အမေရိကန်ဟာ ဓာတုလက်နက်နဲ့ တိုက်ခိုက်ဖို့ စီစဉ်နေတယ်လို့ မြောက်ကိုရီးယားက စွပ်စွဲပြီးနောက် အမေရိကန်ကို ကမ္ဘာမြေကြီးပေါ်ကနေ ဖယ်ရှားပစ်မယ်လို့ ခြိမ်းခြောက်သတိပေးလိုက်ပါတယ်။
အမေရိကန်က သူတို့နိုင်ငံအပေါ် “အမည်မသိရှိတဲ့ ဘေးအန္တရာယ်တွေ ကျရောက်အောင်” လျှို့ဝှက်ကြံစည် စီစဉ်ဆောင်ရွက်နေတယ်လို့ မြောက်ကိုရီးယားက ဧပြီလ ၂၂ ရက်နေ့က သတင်းထုတ်ပြန်မှုအတွင်း အခိုင်အမာ စွပ်စွဲပြောဆိုလိုက်တာပါ။
“အမေရိကန်ရဲ့ လုပ်ရပ်တွေအပေါ် နှုတ်ပိတ်ကြည့်နေမှာ မဟုတ်ဘူး၊ အမေရိကန် ဒါမှမဟုတ် ဆိုးသွမ်းယုတ်မာမှုတိုရဲ့ အင်ပါယာကြီးကို ဖျက်ဆီး ချေမှုန်းပစ်မယ်” လို့ မြောက်ကိုရီးယားဘက်က ပြောလိုက်တာပါ။
နိုင်ငံပိုင်သတင်းစာဖြစ်တဲ့ သည်ရိုဒုံဆင်မန်က “မြောက်ကိုရီးယားအပေါ် ဇီဝဓာတုစစ်လက်နက် ဆင်နွှဲမယ့် ရန်စစော်ကားတဲ့ အမေရိကန်ရဲ့ လှုပ်ရှားမှုတွေကို မြောက်ကိုရီးယားက ဘယ်တော့မှ နှုတ်ပိတ်ကြည့်နေမှာ မဟုတ်ဘူး၊ အဲ့ဒီအစား ဆိုးသွမ်းယုတ်မာမှုတို့ရဲ့ အင်ပါယာကြီးဖြစ်တဲ့ အမေရိကန်ကို ကမ္ဘာ့မြေပေါ်က ဖယ်ရှားပြီး အဆုံးသတ်ပြမယ်” လို့ ပြောခဲ့ပါတယ်။
“သတိပေးမှုကို အမေရိကန်နိုင်ငံအနေနဲ့ ဂရုမစိုက်အလေးမမှုတာမျိုး မလုပ်ပါနဲ့၊ မြောက်ကိုရီးယား စစ်တပ်ကြီးက စိတ်မချမ်းမြေ့ဖွယ် နောက်ဆုံးကံကြမ္မာကို ဖန်တီးကောင်း ဖန်တီးနိုင်တယ်” လို့ နိုင်ငံတော်ပိုင် သတင်းစာက ပြောတာပါ။
“မြောက်ကိုရီးယားကို မီးလောင်တိုက်သွင်းမယ့် အမေရိကန်ရဲ့ ဇီဝဓာတုစစ်စီမံကိန်း” လို့ ခေါင်းစဉ်ပေးထားတဲ့ အစီရင်ခံစာကလည်း အမေရိကန်နိုင်ငံက မြောက်ကိုရီးယားကို ဓာတုလက်နက်တွေနဲ့ တိုက်ခိုက်ဖို့ လျှို့ဝှက်အစီအစဉ်ချနေတယ်လို့ အခိုင်အမာစွပ်စွဲလိုက်ပါတယ်။
စစ်အတွက် ပြင်ဆင်မှုအနေနဲ့ အမေရိကန်နိုင်ငံက ဓာတုလက်နက်တွေကို တောင်ကိုရီးယားရဲ့ ဆိပ်ကမ်းမြို့ဖြစ်တဲ့ ဘူဆန်မြို့ကို ပို့ဆောင်တဲ့ သက်သေတွေ တွေ့ရှိထားတယ်လို့ အစီရင်ခံစာက စွပ်စွဲထားကြောင်း မေရာရဲ့ ဧပြီလ ၂၂ ရက်နေ့သတင်းမှာ ရေးသားထားပါတယ်။
ဒီဗွီဘီ
No comments:
Post a Comment