ရုပ်တုနှင့် ရင်ပြင် ဖြစ်မြောက်ရေး အဖွဲ့က ကျပ် သိန်းပေါင်း ၃ဝဝ ကျော် အကုန်အကျခံ ပြုလုပ်ခြင်း ဖြစ်ကြောင်း ၄င်းက ပြောသည်။


မြန်မာတိုင်း(မ်)

No comments:

Post a Comment