မေလရဲ့ ပထမ ၁ဝ ရက်အတွင်းမှာ ဘင်္ဂလားပင်လယ်အော်အတွင်း လေဖိအားနည်းရပ်ဝန်းဖြစ်နိုင်ပြီး "မုန်တိုင်းငယ်"တစ်ခုဖြစ်နိုင်တယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနကနေ သတင်းထုတ်ပြန်ပါတယ်။
အဲဒီမုန်တိုင်းဟာ သီရိလင်္ကာနိုင်ငံဘက်ကို ဝင်နိုင်ချေရှိပေမယ့် မြန်မာနိုင်ငံအနေနဲ့လည်း သတိထားဖို့ လိုအပ်တဲ့ အနေအထားဖြစ်တယ်လို့ မိုးလေဝသနဲ့ဇလဗေဒညွန်ကြားမှု ဦးစီးဌာန ဒုတိယညွန်ကြားရေးမှူးချုပ် ဦးကျော်မိုးဦးက ပြောပါတယ်။
"၆ ရက်နေ့လောက်ကျရင်တော့ ဘင်္ဂလားပင်လယ်အော် တောင်ပိုင်းမှာပေ့ါနော်။ မုန်တိုင်းဖြစ်နိုင်ဖို့ကို လေရစ်ခွေတဲ့ ပုံစံတစ်ခုရှိတယ်။ အဲဒီဟာလေးက အားကောင်းလာမလားဆိုတာ ကျနော်တို့ စောင့်ကြည့်နေတယ်ပေါ့နော်။ ၇ ရက် ၈ ရက်နေ့လောက်ဆိုရင် နည်းနည်းလေး develop ဖြစ်လာပြီးတော့မှ သီရိလင်္ကာနားပေါ့ ဟိုဘက်ထဲကို သွားဖို့တော့ရှိတယ်။ ဒါပေမဲ့ ဘင်္ဂလားပင်လယ်အော်ထဲဆိုတော့ မြန်မာနိုင်ငံအနေနဲ့လည်း နည်းနည်းဂရုပြုရမယ့် အနေအထားလေး ရှိပါတယ်"
အဲဒီလေဖိအားနည်းရပ်ဝန်းအရှိန်ကြောင့် တနင်္သာရီတိုင်း၊ ကချင်ပြည်နယ်၊ မွန်ပြည်နယ်၊ စစ်ကိုင်းတိုင်းဒေသကြီး အထက်ပိုင်းတွေမှာ မေလ ၂ ရက်နေ့ကနေ ၄ ရက်နေ့အထိ မိုးရွာနိုင်တယ်လို့လည်း မိုးဇလရဲ့ ထုတ်ပြန်ချက်မှာ ပါရှိပါတယ်။
ဒါ့အပြင်မုတ်သုံလေဟာလည်း မြန်မာနိုင်ငံကို မေလ ဒုတိယပတ်ကနေစပြီး ဝင်ရောက်နိုင်တာကြောင့် တစ်နိုင်ငံလုံးအနေနဲ့ မိုးရွာနိုင်တယ်လို့ ထုတ်ပြန်ထားပါတယ်။
ပြီးခဲ့တဲ့ ဧပြီ ၁၇ ရက်နေ့တုန်းကလည်း မြန်မာနိုင်ငံကို ဆိုင်ကလုန်းမုန်တိုင်း မာရသာဝင်ရောက်တိုက်ခတ်ခဲ့ပြီး ရခိုင်ပြည်နယ်၊ ဧရာဝတီတိုင်းဒေသကြီး၊ မကွေးတိုင်းဒေသကြီး တို့က မြို့နယ်အချို့မှာ နေအိမ်အဆောက်အအုံတွေ ပြိုတာ၊ ပျက်စီးတာတွေ ဖြစ်ခဲ့ပါတယ်။
Photo: U Nay Zaw
RFA
No comments:
Post a Comment