ရက္ခိုင့်တပ်မတော်ဖလားခေါင်းစဉ်နဲ့ ဘောလုံးပွဲကျင်းပလို့ မတရားအသင်း ဆက်သွယ်မှု ဥပဒေ ပုဒ်မ ၁၇/၁ နဲ့ ဖမ်းဆီးထိန်းသိမ်းခံထားရတဲ့ မြတန်ဆောင်းဆရာတော် အရှင်နန္ဒသာရနဲ့ ကိုခိုင်နီမင်း တို့ကို လွှတ်ပေးဖို့ မောင်တောမြို့မှာ ဒီနေ့တစ်ကိုယ်တော်ဆန္ဒပြတောင်းဆိုပါတယ်။
တပ်မတော်က လွှတ်ပေးအောင် အခုလိုဆန္ဒပြတောင်းဆိုတာလို့ တကိုယ်တော်ဆန္ဒပြသူ ဦးစိန်လှဖြူကပြောပါတယ်။
ဒီမိုကရေစီလမ်းကြောင်းကိုလျှောက်လှမ်းနေတဲ့အချိန်မှာ ဆန့်ကျင်ဘက်ဖြစ်နေတဲ့ မတရားအသင်းအက်ဥပဒေပုဒ်မတွေဟာ မရှိသင့်ဘူးလို့ ဆန္ဒပြသူကပြောပါတယ်။
ရဟန်းသံဃာတွေကို အစိုးရကကြည်ညိုလေးစားဖို့၊ မတရာအသင်းအက်ဥပဒေကိုဖျက်သိမ်းပေးဖို့၊ လူ့အခွင့်အရေးအရ မိမိယုံကြည်ရာကို လုပ်ခွင့်ရရှိရေး စတဲ့အချက်တွေနဲ့ မြို့ကိုလှည့်ပတ်ပြီး တစ်ကိုယ်တော်ဆန္ဒပြ တောင်းဆိုခဲ့တာဖြစ်ပါတယ်။
ရက္ခိုင့်တပ်မတော်(AA) ၈ နှစ်မြောက်အထိမ်းအမှတ်အဖြစ် ဘောလုံးပွဲ ကျင်းပခဲ့တဲ့ မြတန်ဆောင်းဆရာတော် အရှင်နန္ဒသာရနဲ့ ကိုခိုင်နီမင်းတို့ကို မတရားအသင်းအက်ဥပဒေနဲ့ ငြိစွန်းနေတယ်ဆိုပြီး မြောက်ဦးမြို့အခြေစိုက် ခမရ- ၅၄၀ တပ်ရင်းက တရားလိုပြုလုပ်ပြီး တိုင်ကြားခဲ့တာဖြစ်ပါတယ်။ သူတို့နှစ်ဦးဟာ ဧပြီလ ၁၀ ရက်နေ့က ဖမ်းဆီးထိန်းသိမ်းခံထားရတာဖြစ်ပါတယ်။
Photo: Than Chay Facebook/RFA
No comments:
Post a Comment