ရခိုင်ပြည်နယ်မှာ အကောင်အထည်ဖော်မယ့် ကျောက်ဖြူအထူးစီးပွားရေးဇုန် စီမံကိန်းကို ဒေသခံတွေထိခိုက်နစ်နာမှုမရှိအောင် အလေးထားဆောင်ရွက်မှာဖြစ်တယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ပြောပါတယ်။
ဒီနေ့ စစ်တွေမြို့ ဦးဥတ္တမခန်းမမှာ ကျောက်ဖြူအထူးစီးပွားရေးဇုန်စီမံကိန်း အကောင်အထည်ဖော်မယ့် ကိစ္စနဲ့ပတ်သက်ပြီး ဒေသခံတွေကိုရှင်းပြရာမှာ ဝန်ကြီးက အဲဒီလို ပြောတာဖြစ်ပါတယ်။
ကျောက်ဖြူခရိုင်အတွင်းမှာရှိတဲ့ ကျောက်ဖြူ၊ ရမ်းဗြဲ၊ မာန်အောင် စတဲ့မြို့နယ်တွေမှာ အကောင်အထည်ဖော်မယ့် အထူးစီးပွားရေးဇုန်စီမံကိန်းမှာ ရေနက်ဆိပ်ကမ်း၊ စက်မှုဇုန်၊ အဆင့်မြင့်အိမ်ရာ စီမံကိန်းတွေပါဝင်မှာဖြစ်ပြီး မြေဧကပေါင်း ၄၂ဝဝ ကျော်မှာ အကောင်အထည်ဖော်ဖို့ လျာထားတာဖြစ်ပါတယ်။
အဲဒီအထူးစီးပွားရေးဇုန်စီမံကိန်းကို ၂ဝ၂၈ ခုနှစ်အထိ အဆင့် ၃ ခုနဲ့ အကောင်အထည်ဖော် ဆောင်ရွက်မှာ ဖြစ်ပါတယ်။
ကျောက်ဖြူအထူးစီးပွားရေးဇုန်စီမံကိန်းကို အကောင်အထည်ဖော်ဖို့အတွက် ပြည်တွင်းက ကုမ္ပဏီပေါင်း ၅ဝ က အဆိုပြုတင်ပြထားတယ်လို့လည်း သိရပါတယ်။
Photo: Min Thein Aung/RFA
No comments:
Post a Comment